கர்நாடகா: பிரியபட்டணா தொகுதியில் காங்கிரஸ் வெற்றி - பாஜக டெபாசிட் இழப்பு!
பெங்களூர்: கர்நாடக மாநிலம் பிரியபட்டணா சட்டசபை தொகுதியில் நடைபெற்ற தேர்தலில் காங்கிரஸ் கட்சி வெற்றி பெற்றது. பாஜக வேட்பாளர் டெபாசிட் இழந்துள்ளார்.
கர்நாடக மாநிலத்தில் கடந்த மாதம் 5ந் தேதி சட்டசபை தேர்தல் நடைபெற்றது. இதில் மைசூர் மாவட்டத்தில் உள்ள பிரியபட்டணா தொகுதியில் பாரதிய ஜனதா சார்பில் போட்டியிட்ட சன்னமோகேகவுடா மாரடைப்பால் காலமானார். இதனால் தேர்தல் ரத்து செய்யப்பட்டு கடந்த 28-ந் தேதி மீண்டும் தேர்தல் நடைபெற்றது. இந்த தொகுதியில் காங்கிரஸ், பாரதிய ஜனதா, மதச்சார்பற்ற ஜனதா தளம் உள்பட 8 பேர் போட்டியிட்டனர். வாக்குகள் நேற்று காலை எண்ணப்பட்டன.
இதில் காங்கிரஸ் வேட்பாளர் வெங்கடேஷ் மொத்தம் 62 ஆயிரத்து 45 வாக்குகளை பெற்று தன்னை எதிர்த்து போட்டியிட்ட மதச்சார்பற்ற ஜனதா தளம் வேட்பாளர் மகாதேவைவிட 2 ஆயிரத்து 88 வாக்கு வித்தியாசத்தில் வெற்றி பெற்றார். பாரதிய ஜனதா கட்சிவேட்பாளர் ஆர்.டி.சதீஷ் 3 ஆயிரத்து 731 ஓட்டுகள் மட்டுமே பெற்று டெபாசிட்டை இழந்தா.
Click it and Unblock the Notifications
Sign in with Google