உலகிலேயே அதிக மக்கள் நெருக்கம் உள்ள இடங்கள் பட்டியலில் பீகார், மேற்கு வங்கம்
டெல்லி: மக்கள் நெருக்கத்தில் பீகார் மற்றும் மேற்கு வங்கம் ஆகிய மாநிலங்கள் ஒரு நாட்டின் மக்கள் நெருக்க அளவை மிஞ்சிவிட்டன.
கடந்த 2011ம் ஆண்டு எடுக்கப்பட்ட மக்கள் தொகை கணக்கெடுப்பு(சென்ஸஸ்) விவரம் வெளியிடப்பட்டுள்ளது. அதில் மக்கள் நெருக்கத்தில் பீகார் முதலிடத்திலும், மேற்கு வங்கம் இரண்டாவது இடத்திலும் உள்ளன. ஒரு சதுர கிலோ மீட்டரில் எத்தனை பேர் வசிக்கின்றனர் என்பது தான் மக்கள் நெருக்கமாகும்.
கடந்த 2001ம் ஆண்டு எடுக்கப்பட்ட மக்கள் தொகை கணக்கெடுப்பில் மக்கள் நெருக்கத்தில் மேற்கு வங்கம் முதலாவது இடத்திலும், பீகார் இரண்டாவது இடத்திலும் இருந்தது என்பது குறிப்பிடத்தக்கது. மேற்கு வங்கத்தில் 1 சதுர கிலோ மீட்டருக்கு 903 பேரும், பீகாரில் 881 பேரும் வசித்தனர். ஆனால் 2011 மக்கள் தொகை கணக்கெடுப்பின்படி பீகாரில் 1 சதுர கிலோ மீட்டருக்கு 1,106 பேரும், மேற்கு வங்கத்தில் 1,028 பேரும் வசிக்கின்றனர்.
இந்தியாவின் மக்கள் நெருக்கம் 382 ஆகும். அதே சமயம் அண்டை நாடான வங்கதேசத்தின் மக்கள் நெருக்கம் 964 ஆகும். 1,47,570 சதுர கிலமீட்டர் பரப்பளவு கொண்ட குட்டி நாடான வங்கதேசம் தான் உலகிலேயே அதிக மக்கள் நெருக்கம் கொண்ட நாடாகும்(அளவை வைத்து).
Click it and Unblock the Notifications
Sign in with Google