ஜெ. நாளை டெல்லி பயணம்.. அலுவாலியாவை சந்திக்கிறார்

டெல்லி: முதல்வர் ஜெயலிலதா நாளை டெல்லி செல்கிறார். அங்கு திட்டக் கமிஷன் துணைத் தலைவர் எம்.எஸ்.அலுவாலியாவை நாளை சந்தித்துப் பேசுகிறார்.

தமிழகத்திற்கான 2013-14ம் ஆண்டுக்கான திட்ட ஒதுக்கீடுகள் குறித்த பேச்சுவார்த்தை நாளை டெல்லியில் நடைபெறுகிறது. இதில் கலந்து கொள்வதற்காக முதல்வர் ஜெயலலிதா நாளை டெல்லி பயணிக்கிறார்.

டெல்லியில் திட்டக் கமிஷன் துணைத் தலைவர் அலுவாலியாவுடன் அவர் பேச்சு நடத்துகிறார். அந்தப் பேச்சுவார்த்தையின்போது தமிழகத்திற்கான திட்டஒதுக்கீடு இறுதி செய்யப்படும்.

இந்த சந்திப்புக்குப் பின்னர் நாளை மாலையே முதல்வர் ஜெயலலிதா சென்னை திரும்புகிறார்.

தனது டெல்லி பயணத்தின்போது பிரதமரை முதல்வர் ஜெயலலிதா சந்திக்கும் திட்டம் இல்லை என்று தெரிகிறது.

English summary

Chief Minister Jayalalitha will visit Delhi tomorrow and meet deputy chairman of Planning commission M S Ahluwalia.