புருஷனை விட்டுட்டு காதலனுடனா ஓட்டம் பிடிக்கிற: மகளின் மூக்கை அறுத்த தந்தை

கோவை: கோவையில் கணவரை விட்டுவிட்டு வந்து காதலனுடன் வாழ்ந்த பெண்ணின் மூக்கை அவரது தந்தை அறுத்த சம்பவம் பரபரப்பை ஏற்படுத்தியுள்ளது.

பீகார் மாநிலம் பாட்னாவைச் சேர்ந்த சாய்ராம் என்பவரின் மகள் புஷ்பகுமாரி(20). அவர் அதே பகுதியைச் சேர்ந்த ஜெயபிரகாஷ் என்பவரை காதலித்துள்ளார். ஆனால் அவருக்கும் அதே பகுதியைச் சேர்ந்த பிரகாஷ் குமார் என்பவருக்கும் கடந்த 5 மாதங்களுக்கு முன்பு திருமணம் நடந்தது. இந்நிலையில் புஷ்பகுமாரி கடந்த 10 நாட்களுக்கு முன்பு காதலனுடன் ஓடி வந்து கோவை மாவட்டம் வெற்றிலைகாளிபாளையத்தில் கணவன், மனைவி என்று கூறி வீடு எடுத்து தங்கி இருந்தார்.

அவர்கள் அருகில் உள்ள மில்லில் வேலைக்கு சேர்ந்தனர். அவர்கள் இருக்கும் இடம் அறிந்த சாய்ராம் நேராக வெற்றிலைகாளிபாளையம் வந்து மகளுடன் தகராறு செய்தார். அப்போது ஆத்திரமடைந்த சாய்ராம் தனது மகளின் மூக்கை அறுத்துவிட்டு அங்கிருந்து சென்றுவிட்டார்.

இது குறித்து புஷ்பகுமாரி போலீசில் புகார் கொடுத்தார். அவரது புகாரின்பேரில் வழக்குப் பதிவு செய்த போலீசார் பீகார் சென்றுவிட்ட சாய்ராமை கைது செய்ய நடவடிக்கை மேற்கொண்டு வருகின்றனர்.

English summary

Sairam, a native of Bihar chopped off his daughter Pushpakumari's nose after she eloped with her lover to Coimbatore. She got married against her wishes 5 months ago.