மழை வருது மழை வருது குடை கொண்டு வா.... வங்கக் கடலில் டிப்ரஷன்!

சென்னை: வங்கக் கடலில் குறைந்த காற்றழுத்தத் தாழ்வு நிலை ஏற்பட்டுள்ளது. இதனால் தமிழகத்தின் கடலோரப் பகுதிகளில் மழை பெய்யும் என வானிலை ஆய்வு மையம் அறிவித்துள்ளது.

வெப்பச் சலனம் காரணமாக அவ்வப்போது தமிழகத்தில் மழை பெய்தது. இருப்பினும் பெரிய அளவிலான மழை எங்குமே இல்லை. தென் மேற்குப் பருவ மழை காரணமாக மேற்குத் தொடர்ச்சி மலையையொட்டிய பகுதிகளில் ஓரளவு மழை பெய்து வருகிறது.

இந்த நிலையில் வங்கக் கடலில் ஆந்திராவுக்கு அருகே குறைந்த காற்றழுத்தத் தாழ்வு நிலை ஏற்பட்டுள்ளது. இதனால் மழைக்கு வாய்ப்பு உருவாகியுள்ளது.

இதுதொடர்பாக வானிலை மையம் கூறுகையில்,

வங்க கடலில் ஆந்திரா அருகில் குறைந்த காற்றழுத்த தாழ்வு நிலை உருவாகி இருப்பதால் ஆந்திர மாநிலத்தில் பலத்த மழை பெய்யும்.

இந்த காற்றழுத்த தாழ்வு நிலை காரணமாக தமிழ் நாட்டில் வட மாவட்டங்களில் கனமழைக்கு வாய்ப்பு உள்ளது. சென்னையில் வானம் மேகமூட்டத்துடன் காணப்படும். மாலை அல்லது இரவு நேரங்களில் இடியுடன் கூடிய மழை பெய்யும் என்று தெரிவிக்கப்பட்டுள்ளது.

English summary

A Depression has been formed in bay of Bengal and this will bring rains to Chennai.