நரேந்திர மோடி விசா கோரி விண்ணப்பித்தால் பார்க்கலாம்.. அமெரிக்கா

வாஷிங்டன்: குஜராத் முதல்வர் நரேந்திர மோடி விசா கோரி விண்ணப்பித்தால் பரிசீலிப்போம் என்று அமெரிக்கா அறிவித்துள்ளது.

மோடிக்கு அமெரிக்கா செல்வதற்கு விசா வழங்கக் கூடாது என்று பலர் போர்க்கொடி உயர்த்தியுள்ளனர். இதுதொடர்பாக அமெரிக்க அதிபர் ஒபாமாவுக்கும் புகார் மனு போயுள்ளது.

இந்தநிலையில் மோடி விசா கோரி விண்ணப்பித்தால் பரிசீலனை செய்வோம் என்று அமெரிக்கா தெரிவித்துள்ளது. அமெரிக்க நாட்டு குடியேற்ற சட்டம் மற்றும் கொள்கையின் அடிப்படையில் விசா விண்ணப்பம் பரிசீலனைக்கு எடுத்துக் கொள்ளப்படும் என்று அமெரிக்க அரசு தெரிவித்துள்ளது.

இதுகுறித்து அமெரிக்க வெளியுறவுத்துறை செய்தித் தொடர்பாளர் ஜென் ஸாகி பேசுகையில், குஜராத் முதல்வர் மோடி அமெரிக்கா விர விசா கோரி விண்ணப்பித்தால் அமெரிக்க குடியேற்ற சட்டம் மற்றும் அரசின் கொள்கைக்கு உட்பட்டு முடிவெடுக்கப்படும், பரிசீலிக்கப்படும்.

அமெரிக்க அரசின் கொள்கையானது இந்த விஷயத்தில் மாற்றப்படவில்லை. இதுகுறித்து விரிவாக வெளிப்படையாக விவாதிக்க முடியாது என்றார் அவர்.

குஜராத் கலவரத்தை மேற்கோள் காட்டி அமெரிக்க அரசு, மோடிக்கு தொடர்ந்து விசா தர மறுத்து வருவது நினைவிருக்கலாம்.

English summary

As a controversy rages in India, the US today said if Gujarat Chief Minister Narendra Modi applies for a visa, his application will be considered in accordance with the American immigration law and policy. "If (the Gujarat) Chief Minister Modi applies for a visa, his application will be considered to determine whether he qualifies for a visa, in accordance with US immigration law and policy," State Department spokesperson Jen Psaki, told reporters.