UAE வைத்த ஆப்பு.. வங்கதேசம் - ஆப்கானிஸ்தான் உட்பட 9 நாட்டினருக்கு விசா கிடையாது.. ஏன் தெரியுமா?

துபாய்: அரபு நாடுகளில் முக்கியமான நாடாக இருக்கும் ஐக்கிய அரபு எமிரேட்ஸ்க்குள் வேலை மற்றும் சுற்றுலாவுக்கு செல்ல 9 நாடுகளை சேர்ந்தவர்களுக்கு விசா வழங்குவது திடீரென்று நிறுத்தி வைக்கப்பட்டுள்ளது. இந்த பட்டியலில் வங்கதேசம், ஆப்கானிஸ்தான் உள்ளிட்ட நாடுகள் இடம்பெற்றுள்ள நிலையில் அதன் பின்னணி பற்றிய திடுக்கிட வைக்கும் தகவல் உள்ளது.

அரபு நாடுகளில் ஒன்றாக ஐக்கிய அரபு எமிரேட்ஸ் உள்ளது. நம்நாடு உள்பட பல்வேறு வெளிநாடுகளை சேர்ந்தவர்கள் ஐக்கிய அரபு எமிரேட்ஸ்க்கு பணிக்கு சென்று வருகின்றனர். அதேபோல் ஒவ்வொரு ஆண்டும் ஏராளமான வெளிநாட்டினர் சுற்றுலா சென்று வருகின்றனர்.

ஐக்கிய அரபு எமிரேட்ஸை எடுத்து கொண்டால் தலைநகர் அபுதாபி மட்டுமின்றி துபாய், ஷார்ஜா, அஜ்மன், ராஸ் அல் காமிமா, புஜைரா, உம் அல் குவெயின் உள்ளிட்ட முக்கிய நகரங்கள் உள்ளன. இந்த நகரங்கள் சுற்றுலாவுக்கு பெயர் பெற்றுள்ளன.

இந்நிலையில் தான் திடீரென்று ஐக்கிய அரபு எமிரேட்ஸ் சார்பில் 9 நாடுகளை சேர்ந்தவர்கள் சுற்றுலா மற்றும் வேலைக்கு செல்ல அனுமதி மறுக்கப்பட்டுள்ளது. இந்த 9 நாடுகளை சேர்ந்தவர்களுக்கு சுற்றுலா - வேலைக்கான விசா வழங்குவது நிறுத்தி வைக்கப்பட்டுள்ளது.

அதன்படி ஆப்கானிஸ்தான், லிபியா ஏமன், சோமாலியா, லெபனான் வங்கதேசம், கேமரூன், சூடான், உகாண்டா உள்ளிட்ட நாடுகளை சேர்ந்தவர்கள் ஐக்கிய அரபு எமிரேட்ஸ்க்கு பணி மற்றும் சுற்றுலாவுக்கு செல்ல தடை விதிக்கப்பட்டுள்ளது. இந்த நாடுகளை சேர்ந்தவர்கள் விசா கோரி விண்ணப்பம் செய்தால் அதனை ஏற்க கூடாது என்று ஐக்கிய அரபு எமிரேட்ஸ் சார்பில் தெரிவிக்கப்பட்டுள்ளது.

அதேவேளையில் ஏற்கனவே விசா பெற்று பணியாற்றி வரும் இந்த நாடுகளை சேர்ந்தவர்களுக்கு இந்த உத்தரவு எந்த பிரச்சனையும் இல்லை என்று தெரிவிக்கப்பட்டுள்ளது. இருப்பினும் தற்போதைய உத்தரவின் பின்னணியில் உள்ள காரணங்கள் பற்றி ஐக்கிய அரபு எமிரேட்ஸ் சார்பில் விளக்கம் அளிக்கப்படவில்லை.

இருப்பினும் கூட இந்த உத்தரவின் பின்னணியில் ஐக்கிய அரபு எமிரேட்ஸின் பாதுகாப்பு அம்சங்கள் உள்ளதாக கூறப்படுகிறது. விசா தடை செய்யப்பட்டுள்ள 9 நாடுகளிலும் உள்நாட்டு பிரச்சனை என்பது உள்ளது. அதனை மையப்படுத்தி ஐக்கிய அரபு எமிரேட்ஸின் பாதுகாப்பில் சிக்கல் வராமல் இருக்க அந்த நாடுகளை சேர்ந்தவர்களுக்கு வேலை மற்றும் சுற்றுலா விசா வழங்குவது நிறுத்தப்பட்டுள்ளதாக கூறப்படுகிறது.

English summary

The United Arab Emirates, an important country in the Arab world, has suddenly suspended visas for people from 9 countries for work and tourism. The list includes countries including Bangladesh and Afghanistan, and there is some startling information about the background behind it.