இரட்டை மேம்பாலம் டூ சுரங்கப்பாதை வரை.. கர்நாடகா பட்ஜெட்டில் பெங்களூருக்கு அடித்த ஜாக்பாட்.. லிஸ்ட்

பெங்களூர்: 2025-26ம் ஆண்டுக்கான கர்நாடகா பட்ஜெட்டை முதல்வர் சித்தராமையா இன்று தாக்கல் செய்தார். இந்த பட்ஜெட்டில் பெங்களூருக்கு பல்வேறு சிறப்பு திட்டங்கள் அறிவிக்கப்பட்டுள்ளது. பெங்களூரில் 40.5 கிலோமீட்டர் தொலைவுக்கு ரூ.8,916 கோடி மதிப்பீட்டில் இரட்டை அடுக்கு மேம்பாலம், சுரங்க பாதை, மானிய திட்டத்தில் அதிக நிதி ஒதுக்கீடு உள்ளிட்ட பல திட்டங்கள் அறிவிக்கப்பட்டுள்ளன.

கர்நாடகா மாநிலத்துக்கான 2025-26ம் நிதி ஆண்டுக்கான பட்ஜெட்டை முதல்வர் சித்தராமையா இன்று பெங்களூர் விதான சவுதாவில் (கர்நாடகா சட்டசபை கட்டடம்) தாக்கல் செய்தார். இது சித்தராமையாவின் 16வது பட்ஜெட்டாகும். இதன்மூலம் கர்நாடகாவில் அதிக பட்ஜெட்டை தாக்கல் செய்த நிதி அமைச்சர் என்ற பட்டியலில் தொடர்ந்து சித்தராமையா முதலிடத்தில் உள்ளார்.

இந்த பட்ஜெட்டில் கர்நாடகா மாநிலங்களுக்கான வளர்ச்சி திட்டங்கள், ஏற்கனவே செயல்படுத்தப்படும் திட்டங்களுக்கு துறை வாரியாக நிதி என்பது

ஒதுக்கீடு செய்யப்பட்டது. இன்றைய பட்ஜெட் என்பது மொத்தம் 4.09 லட்சம் கோடியை மதிப்புடையது. இந்த பட்ஜெட்டில் கர்நாடகாவின் தலைநகரான பெங்களூருவுக்கு பல்வேறு திட்டங்கள் அறிவிக்கப்பட்டன. அதன் முக்கிய விபரங்கள் வருமாறு:

* பெங்களூர் நகருக்கான ஆண்டு மானியம் ரூ.3 ஆயிரம் கோடியில் இருந்து ரூ.7 ஆயிரம் கோடியாக உயர்த்தப்பட்டுள்ளது. இதன்மூலம் கூடுதல் நிதி பெங்களூருக்கு கிடைக்க உள்ளது.

* சீர்த்திருத்தம் மற்றுமு் சொத்து வரியின் மூலம் கிடைக்கும் வருவாயில் பெங்களூர் மாநகராட்சி சார்பில் கூடுதலாக ரூ.4,556 கோடியை பயன்படுத்த அனுமதி வழங்கப்பட்டுள்ளது.

* பெங்களூர் மாநகராட்சியில் வடக்கு - தெற்கு மற்றும் கிழக்கு - மேற்கு சுரங்க காரிடார் திட்டம் என்பது ரூ.40 ஆயிரம் கோடியில் செயல்படுத்தப்படுகிறது. இந்த திட்டத்துக்காக பட்ஜெட்டில் ரூ.19 ஆயிரம் கோடி உறுதியளிக்கப்பட்டுள்ளது

* பெங்களூரில் 40.5 கிலோமீட்டர் தொலைவுக்கு ரூ.8,916 கோடி மதிப்பீட்டில் பெங்களூர் 3ம் கட்ட மெட்ரோ பாதைக்கு நிகராக இரட்டை அடுக்கு மேம்பாலம் அமைக்கப்படும்.

* போக்குவரத்து நிறைந்த சாலை மற்றுமு் முக்கிய இடங்கள் என்று மொத்தம் 460 கிலோமீட்டர் தொலைவுக்கு பெங்களூர் மாநகராட்சி சார்பில் சாலை மேம்பாட்டு பணி மேற்கொள்ள ரூ.660 கோடி ஒதுக்கப்பட்டுள்ளது.

* பெங்களூரில் மேம்பாலங்கள் மற்றும் Grade Separtors வசதி என்பது 120 கிலோமீட்டருக்கு ஏற்படுத்தப்பட உள்ளது

* ‛பிராண்ட் பெங்களூர்' என்ற திட்டத்தின் கீழ் 21 திட்டங்களுக்காக ரூ.1,800 கோடி ஒதுக்கப்படுகிறது.

* ‛பிராண்ட் பெங்களூர்' திட்டத்தின் கீழ் ஒருங்கிணைந்த சுகாதார திட்டத்துக்காக 3 ஆண்டுகளுக்கு ரூ.413 கோடி நிதி ஒதுக்கப்படுகிறது'' என்று கர்நாடகா முதல்வரும், நிதி அமைச்சருமான சித்தராமையா அறிவித்துள்ளார்.

English summary

Chief Minister Siddaramaiah presented the Karnataka Budget for the year 2025-26 today. Various special projects have been announced for Bangalore in this budget. Many projects have been announced including a double-decker flyover for a distance of 40.5 kilometers in Bangalore at an estimated cost of Rs. 8,916 crore, a health project, and increased allocation for the annual grant for bengaluru.