கர்நாடகா: குமாரசாமிக்கு குடைச்சல்! ஹாசன் தொகுதி தரலைன்னா.. மிரட்டும் 'அண்ணி'- நாளை க்ளைமாக்ஸ்!
பெங்களூர்: கர்நாடகா சட்டசபை தேர்தலில் போட்டியிடும் ஜேடிஎஸ் கட்சியின் 2-வது வேட்பாளர் பட்டியல் நாளை வெளியிடப்பட உள்ளது. தேவகவுடா குடும்பத்தின் கோட்டையான ஹாசன் தொகுதி வேட்பாளர் யார் என்பதை முன்வைத்து பெரும் புயல் வீசக் காத்திருக்கிறது என்கின்றன தகவல்கள்.
224 இடங்களைக் கொண்ட கர்நாடகா சட்டசபைக்கு மே 10-ந் தேதி தேர்தல் நடைபெறுகிறது. மே 13-ந் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளன.
கர்நாடகாவில் ஆளும் பாஜக எந்தநேரத்திலும் வேட்பாளர்கள் பட்டியலை வெளியிடக் கூடும். ஏற்கனவே காங்கிரஸ் கட்சி முதல் கட்ட வேட்பாளர் பட்டியலை வெளியிட்டுள்ளது. அதேபோல ஜேடிஎஸ் கட்சியும் 93 தொகுதிகளுக்கான வேட்பாளர்களை அறிவித்திருக்கிறது. புதியதாக களத்தில் இறங்கி இருக்கும் ஆம் ஆத்மியும் 2 கட்டமாக வேட்பாளர்களை வெளியிட்டுள்ளது.
ஜேடிஎஸ் கட்சியின் 2-வது கட்ட வேட்பாளர் பட்டியல் நாளை வெளியாக உள்ளது. இதில் தேவகவுடா குடும்பத்தின் கோட்டையான ஹாசன் தொகுதி வேட்பாளர் யார் என்ற அறிவிப்பு மிக முக்கியமானதாக பார்க்கப்படுகிறது. ஹாசன் தொகுதியில் எப்போதும் ஜேடிஎஸ் ஜெயிப்பது வழக்கம். 2018-ம் ஆண்டு ஹாசன் எனும் கோட்டையை பாஜகவிடம் பறிகொடுத்தது தேவகுடும்பா குடும்பம்.
ஆகையால் இழந்த ஹாசன் எனும் கோட்டையை மீட்க நானே களமிறங்குகிறேன் என்கிறார் தேவகவுடாவின் மூத்த மருமகள் பவானி. தேவ கவுடாவின் மகன்களில் ஒருவரான ரேவண்ணாவின் மனைவிதான் பவானி. முன்னாள் முதல்வர் குமாரசாமியின் அண்ணி பவானி. அவரது மகன் பிரஜ்வால் ரேவண்ணா எம்பியாக உள்ளார்; மற்றொரு மகன் சூரஜ் ரேவண்ணா எம்.எல்.சியாக உள்ளார். இந்த முறை தாமே ஹாசன் தொகுதியில் போட்டியிடுவேன் என கடந்த சில மாதங்களாகவே தேர்தல் பிரசாரமும் செய்து வருகிறார் பவானி. ஒருவேளை ஹாசன் தொகுதியில் தமக்கு போட்டியிட வாய்ப்பு தராவிட்டால் சுயேட்சையாகவே போட்டியிடுவேன் எனவும் மிரட்டியிருக்கிறார் அண்ணியார் பவானி.
ஆனால் குமாரசாமி தரப்பு இதை ஏற்க மறுக்கிறது. ஹாசன் தொகுதியில் 4 முறை எம்.எல்.ஏ.வாக இருந்து பாஜகவிடம் தோற்றவர் ஹெ.எஸ்.பிரகாஷ். 2018 சட்டசபை தேர்தலுக்குப் பின் பிரகாஷ் காலமாகிவிட்டார். அவரது மகன் ஸ்வரூப்புக்கு ஹாசன் தொகுதியில் போட்டியிட சீட் கொடுக்கலாம் என நினைக்கிறதாம் குமாரசாமி தரப்பு.
இப்படி தேவகவுடாவின் மூத்த மருமகள் ஒருபக்கம்; அண்ணிக்கு எதிராக குமாரசாமி ஒரு பக்கம் என குடும்பத்தில் வெட்டு குத்து நிலைமை உருவாகிக் கொண்டிருக்கிறது. இந்நிலையில்தான் நாளை ஜேடிஎஸ் கட்சியின் 2-வது வேட்பாளர் பட்டியல் நாளை வெளியாக உள்ளது.
Click it and Unblock the Notifications
Sign in with Google