கர்நாடக துணை முதல்வராக முஸ்லீம் ஒருவர் இருக்க வேண்டும்.. வக்ஃபு வாரியம் தலைவர் கோரிக்கை
பெங்களூர்: கர்நாடக முதல்வர் யார் என்பது தொடர்பாக பெங்களூரில் காங்கிரஸ் எம்எல்ஏக்கள் கூட்டம் நடந்தது. இந்த நிலையில், கர்நாடக துணை முதல்வராக முஸ்லீம் ஒருவர் இருக்க வேண்டும் என்று காங்கிரஸ் கட்சிக்கு வக்ஃபு வாரியம் தலைவர் கோரிக்கை விடுத்துள்ளார்.
கர்நாடக சட்டசபை தேர்தலில் 135 தொகுதிகளில் வெற்றி பெற்று ஆட்சியை பிடித்துள்ளது. முதல்வர் பதவிக்கு சித்தராமையா, டி.கே.சிவக்குமார் இடையே கடும் போட்டி ஏற்பட்டுள்ளது. முதல்வர் தேர்வு தொடர்பாக பெங்களூரில் உள்ள நட்சத்திர ஓட்டலில் இன்று காங்கிரஸ் கட்சி எம்.எல்.ஏக்கள் கூட்டம் நடைபெற்றது.
இந்தக் கூட்டத்தில் முதல்வரை தேர்வு செய்யும் அதிகாரத்தை கட்சியின் தலைமைக்கு அளித்த்து தீர்மானம் நிறைவேற்றபட்டது. யாரை தேர்ந்தெடுத்தாலும் 3 துணை முதல்வர் பதவிகளை உருவாக்க காங்கிரஸ் திட்டமிட்டுள்ளதாக தகவல் வெளியாகியுள்ளது. இந்த தேர்தலில் காங்கிரஸ் கட்சியை லிங்காயத், ஒக்கலிகர், முஸ்லிம், தலித் சமூகங்களை சேர்ந்தவர்கள் ஆதரித்துள்ளனர்.
அதனால் அந்த சமூகங்களில் லிங்காயத், ஒக்கலிகர், முஸ்லிம் ஆகிய சமூகங்களுக்கு தலா ஒரு துணை முதல்வர் பதவி வழங்க காங்கிரஸ் திட்டமிட்டுள்ளதாக தகவல் வெளியாகியுள்ளது. இந்த நிலையில், கர்நாட துணை முதல்வராக முஸ்லீம் ஒருவர் நியமிக்கப்பட வேண்டும் என்று வக்ஃபு வாரிய தலைவர் ஷாபி சாடி தெரிவித்துள்ளார். இது தொடர்பாக கூறியதாவது:-
கர்நாடக துணை முதல்வர் முஸ்லீமாக இருக்க வேண்டும் என்று தேர்தலுக்கு முன்பாகவே நாங்கள் வலியுறுத்தி வருகிறோம். எங்களுக்கு 30 சீட்கள் கொடுத்தார்கள். எங்களுக்கு 15 கிடைத்தது. முஸ்லீம் வேட்பாளர்கள் 9 பேர் வெற்றி பெற்றிருக்கிறார்கள். காங்கிரஸ் கட்சி முஸ்லீம்களால் தான் வெற்றி பெற்றிருக்கிறது. ஒரு சமூகமாக காங்கிரஸ் கட்சிக்கு நிறைய பங்களிப்பை நாங்கள் செய்துள்ளோம்.
எங்களுக்கு பிரதிபலன் கொடுக்க வேண்டிய நேரம் இது. துணை முதல்வராக நியமிக்கப்பட வேண்டும் என்று நாங்கள் கருதுகிறோம். அதுபோக உள்துறை, வருவாய், கல்வி உள்பட முக்கிய 5 துறைகள் உள்பட 5 அமைச்சர்களும் எங்கள் சமூகத்திற்கு வேண்டும். எங்களுக்கு நன்றி தெரிவிக்க இதை கொடுப்பதற்கான பொறுப்பு காங்கிரஸ் கட்சி உள்ளது.
இந்த கோரிக்கைகள் நிறைவேறுவது தொடர்பாக அவசர ஆலோசனைக் கூட்டத்தை நாங்க்ள் நடத்தியிருக்கிறோம். வெற்றி பெற்ற 9 முஸ்லீம் வேட்பாளர்கள் யார் அமைச்சர் என்பது பொருத்தமற்றது. இது காங்கிரஸ் கட்சியால் முடிவு செய்யப்படும். முஸ்லீம் வேட்பாளர்கள் பிற தொகுதிகளுக்கும் சென்று வாக்கு சேகரித்து இருக்கிறார்கள்.
இந்து - முஸ்லிம் ஒற்றுமையை உறுதிப்படுத்தியிருக்கிறார்கள். எனவே காங்கிரஸ் கட்சியின் வெற்றிக்கு அவர்கள் முக்கிய பங்காற்றி இருக்கிறார்கள். எனவே முஸ்லீம் சமூகத்தில் இருந்து சிறந்த துணை முதல்வர் ஒருவர் இருக்க வேண்டும். இது காங்கிரஸ் கட்சியின் பொறுப்பு" என்றார்.
Click it and Unblock the Notifications
Sign in with Google