சமையல் எரிவாயு மானியம் ரூ. 20 நிறுத்தி வைப்பு- விலையில் மாற்றமில்லை
டெல்லி: இந்தியாவில் சமையல் கேஸ் சிலிண்டருக்கான மானியத்தை மத்திய அரசு நிறுத்தியுள்ளது.
அதேசமயம், சிலிண்டர் விலையில் எந்த மாற்றமும் இல்லை என்றும் தெரிவிக்கப்பட்டுள்ளது.
தற்போது மத்திய அரசு எண்ணை நிறுவனங்களின் பெட்ரோலிய பொருட்களுக்கு மானியம் வழங்கி வருகிறது.
பெட்ரோலியப் பொருட்கள் விலை:
சர்வதேச சந்தையில் கச்சா எண்ணையின் நிலவரத்தைப் பொறுத்து இந்தியாவில் பெட்ரோலியப் பொருட்களின் விலையை எண்ணை நிறுவனங்கள் நிர்ணயம் செய்கின்றன.
கச்சா எண்ணெய் விலை குறைவு:
சமீபத்தில் சர்வதேச சந்தையில் கச்சா எண்ணையின் விலை குறைந்ததால் இந்தியாவில் பெட்ரோல் மற்றும் டீசல் விலைகள் குறைக்கப்பட்டன.
சிலிண்டர் விலை குறையவில்லை:
ஆனால், சமையல் எரிவாயு சிலிண்டருக்கு அதிக அளவு மானியம் வழங்கப்படுவதால் சிலிண்டர் விலை குறைக்கப்படவில்லை.
மானியம் நிறுத்தி வைப்பு:
அதே சமயம் மத்திய அரசு கேஸ் சிலிண்டர்களுக்கு வழங்கி வந்த மானியத்தில் சிலருக்கு ரூபாய் 20 நிறுத்தி வைக்கப்பட்டுள்ளது. ஆனால், இதன் மூலம் சிலிண்டர் விலையில் எந்த மாற்றமும் செய்யப்படவில்லை என்று தெரிவிக்கப்பட்டுள்ளது.
Click it and Unblock the Notifications
Sign in with Google