தீபாவளிக்கு ‛சோன் பப்டி' கொடுத்த நிறுவனம்.. ஊழியர்கள் செய்த செயலை பாருங்க.. ஆடிப்போன ஓணர்

சண்டிகர்: தீபாவளிக்கு போனஸ் கேட்ட ஊழியர்களுக்கு ‛சோன் பப்டி' மட்டுமே கொடுத்த தொழிற்சாலை பெரும் பிரச்சனையை எதிர்கொண்டது. போனஸ் கிடைக்காத ஆத்திரத்தில் ஊழியர்கள் செய்த செயல் தொடர்பான வீடியோ தற்போது இணையதளங்களில் வெளியாகி அனைவரின் கவனத்தையும் ஈர்த்துள்ளது.

தீபாவளி பண்டிகை தமிழகத்தில் கடந்த 20ம் தேதி கொண்டாடப்பட்டது. அதேபோல் பல மாநிலங்களில் 21, 22ம் தேதிகளில் தீபாவளி பண்டிகை கொண்டாடப்பட்டது. பொதுமக்கள் புத்தாடை அணிந்து பட்டாசு வெடித்து தீபாவளியை கோலாகலமாக கொண்டாடினார்கள்.

பொதுவாக தீபாவளி.. என்றாலே கூலி வேலை செய்வோர் முதல் மாத சம்பளம் பெறுவோர் அவரை அனைவருக்கும் நினைவுக்கு வருவது போனஸ் தான். பெரும்பாலான நிறுவனங்கள் போனஸ் வழங்குகின்றன. கார்ப்பரேட் நிறுவனங்களில் போனஸ் வழங்குவது கிடையாது. ஸ்வீட்ஸ் பாக்ஸ் உள்ளிட்டவை தான் வழங்கப்படுகிறது. அதுவும் நிறுவனங்களை பொறுத்து மாறுபடும்.

இதனால் தான் தீபாவளி சமயங்களில் ‛சோன் பப்டி' தொடர்பான மீம்கள் இணையதளங்களை ஆக்கிரமிக்கும். எங்களுக்கு தீபாவளி போனஸ் தரவில்லை. சோன் பப்டி தான் தந்தார்கள் எனவும், எங்களுக்கு சோன் பப்டி கூட தரவில்லை எனவும் பலரும் இணையதளங்களில் தெரிவிப்பதை நாம் பார்த்து இருப்போம். இந்நிலையில் தான் தீபாவளி பரிசாக போனசுக்கு பதில்‛சோன் பப்டி' பாக்ஸை ஊழியர்களுக்கு தனியார் தொழிற்சாலை ஒன்று வழங்கி உள்ளது.

இதில் கோபமான ஊழியர்கள் ‛சோன் பப்டி' பாக்ஸை தொழிற்சாலையின் வாசலில் வீசி எறிந்து எதிர்ப்பை காட்டி உள்ளனர். இதுதொடர்பான வீடியோ தற்போது இணையதளங்களில் வைரலாகி உள்ளது. இந்த சம்பவம் ஹரியானா மாநிலம் சோனிபட் அருகே உள்ள கானார் பகுதியில் நடந்துள்ளது. ஊழியர்கள் போனஸ் கேட்டுள்ளனர்.

Diwali Kalesh

A company gave its employees the famous most hated alleged Mithai called Soan Papdi

The employees threw the Soan Papdi boxes at the gate of the company.

Soan Papdi deserves this insult :)

What is your opinion on alleged mithai called soan papdi? pic.twitter.com/HSRPDC322r

— Woke Eminent (@WokePandemic) October 21, 2025

ஆனால் தொழிற்சாலை நிர்வாகம் போனஸ் வழங்க மறுத்துள்ளது. மாறாக அனைத்து ஊழியர்களுக்கு ‛சோன் பப்டி' பாக்ஸை வழங்கி உள்ளது. இதனால் கொந்தளித்த ஊழியர்கள் தொழிற்சாலையை விட்டு வெளியே வந்து ‛சோன் பப்டி' பாக்ஸை அதன் வாசலில் வீசி எறிந்துள்ளனர்.

இதனை அங்கிருந்தவர்கள் செல்போனில் வீடியோவாக எடுத்துள்ளனர். அந்த வீடியோ தற்போது இணையதளங்களில் பரவி வருகிறது. அதேபோல் இன்னொருவரும், ‛‛சோன் பப்டி கொடுத்து தீபாவளி போனஸ் வழங்காமல் இருக்கும் நிறுவனத்துக்கு உரிய பாடத்தை ஊழியர்கள் புகட்டி உள்ளனர்'' என பணியாளர்களுக்கு ஆதரவாக கருத்து தெரிவித்துள்ளார். இந்த வீடியோவுக்கு ஆதரவாகவும், எதிராகவும் பலரும் கமெண்ட்டுகளை கூறி வருகின்றனர். ஒருவர், ‛‛நன்றியற்ற ஊழியர்கள்... எனது நிறுவனம் நஷ்டமடைந்தபோது நானும் இதுபோன்ற சூழ்நிலையை எதிர்கொண்டு இருக்கிறேன்'' என்று கூறி பணியாளர்களை விமர்சனம் செய்துள்ளார்.

அதேபோல், இன்னொருவருர், ‛‛போனஸ் என்பது கம்பெனியின் விருப்பம். அதனை கட்டாயம் பின்பற்ற வேண்டும் என்ற ரூல்ஸ் இல்லை. ஊழியர்களுக்கு நிறுவனங்களில் சம்பளம், புரோமோஷன், அலோவன்ஸ் வழங்கப்பட்டு வருகிறது. இப்படி இருக்கும்போது இத்தகைய செயல் ஏற்கத்தக்கது அல்லது. ஸ்வீட் என்பது ஸ்வீட் தான்'' என கூறியுள்ளார். இதுபோல் பலரும் கருத்துகளை தெரிவித்து வருவதால் தற்போது இந்த வீடியோ பேசும் பொருளாகி உள்ளது.

English summary

In Haryana, factory workers staged protest after they were thrown to return soan papdi as a Diwali gift by their factory administration. Angry factory workers were seen throwing unopened soan papdi boxes at the factory's gate.