ஹரியானா பாஜக அரசுக்கு சிக்கல்-விவசாயிகள் போராட்டத்தில் ஜேஜேபி எம்.எல்.ஏக்கள்- ராஜினாமாவுக்கும் ரெடி!
சண்டிகர்: மத்திய அரசின் வேளாண் மசோதாக்களுக்கு எதிராக ஹரியானாவில் நடைபெற்று வரும் போராட்டங்களில் ஹரியானா துணை முதல்வர் துஷ்யந்த் சவுதாலாவின் ஜேஜேபி கட்சி எம்.எல்.ஏக்களும் பங்கேற்றனர். மக்கள் கேட்டுக் கொண்டால் எம்.எல்.ஏ பதவியை ராஜினாமா செய்ய தயார் என அவர்கள் அறிவித்துள்ளதால் ஹரியானா பாஜக கூட்டணி அரசுக்கு நெருக்கடி ஏற்பட்டுள்ளது.
மத்திய அரசின் வேளாண் மசோதாக்களைக் கண்டித்து பஞ்சாப், ஹரியானா மாநில விவசாயிகள் மிகப் பெரிய கொந்தளிப்புடன் போராட்டங்களை நடத்தி வருகின்றனர். இந்த போராட்டங்களுக்கு பணிந்துதான் மத்திய அரசில் இருந்து சிரோமணி அகாலிதளம் வெளியேறியது.
இதேபோல் ஹரியானாவில் பாஜக கூட்டணி கட்சியான துஷ்யந்த் சவுதாலாவின் ஜேஜேபி (ஜனநாயக் ஜனதா கட்சி), விவசாயிகள் போராட்டத்தை ஆதரிக்கிறது. விவசாயிகளின் போராட்டங்களில் இந்த கட்சியின் எம்.எல்.ஏக்களும் கலந்து கொண்டனர்.
ராஜினாமா செய்ய தயார்
ஹரியானா விவசாயிகளின் போராட்டத்தில் பார்வாலா எம்.எல்.ஏ. ஜோஹி ராம் சிகாஹ், ஷாகாபாத் எம்.எல்.ஏ, ராம் கரன் காலா ஆகியோர் பங்கேற்றனர். அப்போது ஜோஹி ராம் சிகாஹ், என்னுடைய தொகுதி மக்கள் எம்.எல்.ஏ. பதவியை ராஜினாமா செய்ய வேண்டும் என கேட்டுக் கொண்டால் பதவி விலக நான் தயார் என கூறியுள்ளார்.
சட்டங்களை வாபஸ் பெறுக
மேலும், மத்திய அரசின் இந்த 3 வேளாண் சட்டங்களும் திரும்பப் பெற வேண்டும் என்றும் அவர் வலியுறுத்தினார். மற்றொரு எம்.எல்.ஏ.வான ராம் கரன் காலா கூறுகையில், விவசாயிகளின் கோரிக்கைகளை மத்திய , மாநில அரசுகளிடம் முன்வைப்பேன் என உறுதி கூறியுள்ளார்.
பாஜக ஆட்சி கவிழும்?
ஹரியானாவில் 10 இடங்களில் வென்ற ஜேஜேபி ஆதரவுடன்தான் பாஜக கூட்டணி அரசு அமைத்தது. தற்போதைய நிலையில் விவசாயிகளின் போராட்டத்தின் எதிரொலியாக ஜேஜேபி கட்சியானது பாஜக அரசுக்கான ஆதரவை வாபஸ் பெற்றால் அந்த அரசு கவிழுவதைத் தவிரவேறு வழி இல்லை.
ராஜ்யசபாவில் கொந்தளிப்பு
ராஜ்யசபாவில் இந்த மசோதாக்கள் முறைகேடாக குரல் வாக்கெடுப்பு மூலம் நிறைவேற்றப்பட்டதாக ராஜ்யசபா துணைத் தலைவர் ஹரிவன்ஷ் அறிவித்தது எதிர்க்கட்சிகளை ஆவேசமடைய வைத்துள்ளது. இதனால் ராஜ்யசபா துணைத் தலைவர் ஹரிவன்ஷ்-க்கு எதிராக எதிர்க்கட்சி எம்.பிக்கள் நம்பிக்கை இல்லா தீர்மானம் கொண்டு வந்துள்ளனர் என்பது குறிப்பிடத்தக்கது.
-
Thaai Kizhavi OTT: ஓடிடியில் வெளியாகும் தாய் கிழவி.. எப்போது, எதில் பர்க்கலாம்? வெளியான தகவல் -
அரபு நாடுகளில் இந்தியர்களின் 12, 000 கோடி முதலீடு காலி.. 800 நிறுவனங்கள் எதிர்காலம் கேள்விக்குறி! -
கோவை தெற்கில் களமிறங்கும் மகேந்திரன்.. ஆதரவாக இருக்கும் செந்தில் பாலாஜி.. கணக்கு போடும் ஸ்டாலின்! -
ஆதவ் அர்ஜுனா உடைத்த அடுத்த பர்னிச்சர்.. தவெக நிர்மல்குமாரின் பதிவும் ஒரே வார்த்தையில் காலி -
திருப்பரங்குன்றம் வழக்கு.. நீதிபதி ஜிஆர் சுவாமிநாதன் உத்தரவுக்கு இரு நீதிபதிகள் அமர்வு இடைக்கால தடை -
லுலு மால் கோயம்புத்தூர்..நூல் நூலாக தொங்கிய சிக்கன் லாலிபாப்.. அடுத்து கோவையில் நடந்த பெரிய ட்விஸ்ட் -
சிவி சண்முகம் சர்ச்சை பேச்சு.. இன்ஸ்டா போஸ்டில் நயன்தாரா பதிலடி.. இப்படி சொல்லிட்டாரே! குவியும் கமெண்ட்ஸ்! -
காட்டி கொடுக்கும் ரஷ்யா.. அமெரிக்க படைகள் தலைக்கு மேல் சுற்றும் கத்தி.. பெரிய சிக்கலில் டிரம்ப்? -
மொத்த பவரையும் காட்டிய இந்தியா.. கச்சா எண்ணெயுடன் குஜராத் வந்தது இந்திய டேங்கர் கப்பல்! -
PHH, AAY ரேஷன் கார்டுதாரர்களுக்கு ஷாக்! அதிரடியாக தூக்கப்பட்ட ரேஷன் கார்டுகள்! 41.41 லட்சம் குளோஸ்! -
ஆதவை கண்டித்த ரஜினிகாந்த்..பாஜக சரத்குமாரை எப்போது கண்டிப்பிங்க.. வீடியோவால் சூப்பர் ஸ்டாரை சீண்டும் தவெக -
முதல் விக்கெட்? திமுக கூட்டணிக்கு ‘குட்பை' சொல்லும் வேல்முருகன்.. அதிருப்திக்கு என்ன காரணம்? பின்னணி இதுதான்
Click it and Unblock the Notifications
Sign in with Google