சென்னை லலிதா ஜூவல்லரியில் 5 கிலோ நகை கொள்ளை- ராஜஸ்தான் ஊழியருக்கு போலீஸ் வலைவீச்சு

சென்னை: சென்னை தியாகராயர் நகர் லலிதா ஜூவல்லரி நகை கடையில் 5 கிலோ தங்க நகைகள் கொள்ளையடிக்கப்பட்டுள்ளன. இந்த நகைகளை கொள்ளையடித்த கடையின் ஊழியரை போலீசார் வலைவீசி தேடி வருகின்றனர்.

சென்னை தேனாம்பேட்டையில் உள்ள லலிதா ஜூவல்லரி அலுவலகத்தில் நகையை மதிப்பிடும் போது 5 கிலோ தங்க நகை காணவில்லை என மேலாளர் முருகன் என்பவர் போலீசில் புகார் அளித்தார்.

இதையடுத்து போலீசார் சிசிடிவி காட்சிகள் மூலம் அலுவலக நடமாட்டங்களை ஆராய்ந்தனர். அப்போது கடையில் 8 ஆண்டுகளாக வேலைபார்த்து வந்த ராஜஸ்தானை சேர்ந்த ஊழியர் ஒருவர் தனியாக இருந்த பெட்டியோடு கையிலியில் மறைத்து தனது பையில் எடுத்து செல்லும் காட்சிகள் அதில் பதிவாகி இருந்தது.

அதனை கைப்பற்றி அதனை கொண்டு தேனாம்பேட்டை போலீசார் தீவிர விசாரணை மேற்கொண்டு வருகின்றனர்.

2 ஆண்டுகளுக்கு முன்னர் திருச்சி லலிதா ஜூவல்லரி நகை கடையில் ரூ13 கோடி நகைகள் கொள்ளையடிக்க சம்பவம் பெரும் பரபரப்பை ஏற்படுத்தி இருந்தது குறிப்பிடத்தக்கது.

English summary

5 kg gold stolen from Chennai Lalithaa Jewellery.