ஊரக உள்ளாட்சித் தேர்தல்... அதிமுக வேட்பாளர் பட்டியல் வெளியீடு
சென்னை: 9 மாவட்டங்களில் உள்ளாட்சித் தேர்தல் நடைபெற உள்ள நிலையில், அதிமுக சார்பில் போட்டியிடும் வேட்பாளர் பட்டியலை அக்கட்சி வெளியிட்டுள்ளது.
தமிழ்நாட்டில் விடுபட்ட 9 மாவட்டங்களில் - வேலூர், திருநெல்வேலி, விழுப்புரம், தென்காசி, திருப்பத்தை, ராணிப்பேட்டை, கள்ளக்குறிச்சி, செங்கல்பட்டு, காஞ்சிபுரம் ஆகிய அக்டோபர் 6, 9 ஆகிய தேதிகளில் இரண்டு கட்டங்களாக ஊரக உள்ளாட்சித் தேர்தல் நடைபெற உள்ளது.
இத்தேர்தலில் போட்டியிடுவோருக்கான வேட்புமனுத் தாக்கல் செப்.15ஆம் தேதி தொடங்கி விறுவிறுப்பாக நடைபெற்று வருகிறது. மேலும் கூட்டணி தொடர்பான பேச்சுவார்த்தைகளும் விறுவிறுப்பாக நடைபெற்று வருகிறது.
கடந்த 2019 மக்களவை தேர்தல் மற்றும் 2021 சட்டசபைத் தேர்தல் ஆகியவற்றில் அதிமுக கூட்டணியில் இருந்து தேர்தலைச் சந்தித்த பாமக இந்த முறை தனித்துப் போட்டியிடுவதாக அறிவித்துள்ளது. இதர கூட்டணிக் கட்சிகள் குறித்தும், அவை எந்தெந்த இடங்களிலும் போட்டியிடும் என்பது குறித்தும் இதுவரை அறிவிப்பு எதுவும் வெளியாகாமல் இருந்தது.
இந்தச் சூழலில் 9 மாவட்ட ஊரக உள்ளாட்சித் தேர்தலில் அதிமுக சார்பில் போட்டியிடும் வேட்பாளர் பட்டியலை தற்போது வெளியிடப்பட்டுள்ளது. ஊராட்சி வார்டு உறுப்பினர்கள், ஊராட்சி ஒன்றிய வார்டு உறுப்பினர்கள் பதவிகளில் போட்டியிடும் வேட்பாளர்களின் பட்டியல் வெளியிடப்பட்டுள்ளது.
Click it and Unblock the Notifications
Sign in with Google