பாஜக முதல்கட்ட வேட்பாளர் பட்டியல்.. ஆயிரம் விளக்கில் குஷ்பு, காரைக்குடியில் எச்.ராஜாவிற்கு வாய்ப்பு

Updated: Sunday, March 14, 2021, 16:33 [IST]

Subscribe to Oneindia Tamil

சென்னை: தமிழகத்தில் அதிமுக கூட்டணியில் பாஜக போட்டியிடும் 20 தொகுதிகளில் தற்போது 17 தொகுதிகளுக்கான முதல் கட்ட வேட்பாளர் பட்டியல் தற்போது வெளியிடப்பட்டுள்ளது.

போட்டி

இந்த நிலையில் தமிழகத்தில் பாஜக போட்டியிடும் 20 தொகுதிகளில் தற்போது 17 தொகுதிகளுக்கான முதல் கட்ட வேட்பாளர் பட்டியல்தற்போது வெளியிடப்பட்டுள்ளது. அதன்படி தனி தொகுதியான தாராபுரத்தில் பாஜக தமிழக தலைவர் எல்.முருகன் போட்டியிடுகிறார்.

ஆயிரம் விளக்கு

ஆயிரம் விளக்கு தொகுதியில் குஷ்பு போட்டியிடுகிறார். முதலில் பாஜக சார்பாக இவர் சேப்பாக்கம் தொகுதியில் போட்டியிடுவார் என்று கூறப்பட்டது. அங்கு திமுக சார்பாக இளைஞரை செயலாளர் உதயநிதி போட்டியிடுகிறார். ஆனால் அங்கு பாமக போட்டியிட உள்ள நிலையில் பாஜக சார்பாக ஆயிரம் விளக்கு தொகுதியில் குஷ்பு போட்டியிடுகிறார்.

கோவை

கோவை தெற்கு வானதி சீனிவாசன் போட்டியிடுகிறார். இங்கு மக்கள் நீதி மய்யம் சார்பாக அதன் தலைவர் கமல்ஹாசன் போட்டியிடுகிறார். இங்கு திமுக கூட்டணியில் காங்கிரஸ் சார்பாக மயூரா ஜெயக்குமார் போட்டியிடுகிறார்.

காரைக்குடி

அதேபோல் பாஜக சார்பாக காரைக்குடியில் எச் ராஜா மீண்டும் களமிறக்கப்படுகிறார். இவருக்கு இந்த தொகுதி உறுதியாக வழங்கப்படும் என்று கூறப்பட்டது. அதேபோல் பாஜக சார்பாக எச் ராஜா இங்கு களமிறக்கப்பட்டுள்ளார். இங்கு காங்கிரஸ் சார்பாக காங்கிரஸ் மாங்குடி போட்டியிடுகிறார்.