அண்ணாமலையை மாற்ற பாஜக விரும்பாது.. காரணம் என்ன தெரியுமா? காயத்ரி ரகுராம் சொன்ன சீக்ரெட்!
சென்னை: திமுக, அதிமுக ஆதரவு இல்லாமல் அண்ணாமலையால் கவுன்சிலர் ஆகவோ அல்லது எம்.பி ஆகவோ, எம்எல்ஏ ஆகவோ முடியாது என்பது அவருக்கு நன்றாக தெரியும். அண்ணாமலையை அதிமுக ஒருபோதும் ஆதரிக்காது என்று காயத்ரி ரகுராம் தனது எக்ஸ் வலைதளத்தில் பதிவிட்டுள்ளார்.
தமிழக முன்னாள் முதல்வர் பேரறிஞர் அண்ணா குறித்த அண்ணாமலையின் கருத்தால் கொதித்து போன அதிமுக, அண்ணாமலையை கடுமையாக சாடியது. அதோடு, பாஜக கூட்டணியில் தற்போது அதிமுக இல்லை என்றும் தேர்தல் நெருங்கும் போது பார்த்துக் கொள்ளலாம் என ஒரேயடியாக அதிமுக முன்னாள் அமைச்சர் ஜெயக்குமார் அறிவித்து பாஜகவை அதிர்ச்சி அடைய வைத்தார். தற்போது அண்ணாமலையை மாற்றினால் மட்டுமே பாஜகவுடன் கூட்டணி தொடரும் அதிமுக நிர்பந்திப்பதாக கூறப்படுகிறது.
இதற்கு பாஜக உடன்படுமா? அல்லது மீண்டும் சமாதான படலமே தொடருமா என்பது எல்லாம் வரும் நாட்களில் தான் தெரிய வரும். இதற்கிடையே, சமயம் கிடைக்கும் போதெல்லாம் தமிழக பாஜக தலைவர் அண்ணாமலையை கடுமையாக விமர்சிக்கும் நடிகை காயத்ரி ரகுராம், தனது "எக்ஸ்' சமூக வலைத்தளத்தில் அதிமுக - பாஜக மோதல் விவகாரம் தொடர்பாக அண்ணாமலையை தாக்கி கருத்து தெரிவித்துள்ளார். இது தொடர்பாக காயத்ரி ரகுராம் கூறியிருப்பதாவது:-
நான் 8 ஆண்டுகளாக பாஜகவில் இருந்தேன். அண்ணாமலையின் முட்டாள்தனம், யார் மேசைக்கு அடியில் டீலிங் செய்கிறார், யாரிடம் கைகுலுக்கிறார், மோட்டார் வாய் பொய் & எப்படி பணம் சம்பாதிக்கிறார் என்பது பாஜக மத்திய தெரியாது என்று நீங்கள் நினைக்க வேண்டாம். தமிழகத்தில் இப்போது பாஜக காலடி எடுத்து வைக்க முடியாது என்பது அவர்களுக்கு நன்றாகவே தெரியும். அதனால் அவர்கள் தலைமையை மாற்ற விரும்பவில்லை, அவர்களுக்கு தமிழக பாஜக பற்றி கவலை இல்லை.
அண்ணாமலையின் முட்டாள்தனமான சுயநலப் பேராசை பாஜகவை பின்னுக்குத் தள்ளிவிட்டது. அண்ணாமலையின் பதவி மற்றும் தோல்விப் பொறுப்பை ஏற்க யாரும் தயாராக இல்லை. திமுக, அதிமுக ஆதரவு இல்லாமல் அவர் கவுன்சிலர் ஆகவோ அல்லது எம்.பி ஆகவோ, எம்எல்ஏ ஆகவோ முடியாது என்பது அண்ணாமலைக்கு நன்றாக தெரியும். அண்ணாமலையை அதிமுக ஒருபோதும் ஆதரிக்காது. அதனால் தற்போது அவரும் அவரது குழுவினரும் வசூலில் மும்முரமாக ஈடுபட்டு செட்டிலாகிவிட்டனர்.
அவர் அரசியல்வாதியாகவோ அல்லது மக்களை காப்பாற்றவோ அல்லது சேவை செய்யவோ விரும்பவில்லை. சேவை மனப்பான்மை இருந்தால் ஐபிஎஸ் வேலையை விடமாட்டார். அமித் ஷா ஜி, சந்தோஷ் ஜி, ஜேபி நட்டா ஜி எல்லாருக்கும் தெரியும். கூட்டணி தர்மத்தை கடைபிடிக்காமல் பேரறிஞர் அண்ணாவை பற்றி தவறாக பேசி துரோகம் செய்வதால் இப்படி முட்டாள்தனமான நிர்வாகியை வைத்து அதிமுகவை எப்படி எதிர்கொள்வது என்று அவர்களுக்கு தெரியவில்லை.
அண்ணாமலை வேண்டுமென்றே கூட்டணியை முடிவுக்கு கொண்டுவருவது பாஜகவுக்கு நன்றாகவே தெரியும். கனமான அளவு அ.தி.மு.க.வை அழைத்தாரா அல்லது அ.தி.மு.க.வினர் சந்திப்புக்கு கேட்டதா என்பது யாருக்கும் தெரியாது. பொது அறிவிப்பு இல்லை. அனைத்து கட்சிகளுக்கும் டெல்லிக்கு பயணம் செய்வது எல்லா அரசியல்வாதிகளுக்கும் பொதுவானது. டெல்லியில் நடந்த இந்த அ.தி.மு.க., பா.ஜ., கூட்டம், அண்ணாமலையால், பா.ஜ.,வுக்கு பின்னடைவை ஏற்படுத்தியுள்ளது.
Click it and Unblock the Notifications
Sign in with Google