இனி TUTICORIN இல்லை.. THOOTHUKUDI.. தூத்துக்குடி விமான நிலையம் பெயர் மாற்றம்!

டெல்லி: தூத்துக்குடி விமான நிலையத்தின் பெயரை ஆங்கிலத்தில் அதிகாரப்பூர்வமாக "Thoothukudi Airport" என்று மாற்றி மத்திய விமான போக்குவரத்து துறை அமைச்சர் ராம்மோகன் நாயுடு அறிவிப்பு வெளியிட்டுள்ளார்.

தூத்துக்குடி, தென்தமிழகத்தின் வளர்ந்து வரும் தொழில் நகரமாக தூத்துக்குடி விளங்குகிறது. தூத்துக்குடி நகரின் வளர்ச்சிக்கு முக்கிய காரணமாக போக்குவரத்து வசதி அமைந்துள்ளது. விமான போக்குவரத்து, கப்பல் போக்குவரத்து, ரயில் போக்கு வரத்து, சாலை போக்குவரத்து என அனைத்து விதமான போக்குவரத்து வசதியையும் தூத்துக்குடி பெற்றுள்ளது. தூத்துக்குடியை அடுத்த வாகைகுளத்தில் விமான நிலையம் அமைந்துள்ளது. இந்த விமான நிலையம் 1992 ஆம் ஆண்டு திறக்கப்பட்டது.

'டூட்டுக்கொரின்' ஏர்போர்ட் (Tuticorin) என்ற பெயரினை 'தூத்துக்குடி விமான நிலையம்' என்று மாற்றம் செய்வதற்கான கோரிக்கை தொடர்ந்து எழுந்து வந்தது.
விமானப் போக்குவரத்துத் துறை அமைச்சரிடம் மத்திய இணை அமைச்சர் எல். முருகன் உள்ளிட்ட பலர் மனு அளித்திருந்தனர். 'டூட்டுக்கொரின்' எனும் காலனித்துவ காலத்தில் பிரபலப்படுத்தப்பட்ட ஆங்கிலமயமாக்கப்பட்ட பெயரிடலை 'தூத்துக்குடி விமான நிலையம்' என நகரின் அசல் தமிழ்ப் பெயராக மாற்ற வேண்டும் எனக் கோரிக்கைகள் எழுந்து வந்தன.

இந்நிலையில், தூத்துக்குடி விமான நிலையத்தின் பெயரை ஆங்கிலத்தில் அதிகாரப்பூர்வமாக "Thoothukudi Airport" என்று மாற்றி மத்திய விமான போக்குவரத்து துறை அமைச்சர் ராம்மோகன் நாயுடு அறிவிப்பு வெளியிட்டுள்ளார்.

English summary

Union Minister for Civil Aviation Rammohan Naidu has issued an announcement officially changing the name of the Tuticorin Airport to “Thoothukudi Airport” in English.