அன்னபூரணிக்கு வந்துச்சு பாருங்க கோபம்.. "அதான் சென்னையவே சிதைச்சிட்டு"..மீம்ஸ்களால் சூடாகும் இணையம்

அன்னபூரணி சாமியாரின் மீம்ஸ்கள் வைரலாகி கொண்டிருக்கின்றன

Updated: Friday, December 31, 2021, 16:20 [IST]

Subscribe to Oneindia Tamil

சென்னை: சென்னையில் மழை கொட்டி வரும் நிலையில், "அன்னபூரணி அம்மாவ பகைச்சானுவ.. சென்னையவே சிதைச்சிட்டு".. என்று நெட்டிசன்கள் கலாய்த்து மீம்களை தெறிக்க விட்டுள்ளனர்.

அன்னபூரணி அம்மா, ஆதிபராசத்தி அம்மா அவதரித்து விட்டார் என்று கடந்த வாரம் சோஷியல் மீடியாவே திணறி போகும் அளவுக்கு வைரலானார் பெண் சாமியார் அன்னபூரணி என்பவர்.

பெண் சாமியார் என்றால், காவி உடையோ, ஜடாமுடியுடனோ காணப்படவில்லை.. இவர் காரில் வந்து இறங்குகிறார்.. ஸ்டார் ஹோட்டலில்தான் பக்தர்களை சந்திக்கிறார்.. பளபளவென பட்டுப்புடவை, நகை, லிப்ஸ்டிக் என சகலமும் கொண்டு தன்னை அலங்கரித்து கொண்டுள்ளார்.

சந்திப்பு

கழுத்தில் மாலைகள் தொங்க, கையை காட்டி பக்தர்களை ஆசீர்வாதம் செய்கிறார்.. இந்நிலையில், இவரை ஒரு தனியார் சேனல் பேட்டி எடுத்தது.. அந்த பேட்டியில் அன்னபூரணியின் பேச்சுக்கள் அத்தனையும் அவரை மேலும் ஓவர்நைட்டில் பிரபலமாக்கியது. அதில், "நான் எங்கும் ஓடி ஒளியல.. என்னை பற்றி ஒரு வதந்தி பரவுகிறது.. அதனால் நேரடியாக வந்திருக்கிறேன்... நான் என்னை சாமி என்றோ ஆதிபராசக்தி என்றோ சொல்லவில்லை.. யாரிடமும் என்னை நம்புங்கள், என்னை ஏற்றுக் கொள்ளுங்கள் என்று சொல்லவில்லை..

பாதிப்பு

எனக்குள் இருக்கும் சக்தியை புரிந்து கொள்ளாமல் என்னை அவமானப்படுத்த முயற்சிக்கிறீர்கள்... என்னை அவமானப்படுத்துவதாலோ, என்னை புகழ்வதாலோ, எனக்குள் எந்த பாதிப்பும் ஏற்படாது. என்னைப் பொறுத்தவரையில் நான் மதங்களுக்கு அப்பாற்பட்டவள், கடவுள் என்பதே இல்லை, அது ஒரு சக்தியாக இருக்கிறது. அது எனக்குள் இருக்கிறது என்று உணர்கிறார்கள்" என்றார்.

மிரட்டல்

இந்த பேட்டியின்போது, "என்னை சாதாரணமா நினைச்சிட்டு இருக்கீங்க இல்லே?" என்று மிரட்டினார்.. அப்போது அன்னபூரணிக்கு மூச்சு வாங்கியது.. என்னை பற்றி உங்களுக்கு புரியவில்லை என்று கோபமாக கத்தி ஆவேசத்தின் உச்சிக்கு போனார்.. பிறகு தண்ணீர் எடுத்து குடித்து சாந்தமானார்.. மறுபடியும் பேட்டியை ஆரம்பித்தார்.. அன்னபூரணி மூச்சு வாங்கி கொண்டே மிரட்டிய வீடியோக்கள் இணையத்தில் பரபரப்புடன் ஷேர் செய்யப்பட்டது.. அன்றைய தினமே அந்த வீடியோவை வைத்து மீம்ஸ்களும் வெளியாகின..

மீம்ஸ்கள்

இப்போது சென்னையில் மழை வெளுத்து கட்டி கொண்டிருக்கிறது.. மக்கள் இயல்பு வாழ்க்கையை தொலைத்துள்ள இந்த நேரத்திலும், அன்னபூரணியின் இதே வீடியோவை வைத்து மீம்ஸ்களை தயார் செய்துவிட்டனர் நம் நெட்டிசன்கள்.. அதில் ஒரு மீமில், வடிவேலு மருத்துவமனையில் அட்மிட் ஆகி சீரியஸ் கண்டிஷனில் படுத்துள்ளார்.. இந்த போட்டோவை பதிவிட்டு, "அன்னபூரணி அம்மாவ பகைச்சானுவ.. சென்னையவே சிதைச்சிட்டு".. என்று கேப்ஷன் போட்டுள்ளனர்..

நெட்டிசன்கள்

இந்த மீம்ஸ்களை பார்த்த நெட்டிசன்களும், "நினைச்சேன்.. அன்னப்பூரணி அன்னைக்கே மிரட்டுச்சு.. என்னை யாரும் சாதாரணமா எடுத்துக்க வேணாம்னு சொல்லி மிரட்டிச்சே.. அதான் இப்படியாகிடுச்சி.. அன்னப்பூரணியை பகைச்சிக்க வேணாம்னு சொன்னா கேட்டீங்களா? இப்ப பாருங்க, சென்னையே மூழ்குற அளவுக்கு போயிடுச்சு.." என்று கலாய்த்து வருகின்றனர்..