அந்த இளைஞர்களை அரசியல்படுத்த தவறிவிட்டோம்... விஜய் மாநாட்டை விமர்சித்த டைரக்டர் வசந்தபாலன்

சென்னை: வெயில், அங்காடித் தெரு பட இயக்குனர் வசந்தபாலன் விஜய்யின் மாநாட்டை பெயர் குறிப்பிடாமல் விமர்சித்து பேசியுள்ளார். சமீபத்தில் ஒரு அரசியல் மாநாட்டை பார்த்ததாகவும், அங்கு இளைஞர்கள் அரசியல்படுத்தப்படாமல் இருக்கிறார்கள் என்றும், காலையிலிருந்து வெயிலில் நின்று கருகி சாவுகிறாங்க... மேடையில் இருந்து தூக்கி வீசப்படுகிறாங்க... இதைப் பார்த்தப்போது ரொம்ப கவலையாக இருந்ததாக பூக்கி படத்தின் பூஜை விழாவில் வசந்தபாலன் பேசினார்.

வெயில் திரைப்படத்தை இயக்கி பிரபலமானவர் வசந்தபாலன். இவர் அங்காடித் தெரு, காவியத்தலைவன், அரவான், அநீதி ஆகிய திரைப்படங்களை இயக்கியுள்ளார். இயக்குநர் சங்கரிடம் உதவி இயக்குநராக பணிபுரிந்தவர் ஆவார். இந்த நிலையில் இன்று நடந்த பூக்கி படத்தின் பூஜை விழாவில் இயக்குநர் வசந்தபாலன் கலந்து கொண்டார்.

இயக்குநர் வசந்தபாலன் பேச்சு

அப்போது பேசிய அவர், ஒரு கட்சி மாநாடு பார்த்தேன்... அங்கு இளைஞர்கள் அரசியல்படுத்தப்படாமல், வெயிலில் கருகி, மேடையில் இருந்து தூக்கி வீசப்படுவதை பார்ப்பதற்கு கவலையாக இருந்ததாக கூறியுள்ளார். அங்கு திரண்டிருந்தவர்களை அரசியல்படுத்த தவறவிட்டோம் என்று தோன்றியதாக கூறியுள்ளார். வசந்தபாலன் பேச்சு விஜய் மாநாட்டை மறைமுகமாக விமர்சிக்கும் வகையில் அமைந்துள்ளது. விழாவில் வசந்தபாலன் பேசியதாவது:-

வெயிலில் நின்று கருகி சாவுகிறாங்க..

"சமீபத்தில் ஒரு அரசியல் கட்சியின் மாநாட்டை பார்த்தேன். அந்த மாநாட்டை பார்க்கின்றபோது இளைஞர்கள் எல்லாம் அரசியல்படுத்தப்படாமல் இருக்கிறார்கள்... காலையிலிருந்து வெயிலில் நின்று கருகி சாவுகிறாங்க... மேடையில் இருந்து தூக்கி வீசப்படுகிறார்கள். அப்படின்னு பார்க்கின்றபோது ரொம்ப கவலையாக இருந்துச்சு..."

"எதோ ஒரு விதத்தில் அந்த இளைஞர்களை எதோ ஒரு விதத்தில் கவர தவறிவிட்டோம்... அவர்களை அரசியல்படுத்த தவறிவிட்டோம்... அவர்களின் குரலை பேச தவறிவிட்டோம்... அப்படின்னு அங்கு திரண்டு இருந்த இளைஞர்களைப் பார்த்ததும் தோன்றிச்சு... அவங்க குரல் தொடர்ந்து சினிமாவுல பதிவாகவே இல்லை... அவங்க குரலைத் தாண்டி வேறுவேறு குரலில் நிறைய படங்கள் பேன் இந்தியா படங்களாக வெளியானன..."

விஜய் மாநாட்டை மறைமுகமாக விமர்சித்தாரா?

"ஆனால் இளைஞர்கள் குரல்... இளைஞர்களின் மொழி... இளைஞர்களின் உலகம் என மொத்தமாகவே இன்னும் பதிவாகாமல் இருந்து கொண்டிருப்பதால்தான் இன்னும் அந்த குரல் வேறொரு திசையை நோக்கிப் போய்க்கொண்டிருக்கிறது என்பதை அந்த கூட்டத்தை பார்த்துத் தோனுச்சு...

அந்த குரல் பேசப்பட வேண்டும் என்று கவலைப்பட்டேன்... அந்த இளைஞர்களின் குரல் என்ன? அவங்க மனசு என்ன? அவங்களுடைய உலகம் என்ன என்பதையெல்லாம் பேசப்பட வேண்டும் என எனக்கு தோனுச்சு..." இவ்வாறு அவர் பேசினார். வசந்தபாலன் பேச்சு, விஜய் மாநாட்டை மறைமுகமாக விமர்சிக்கும் வகையில் அமைந்துள்ளது.

English summary

Veil, Angadi Theru director Vasanthapalanan has criticized Vijay's conference without naming names. He said that he recently saw a political conference and that the youth there were not politicized, and that they were dying of sunburn after standing in the sun since morning... They were being thrown off the stage... He was very worried when he saw this, Vasanthapalanan said at the pooja function of the film Pookki.