அதிமுக கூட்டணி: முதல்வர் எடப்பாடி பழனிசாமியுடன் டாக்டர் ராமதாஸ் இன்று மாலை சந்திப்பு?
சென்னை: தமிழக முதல்வர் எடப்பாடி பழனிசாமியை பாமக நிறுவனர் டாக்டர் ராமதாஸ் இன்று மாலை சந்தித்து பேச உள்ளதாக தகவல்கள் வெளியாகி உள்ளன.
அதிமுக கூட்டணியில் இடம்பெற்றுள்ள பாமகவின் பிரதான கோரிக்கை வன்னியர் உள்ஒதுக்கீடு. இது தொடர்பாக பாமக- அதிமுக அமைச்சர்கள் அடுத்தடுத்து பேச்சுவார்த்தை நடத்தியது.
அதிமுகவின் தேர்தல் அறிக்கையில் இந்த கோரிக்கை சேர்க்கப்படும் என உறுதி அளிக்கப்பட்டுள்ளது. இதனை பாமக ஏற்றுக் கொள்ளும் என்றே தெரிகிறது.
இதையடுத்து தொகுதிப் பங்கீட்டு பேச்சுவார்த்தைகள் விறுவிறுப்பாக நடைபெற்று வருகின்றன. இதன் அடுத்த கட்டமாக சென்னையில் இன்று முதல்வர் எடப்பாடி பழனிசாமியை பாமக நிறுவனர் டாக்டர் ராமதாஸ் சந்திக்க உள்ளதாக தகவல்கள் வெளியாகி உள்ளன.
சென்னை கிரீன்வேஸ் சாலையில் உள்ள முதல்வர் எடப்பாடி பழனிசாமி இல்லத்தில் இன்று மாலை இந்த சந்திப்பு நடைபெற உள்ளதாக தகவல்கள் வெளியாகி இருக்கின்றன. இந்த சந்திப்பின் முடிவில் வன்னியர் இடஒதுக்கீடு, தொகுதி பங்கீடு தொடர்பாக முக்கிய அறிவிப்பு வெளியாகலாம் என்கிற எதிர்பார்ப்பும் நிலவுகிறது.
Click it and Unblock the Notifications
Sign in with Google