திமுகவுடன் எடப்பாடி ரகசிய கூட்டணி? அதிமுக தலைமை மாற்றம்? கேசி பழனிசாமி ஸ்கூப்!

மணியோசை வரும் முன்னே யானை வரும் பின்னே என்பார்கள். அதேபோல் தேர்தல் முடிவு வருவதற்குள், அதிமுகவில் கலகம் ஆரம்பமாகிவிட்டது.

இப்போது அவர் அதிமுக தலைமை பொறுப்பில் தொடர்வாரா என்று பூதம் கிளம்பி இருக்கிறது. தினமும் அதிமுக பற்றியும் தலைமை மாற்றம் பற்றியும் பலபல செய்திகள்.

இது பற்றி அதிமுக மூத்த தலைவர்களில் ஒருவரான கே.சி. பழனிசாமி அணுக்குண்டு போல வெடித்துத் தள்ளியுள்ளார். அவர் அளித்துள்ள ஒரு பேட்டியில் எடப்பாடி பழனிசாமியைப் பற்றிப் பொங்கி எழுந்துள்ளார்.

கேசி பழனிசாமி பேசுகையில், “வேலுமணி பல விசயங்களைச் சொல்லி இருக்கிறார். இந்த நாடாளுமன்றத் தேர்தலில் 40 தொகுதிகளில் வெற்றி பெறுவோம் என்கிறார். அடுத்து 2026இல் 200 தொகுதிகள் வரை அதிமுகவை வெற்றி பெறச் செய்து எடப்பாடி பழனிசாமியை முதல்வராக்குவோம் என்றும் சொல்லி இருக்கிறார்.

செங்கோட்டையனும் வேலுமணியும் எடப்பாடி பழனிசாமியின் தலைமை ஏற்றுக் கொண்டல் போதுமா? தமிழக மக்கள் அவரை ஏற்றுக் கொண்டு வாக்களித்தால் தான் அவர் கட்சித் தலைமையில் நீடிக்க முடியும்? மக்கள் அங்கீகரிக்கவில்லை என்றால் எடப்பாடி நிலைமை மோசம்தான்.

இதைக் கேள்வி கேட்டால், எடப்பாடியின் ஆதரவாளர்கள் எம்ஜிஆர் தேர்தலில் தோற்கவில்லையா? என்கிறார்கள். எம்ஜிஆர் 8 முறை தொடர் தோல்விகளைச் சந்தித்தாரா? அல்லது ஜெயலலிதா சந்தித்தாரா? இவ்வளவு கேவலமாகப் பேச இவர்களால் எப்படி முடிகிறது?

திமுகவுடன் மறைமுகமாகக் கூட்டு வைத்துக் கொண்டு, முன்னாள் அமைச்சர்கள் 30 பேரை வழக்கிலிருந்து காப்பாற்றுவதற்காக அதிமுகவை எடப்பாடி பழனிசாமி தரப்பு பயன்படுத்தி வருகிறதா என்ற சந்தேகம் கூட எழுகிறது.

ஏன் அதிமுக அமைச்சர்கள் மீது ஆட்சிக்கு வந்தால் நடவடிக்கை எடுப்பேன் என்று பேசிய ஸ்டாலின் ஏன் இதுவரை உங்கள் மீது எந்தவித நடவடிக்கையும் எடுக்கவில்லை?

நேரு என்ன ஊழல் செய்கிறார்? துரைமுருகன் என்ன ஊழல் செய்கிறார்? பொன்முடி என்ன ஊழல் செய்து வருகிறார்? இவை எல்லாம் அதிமுக முன்னாள் அமைச்சர்களுக்குத் தெரியாதா? ஏன் திமுக ஊழல்களைப் பற்றி எடப்பாடி பழனிசாமி ஆதரவு தலைவர்கள் விமர்சித்துப் பேசுவதில்லை? மவுனம் காப்பது ஏன்?

எப்படி திமுகவுடன் அண்டர் கிரவுண்ட் டீலிங் போட்டு கொள்ளை அடிக்கலாம்? வழக்குகள் வராமல் எப்படிப் பாதுகாத்துக் கொள்ளலாம்? பாஜகவை விமர்சிக்காமல் கதவைச் சாத்திக் கொண்டு எப்படிப் பாதுகாப்பாக வாழலாம் என்றுதான் எடப்பாடி பழனிசாமியிடம் வேலுமணி உள்ளிட்டவர் கலந்தாலோசிக்கிறார்கள்.

கட்சியை எப்படி வளர்ப்பது? எப்படி அதிக தொகுதிகளில் வெல்வது? இதைப்பற்றி எல்லாம் ஆலோசனை செய்வதைப் போலத் தெரியவே இல்லை.

English summary

KC Palanisamy About AIADMK Leadership & Edappadi Palanisami: அதிமுக 30 முன்னாள் அமைச்சர்களை ஊழல் வழக்கிலிருந்து காப்பாற்ற எடப்பாடி பழனிசாமி அதிமுகவைப் பயன்படுத்தி வருகிறார் என்று ஒரு பகிரங்கமான குற்றச்சாட்டை கேசி பழனிசாமி வைத்துள்ளார்.