கோயம்பேட்டில்.. சின்ன வெங்காயம் சர்னு இறங்குது.. தக்காளியோ விர்னு ஏறுது.. சென்னையில் பெரிய மாற்றம்

சென்னை: கோடை காலம் துவங்கிவிட்ட நிலையில் காய்கறிகளின் விலையில் தாறுமாறான விலையேற்றங்கள் காணப்படுகின்றன. அந்தவகையில், கோயம்பேட்டில் என்ன நடக்கிறது தெரியுமா?

தமிழகத்தில் காய்கறிகள் உற்பத்தி நடந்தாலும், அவை உள்ளூர் தேவையை முழுமையாக பூர்த்தி செய்யும் அளவிற்கு எப்போதுமே இருப்பதில்லை.. சிலசமயம், பருவமழை கோளாறும் காரணமாகிவிடுகிறது.

காய்கறிகள்: அதனால்தான், வெளிமாநிலங்களில் இருந்து காய்கறிகள் தமிழகத்துக்கு கொண்டு வரப்படுகின்றன... குறிப்பாக, பெரிய வெங்காயம், தக்காளி போன்றவை கர்நாடகா, ஆந்திரா மற்றும் வடமாநிலங்களில் அதிகளவு விற்பனைக்கு கொண்டுவரப்படுகிறது.

கடந்த மாதம் பெய்த மழையால், காய்கறி பயிர்கள் நிறைய அழிந்துவிட்டன... முக்கியமாக தக்காளி, சின்ன வெங்காயம், உருளைக்கிழங்கு, பீன்ஸ், கத்திரிக்காய், கேரட், பீன்ஸ் போன்றவை உற்பத்தி கடுமையாக பாதிக்கப்பட்டன. அதனால், இந்த வகை காய்கறிகள் சந்தைகளுக்கு குறைவாக வர துவங்கின.. விலையும் அதிகமாகவே இருந்தது.
பூண்டு இஞ்சி: அதேபோல, தக்காளி, வெங்காயம், பூண்டு, இஞ்சி என இந்த 4 பொருட்களின் விலைகளும் உயர்ந்தபடியே இருந்தன.. தற்போதுதான் கோடை காலம் துவங்கிய நிலையில் காய்கறிகளின் வரத்தும் அதிகமாகி உள்ளது.. இதனால், விலையும் தமிழகத்தில் மெல்ல குறைய துவங்கி உள்ளன.

அந்த வகையில், பெரிய வெங்காயம் ஒரு கிலோ 25 ரூபாய்க்கும், சின்ன வெங்காயம் ஒரு கிலோ 35 ரூபாய்க்கும், தக்காளி ஒரு கிலோ 25க்கும், பச்சை மிளகாய் ஒரு கிலோ 25 ரூபாய்க்கும், பீட்ரூட் ஒரு கிலோ 40 ரூபாய்க்கும், உருளைக்கிழங்கு ஒரு கிலோ 30 ரூபாய்க்கும் விற்கப்படுகிறது.

அவரைக்காய்: குடைமிளகாய் ஒரு கிலோ 40 ரூபாய்க்கும், பாகற்காய் ஒரு கிலோ 35 ரூபாய்க்கும், சுரைக்காய் ஒரு கிலோ 25 ரூபாய்க்கும், பட்டர் பீன்ஸ் ஒரு கிலோ 65 ரூபாய்க்கும், அவரைக்காய் ஒரு கிலோ 35 ரூபாய்க்கும், முட்டைக்கோஸ் ஒரு கிலோ 15 ரூபாய்க்கும், கேரட் ஒரு கிலோ 60 ரூபாய்க்கும் விற்கப்படுகிறது.

கடந்த மாதம்வரை ஒரு கிலோ இஞ்சி, 400 என மிரட்டிக் கொண்டிருந்த நிலையில், இப்போது ஒரு கிலோ 100 ரூபாய்க்கு விற்கப்படுகிறது.. அதேபோல, மாங்காய் ஒரு கிலோ 60 ரூபாய்க்கும், வெண்டைக்காய் ஒரு கிலோ 45க்கும், பூசணி ஒரு கிலோ 25க்கும், முள்ளங்கி ஒரு கிலோ 15 ரூபாய்க்கும், பீர்க்கங்காய் ஒரு கிலோ 50 ரூபாய்க்கும், புடலங்காய் ஒரு கிலோ 30 ரூபாய்க்கும் விற்கப்படுகிறது.

விரைவில் மாற்றம்: கடந்த வாரத்தைவிட இந்த வாரம் காய்கறிகளின் விலை குறைவாக உள்ளது.. இனி வரும் காலங்களில் கோடை காலம் துவங்க உள்ளதால் காய்கறிகளின் விலைகளில் மேலும் மாற்றம் நிகழ வாய்ப்புள்ளதாக சொல்கிறார்கள் வியாபாரிகள்.

English summary

Koyambedu Vegetable Market and Small Onion, Tomato, Price rate Sudden High in Chennai Koyambedu Vegetable Market