ரஜினி கமலை இணைத்து புதிய படம்.. படையப்பா ரீ ரிலீஸ்.. கேஎஸ் ரவிகுமார் சொன்ன முக்கியமான பாயிண்ட்

சென்னை: படையப்பா திரைப்படம் 27 ஆண்டுகளுக்குப் பிறகு ரீ-ரிலீஸ் தயாராக உள்ளது, விரைவில் வெளியாகும். ரஜினி மற்றும் கமலுடன் இணைந்து இயக்க நான் தயாராக இருக்கிறேன், அதை அவர்கள் தான் முடிவு செய்ய வேண்டும் என்று காஞ்சிபுரத்தில் திரைப்பட இயக்குநர் கே.எஸ். ரவிக்குமார் பேட்டியளித்தார்.

காஞ்சிபுரத்தில் உணவகம் ஒன்றின் திறப்பு விழாவில் கலந்து கொண்டு பிரபல இயக்குநர் கேஎஸ் ரவிகுமார் செய்தியாளர்களுக்கு பேட்டி அளித்தார். அப்போது அவர் செய்தியாளர்களின் பல்வேறு கேள்விகளுக்கு பதில் அளித்தார். அப்போது அவர் கூறும் போது, பல்வேறு படங்கள் ரீ ரிலீசுக்கு தயாராகி வருகிறது. படையப்பா படத்தை தயார் செய்து வைத்துள்ளோம்.

படத்தை ரீ ரிலீஸ் செய்வதற்கு தேவையான ஆடியோ தொழில்நுடபம் மற்றும் வீடியோக்களை ஹெச்டி தரத்தில் டிஜிட்டலுக்கு மாற்றுவது உள்பட பல்வேறு விஷயங்களை ரெடி செய்திருக்கிறோம். படையப்பா படத்தின் தயாரிப்பாளர் ரஜினி சார் தான். அவர் தான் படத்தை எப்போது ரிலீஸ் செய்ய வேண்டும் என்று முடிவு செய்ய வேண்டும்.

முத்து படம் வந்து கவிதாலயா பண்ணிட்டாங்க.. இரண்டு வருடம் முன்பு செய்தார்கள். படையப்பா படம் வந்து 27 வருடம் ஆகிடுச்சு.. நிறைய படங்களை ரீ ரிலீசுக்கு கேட்கிறார்கள். அவ்வை சண்முகி, தெனாலி, தசவதாரம், வில்லன், வரலாறு என பல்வேறு படங்களை கேட்கிறார்கள்... சேரன் பாண்டியன், நட்புக்காக,நாட்டாமை போன்ற பல்வேறு படங்களை ரீ ரிலீஸ் பண்ணலாம்.. படங்களை ஒரு கேப் பார்த்து தியேட்டர்களில் மறுபடியும் ரிலீஸ் செய்தால், ஓரளவு கலெக்சன் வரும்..

எந்தப் படம் எடுத்தாலும் கலவையான விமர்சனங்கள் வருவது உண்டு, அந்த காலம் படம் வெளியான பிறகு விமர்சனங்கள் பேச வாய்ப்பில்லை தற்பொழுது கலவையான விமர்சனங்கள் பேச வாய்ப்பு கிடைக்கிறது, இதில் படத்தின் முடிவில் எவ்வளவு கலெக்சன் என்பது தான் தீர்மானிக்கும்" இவ்வாறு கூறினார்.

அண்மையில் கேப்டன் பிரபாகரன் திரைப்படம் மீண்டும் ரிலீஸ் ஆகி வசூலில் வெற்றி நடை போட்டு வருகிறது. தயாரிப்பாளருக்கு நல்ல லாபத்தை தந்துள்ளது. இதற்கு முன்னரும் பல்வேறு திரைப்படங்கள் மீண்டும் ரிலீஸ் ஆகி நல்ல வசூலை பெற்றுள்ளன. எனவே பழைய ஹிட்டான திரைப்படங்களை மறுபடியும் தியேட்டர்களில் ரிலீஸ் செய்ய தயாரிப்பாளர்களும், இயக்குநர்களும் ஆர்வம் காட்டி வருகிறார்கள். அந்த வகையில் ரஜினிகாந்தின் திரைப்படங்கள் சில விரைவில் ரிலீஸ் ஆக வாய்ப்பு உள்ளது. கமல்ஹாசனின் தெனாலி, அவ்வை சண்முகியும் ரிலீஸ் ஆக வாய்ப்பு உள்ளது. அஜித்தின் வரலாறு, வில்லன் திரைப்படமும் மறுபடியும் ரிலீஸ் ஆக வாய்ப்பு உள்ளது.

English summary

Veteran director KS Ravikumar speaks exclusively in Kanchipuram, addressing recent hot topics in the Tamil film industry. Key Highlights from the Interview: Padayappa Re-Release: The director confirmed that the legendary film "Padayappa" is all set for a re-release after 27 years and will hit theaters soon.