தூத்துக்குடி காங்கிரஸ் மீது திமுக கொடூர தாக்குதல்! ரவுடித்தனம் என மாணிக்கம் தாகூர் விமர்சனம்

சென்னை: தூத்துக்குடி காங்கிரஸ் நிர்வாகி மீது நேற்று இரவு திமுக ஆதரவாளர்களால் கொடூரமான தாக்குதல் நடத்தப்பட்டதாக விருதுநகர் காங்கிரஸ் எம்பி மாணிக்கம் தாகூர் கண்டனம் தெரிவித்துள்ளார்.

இதுகுறித்து அவர் தனது எக்ஸ்வலைதள பக்கத்தில் கூறியிருப்பதாவது: தூத்துக்குடி காங்கிரஸ் நிர்வாகி காமராஜ் மீது நேற்று இரவு திமுக ஆதரவாளர்களால் கொடூரமான தாக்குதல் நடத்தப்பட்டது. அவரது ஆட்டோ ரிக்‌ஷா சேதப்படுத்தப்பட்டு, கண்ணாடிகள் உடைக்கப்பட்டு, அவரது வாழ்வாதாரம் முற்றிலும் பாதிக்கப்பட்டுள்ளது.

காங்கிரஸ் எம்.எல்.ஏக்கள் மற்றும் எதிர்க்கட்சித் தலைவர் ராகுல் காந்தி குறித்து திமுக மாவட்டச் செயலாளர் மற்றும் எம்.எல்.ஏ அனிதா ராதாகிருஷ்ணன் தெரிவித்த அவதூறு கருத்துகளை கண்டித்து நடைபெற்ற அமைதியான போராட்டத்தில் கலந்து கொண்டதற்கான அரசியல் பழிவாங்கலாக இந்த தாக்குதல் பார்க்கப்படுகிறது.

அமைதியான போராட்டம் என்பது ஜனநாயக உரிமை. கருத்து வேறுபாட்டுக்கு வன்முறையால் பதிலளிப்பது, மக்கள் தேர்தலில் நிராகரித்த பிறகு பொறுமையை இழந்து வரும் ஒரு கட்சியின் அகந்தையையும் சகிப்புத்தன்மையின்மையையும் வெளிப்படுத்துகிறது.

அரசியல் ரீதியாக பதிலளிக்காமல், அமலாக்கத் துறை விசாரணைகளை எதிர்கொண்டு வரும் அனிதா ராதாகிருஷ்ணன் தற்போது காங்கிரஸ் தொண்டர்களை மிரட்டவும், தாக்கவும் முயற்சிப்பதாக கூறப்படுகிறது. அமைதியான போராட்டத்தில் கலந்து கொண்டவர்கள் தற்போது மிரட்டல்களுக்கும் தாக்குதல்களுக்கும் உள்ளாகி வருகின்றனர்.

தூத்துக்குடி மாநகர காங்கிரஸ் தலைவர் சஹாயராஜ் உடனடியாக இந்த விவகாரத்தை நகர காவல்துறையின் கவனத்திற்கு கொண்டு சென்றுள்ளார்.

காங்கிரஸ் நிர்வாகி காமராஜை கொலை செய்ய முயன்றவர்களுக்கு எதிராக கடுமையான மற்றும் உடனடி நடவடிக்கை எடுக்கவும், தூத்துக்குடியில் உள்ள காங்கிரஸ் தொண்டர்களுக்கு பாதுகாப்பு வழங்கவும் நாங்கள் வலியுறுத்துகிறோம்.

திமுகவின் அகந்தையும் ரவுடித்தனமும் ஜனநாயக ரீதியாக தோற்கடிக்கப்பட வேண்டும். உதயநிதியின் தலைமையில், வன்முறையும் மிரட்டலும் திமுகவின் அரசியல் கலாச்சாரத்தின் ஒரு பகுதியாக மாறி வருகின்றன.

காங்கிரஸ் அமைதியாக இருக்காது. இந்த கோழைத்தனமான அரசியலை எதிர்த்து ஒன்றுபட்டு போராடுவோம்; இந்த வன்முறை சக்திக்கு எதிராக உறுதியாக நிற்போம். இவ்வாறு அவர் தெரிவித்துள்ளார்.

அது போல் பெட்ரோல் டீசல் விலை உயர்வு, நீட் வினாத்தாள் கசிந்த விவகாரத்தில் தற்போது வரை திமுகவும் எதிர்க்கட்சித் தலைவர் உதயநிதியும் கண்டிக்காதது ஏன் என விருதுநகரில் காங்கிரஸ் எம்பி மாணிக்கம் தாகூர் கேள்வி எழுப்பினார்.

தூத்துக்குடி காங்கிரஸ் நிர்வாகி காமராஜ் மீது நேற்று இரவு திமுக ஆதரவாளர்களால் கொடூரமான தாக்குதல் நடத்தப்பட்டது. அவரது ஆட்டோ ரிக்‌ஷா சேதப்படுத்தப்பட்டு, கண்ணாடிகள் உடைக்கப்பட்டு, அவரது வாழ்வாதாரம் முற்றிலும் பாதிக்கப்பட்டுள்ளது. காங்கிரஸ் எம்.எல்.ஏக்கள் மற்றும் எதிர்க்கட்சித்… pic.twitter.com/eZfg6ch8Cj

— Manickam Tagore .B🇮🇳மாணிக்கம் தாகூர்.ப (@manickamtagore) May 29, 2026

"தேர்தல் முடிந்ததும் பெட்ரோல், டீசல் விலை ஏற்றம் - இது 6வது முறை. மக்கள் தினமும் பாதிக்கப்படுறாங்க.

May 15 அன்று ஒரு X post போட்ட Opposition Leader உதயநிதி அவர்கள்... அதுக்கப்புறம் 'connecting call' வந்ததோ என்னவோ, இப்போ complete silent mode. 🤐

Ex CM பழனிசாமி அவர்கள் ஏற்கனவே Shah முன்னாடி surrender modeல இருக்கார் என்பதுதான் மக்கள் perception.
இப்போ அதே formula repeat ஆகுதா? 🤔

பெட்ரோல் விலை உயரும்போது பாதிக்கப்படுறது சாதாரண மக்கள் தான் ஆனா தமிழக எதிர்க்கட்சித் தலைவர்களின் குரல் மட்டும் mysteriously mute ஆகுது. ஏன்? இவ்வாறு அவர் கேள்வி எழுப்பியுள்ளார்.

English summary

Manickam Tagore has strongly condemned the alleged brutal assault on a Indian National Congress functionary in Thoothukudi, claiming that the attack was carried out by DMK supporters on Tuesday night. The incident has intensified political tensions in the region.