கோபாலபுரத்தில் இருந்து முக்கிய அறிவிப்பு.. இன்று செய்தியாளர்களை சந்திக்கிறார் ஸ்டாலின்?

சென்னை: சென்னை கோபாலபுரத்தில் இன்று செய்தியாளர்களை திமுக தலைவர் ஸ்டாலின் சந்தித்து முக்கிய அறிவிப்பை வெளியிடுகிறார் என தகவல்கள் வெளியாகியுள்ளன.

தமிழக சட்டசபை தேர்தல் இன்னும் சில மாதங்களில் நடைபெறுகிறது. இந்த தேர்தலை கருத்தில் கொண்டு அதிமுக, திமுக, மக்கள் நீதி மய்யம் ஆகிய கட்சிகள் போட்டி போட்டு தேர்தல் பிரச்சாரத்தில் ஈடுபட்டு வருகிறார்கள்.

ஒவ்வொரு கட்சியின் தேர்தல் அறிக்கைகளை எதிர்பார்த்து மக்கள் காத்துக் கொண்டிருக்கிறார்கள். இந்த நிலையில் தாங்கள் ஆட்சிக்கு வந்தால் கல்விக் கடன்கள் ரத்து செய்யப்படும் என திமுக வாக்குறுதியாக அறிவித்துள்ளது.

இந்த நிலையில் திமுக தலைவர் ஸ்டாலின் இன்று கோபாலபுரத்தில் செய்தியாளர்கள் சந்திக்கவுள்ளதாக தகவல்கள் வெளியாகியுள்ளன. அப்போது அவர் முக்கிய அறிவிப்பை வெளியிடுவார் என்றும் கூறப்பட்டுள்ளது.

கடந்த மாதம் அண்ணா அறிவாலயத்தில் முக்கிய அறிவிப்பை வெளியிடுவதாக அறிவித்திருந்த நிலையில் அதிமுகவை நிராகரிப்போம் என்ற வீடியோவை ஸ்டாலின் வெளியிட்டது குறிப்பிடத்தக்கது.

English summary

DMK President MK Stalin to meet press in Gopalapuram tomorrow.