Breaking News Live: அன்பான வணக்கம்.. நாளை நமதே.. நாற்பதும் நமதே.. பிரதமர் மோடி

இன்று காங்கிரஸ் தலைவர் ராகுல் காந்தி தமிழகத்தில் ஒரே நாளில் நான்கு இடத்தில் தேர்தல் பிரச்சாரத்தில் கலந்து கொள்ள இருக்கிறார்.

தேனி: அன்பான வணக்கம் என்று தமிழில் பேசி பிரதமர் மோடி தனது பேச்சை தொடங்கினார். மேலும் நாளை நமதே, நாற்பதும் நமதே என கூறி மோடி வாக்கு சேகரிப்பில் ஈடுபட்டார்.

நாடாளுமன்றத் தேர்தலுக்கு இன்னும் 4 நாட்களே உள்ள நிலையில் தேனி மாவட்டம் ஆண்டிப்பட்டியில் நடைபெறும் பிரசாரக் கூட்டத்தில் பிரதமர் மோடி பேசுகிறார். இங்கு ஓபிஎஸ் மகன் ரவீந்திரநாத்தை ஆதரித்து பேசுகிறார்.

இதற்காக அவர் நேற்று இரவே தமிழகம் வந்துள்ளார். ஆண்டிப்பட்டியில் 70 ஏக்கர் பரப்பளவில் பொதுக் கூட்டத்துக்கான ஏற்பாடுகள் செய்யப்பட்டன. இதை தமிழக துணை முதல்வர் ஓ.பன்னீர் செல்வம் நேரடியாக கண்காணித்து வருகிறார்.

அதுபோல் ராமநாதபுரத்தில் பாஜக வேட்பாளர் நயினார் நாகேந்திரனையும் ஆதரித்து பேசுகிறார். பிரதமரின் பொதுக் கூட்டத்தையொட்டி இரு இடங்களிலும் பாதுகாப்பு ஏற்பாடுகள் பலப்படுத்தப்பட்டுள்ளன.

English summary

PM Narendra Modi will speak in Theni and Ramanathapuram election meetings.