அரையாண்டு லீவு முடிஞ்சது.. இன்று தமிழகத்தில் பள்ளிகள் திறப்பு! தலைமையாசிரியர்களுக்கு பறந்த அட்வைஸ்!

Updated: Monday, January 5, 2026, 6:58 [IST]

Subscribe to Oneindia Tamil

சென்னை: தமிழகத்தில் அரையாண்டு தேர்வுகள் நிறைவடைந்த நிலையில் டிசம்பர் கடைசி வாரத்தில் விடுமுறை அளிக்கப்பட்டது. புத்தாண்டு உள்ளிட்டவை காரணமாக நேற்று வரை (டிசம்பர் 4) விடுமுறை விடப்பட்டிருந்த நிலையில், இன்று (டிசம்பர் 5) பள்ளிகள் திறக்கப்படுகின்றன. இதை அடுத்து பள்ளிகளில் இணைய சேவை உள்ளிட்டவை தயாராக இருக்க வேண்டும், வகுப்பறைகளை தூய்மையாக வைத்திருக்க வேண்டும் உள்ளிட்ட அறிவுறுத்தல்களை தலைமை ஆசிரியர்களுக்கு பள்ளி கல்வித்துறை வழங்கியுள்ளது.

இந்நிலையில், விடுமுறை முடிய, இன்று (ஜனவரி 5) மாநிலம் முழுவதும் பள்ளிகள் மீண்டும் திறக்கப்படுகின்றன. இதையடுத்து, வார இறுதியை முன்னிட்டு சொந்த ஊர்களுக்கு சென்ற ஆயிரக்கணக்கானோர், நேற்று முதல் சென்னைக்குத் திரும்பத் தொடங்கினர்.

இதனால் ரயிலும், பேருந்துகளிலும் பயணிகளின் பெரும் கூட்டம் காணப்பட்டது. இந்நிலையில்,நீண்ட விடுமுறைக்குப் பிறகு பள்ளிகள் திறக்கப்படும் நிலையில், புத்தாண்டில் முதன்முறையாக மாணவ, மாணவிகள் பள்ளிகளுக்குச் செல்கின்றனர்.

அரையாண்டு விடுமுறை முடிவு

இந்நிலையில், இன்று பள்ளிகள் திறக்கப்படும் நிலையில், மாணவர்கள் பாதுகாப்பாகவும் சுகாதாரமான சூழலில் வகுப்பறைகளில் அமர்வதை உறுதி செய்ய கல்வித்துறை பள்ளித் தலைமையாசிரியர்களுக்கு சில முக்கிய பணிகளை நிறைவேற்றுமாறு அறிவுறுத்தியுள்ளது.கடந்த சில நாட்களாக பெய்த மழை காரணமாக பள்ளி கட்டிடங்கள், மின் இணைப்புகள், குடிநீர் வசதி போன்றவை பாதிக்கப்பட்டிருக்க வாய்ப்புள்ளதாக அதிகாரிகள் தெரிவித்துள்ளனர். எனவே, பள்ளிகள் திறக்கும் நாளுக்குள் இவ்வனைத்தையும் பரிசோதித்து, மாணவர்களுக்கு எந்தவித ஆபத்தும் ஏற்படாதவாறு பாதுகாப்பு நடவடிக்கைகள் மேற்கொள்ளப்பட வேண்டும் என கூறப்பட்டுள்ளது.

தமிழக பள்ளிகள் திறப்பு

முதன்மையாக, பள்ளிக்குள் உள்ள மின் இணைப்புகள் மற்றும் சுவிட்ச் போர்டுகள் பாதுகாப்பாக உள்ளனவா? மின்கசிவு ஏதேனும் இருக்கிறதா? என்பதை தகுதி பெற்ற மின் பொறியாளர்களைக் கொண்டு சரிபார்க்க வேண்டும். மழையால் சுவர்கள் ஈரமான நிலையில் இருந்தால், அவற்றில் மின்சார ஆபத்து ஏற்படக்கூடும் என்பதால் இது மிக முக்கியமாக கருதப்படுகிறது.

கல்வித்துறை அறிவுரை

அதேபோல், வகுப்பறைகள், ஆய்வகங்கள், சுற்றுச்சுவர் போன்ற கட்டிடங்கள் பலவீனமடைந்துள்ளனவா? என்பதையும் அதிகாரிகள் துல்லியமாக ஆய்வு செய்ய வேண்டும். இடிந்து விழும் அபாயம் உள்ள பகுதிகளில் மாணவர்கள் செல்லாத வகையில் தடுப்பு ஏற்பாடுகள் செய்யப்பட வேண்டும். மேலும், பள்ளிகளில் உள்ள குடிநீர் தொட்டிகள் பிளீச்சிங் பவுடர் கொண்டு சுத்தம் செய்யப்பட்டு, மாணவர்களுக்கு காய்ச்சிய பாதுகாப்பான குடிநீர் வழங்கப்பட வேண்டும் என்பதும் முக்கிய வழிகாட்டுதல்களில் ஒன்றாகும்.

மாணவர்கள் பாதுகாப்பு

மழைநீர் பள்ளி வளாகத்தில் தேங்கி இருந்தால் அவற்றைக் கழிவு நீர்போக்கு வழியாக அகற்ற வேண்டும். புதர்கள், குப்பைகள் போன்றவை இருக்கும் பட்சத்தில் அவற்றை அகற்ற வேண்டும். டெங்கு கொசு افزைத் தடுக்க, டயர்கள், உடைந்த பிளாஸ்டிக் பொருட்கள், தேங்காய் ஓடுகள் போன்றவற்றில் நீர் தேங்க விடக்கூடாது என்றும் அறிவுறுத்தப்பட்டுள்ளது. அதோடு, கழிவறைகள் நன்கு சுத்தம் செய்யப்பட்டு கிருமிநாசினி தெளிக்கப்பட வேண்டும்.

பாதுகாப்பு மற்றும் சுகாதாரம்

சத்துணவு மையங்கள் மற்றும் சமையலறைகளில் நீர் கசிவு இல்லையா என்பதை சரிபார்த்து, அதன் பின்னரே உணவு தயாரிப்பு தொடங்க வேண்டும் எனவும் கூறப்பட்டுள்ளது. மாணவர்கள் நீண்ட விடுமுறைக்குப் பிறகு மீண்டும் பள்ளிக்குத் திரும்பும் இந்த நேரத்தில், பாதுகாப்பு மற்றும் சுகாதாரம் தொடர்பான இந்த நடவடிக்கைகள் கட்டாயம் பின்பற்றப்பட வேண்டும் என்று கல்வித்துறை வலியுறுத்தியுள்ளது.