உலக யோகா தினம்: சேரா யோகா நடத்தும் யோகத்தான் போட்டி - சூரிய நமஸ்காரம் செய்யலாம்

Updated: Monday, June 10, 2019, 9:29 [IST]

Subscribe to Oneindia Tamil

சென்னை: உலக யோகா தினம் இம்மாதம் 21ம் தேதி கொண்டாடப்படுகிறது.அதையொட்டி வரும்16ம் தேதி நேரு உள்விளையாட்டு அரங்கில்.யோகத்தான் தொடர் சூரிய நமஸ்காரம் என்ற நிகழ்ச்சியை சேரா யோகமந்திரம் என்ற அமைப்பினர் நடத்த உள்ளனர்.

சூரிய நமஸ்காரம் நமது முன்னோர்கள் தந்த ஒரு அற்புதமான வரப்பிரசாதம். நாம் தினசரி தொடர்ந்து சூரிய நமஸ்காரங்கள் செய்து வந்தால் நோய் நொடிகள் நீங்கி நமது மனமும் உடலும் சூரியனைப் போல பிரகாசிக்கும். இந்த ஆசனத்தில் பன்னிரண்டு ஆசனங்கள் ஒன்றிணைந்துள்ளன.

உலக யோகா தினம் இம்மாதம் 21ம் தேதி கொண்டாடப்படுகிறது. அதையொட்டி வரும்16ம் தேதி நேரு உள்விளையாட்டு அரங்கில்.யோகத்தான் தொடர் சூரிய நமஸ்காரம் என்ற நிகழ்ச்சியை சேரா யோகமந்திரம் என்ற அமைப்பினர் நடத்த உள்ளனர்.

Surya Namaskar Yogathon in Chennai Nehru Stadium on June 16

யார் பங்கேற்கலாம்

இதில் 8வயது முதல் 50 வயது மேற்பட்ட சூரிய நமஸ்காரம் செய்ய பயிற்சி உடையவர்கள் வரை பங்கேற்கலாம். இதில் 12படி நிலைகளை சுற்றாக கொண்ட சூரிய நமஸ்காரத்தை 30.50 மற்றும்108 சுற்றுக்கள் என மூன்று பிரிவுகளில் செய்யும் வகையில் நிகழ்ச்சி வடிவமைக்கப்பட்டுள்ளது இதற்கான பெயர் பதிவு வரும் 13ஆம் தேதி வரை நடைபெறும்.

சூரிய நமஸ்காரம்

சூரிய நமஸ்கார பயிற்சியினால் உடல் முழுவதும் ரத்த ஓட்டம் தங்கு தடையின்றி நடைபெறுவதால் ரத்தக் குழாய்களில் அடைப்பு ஏற்படுவது தடுக்கப்படுகிறது. இதனால் இருதய பாதிப்பு நேர்வதும் தவிர்க்கப்படுகிறது. நுரையீரல், குடல், சிறுநீரகம், தோல் முதலியவற்றிலிருந்து கழிவுப் பொருட்கள் சரியாக வெளியேற உதவுகிறது. ரத்தத்தை தூய்மைப்படுத்துகிறது. மலச்சிக்கல் அஜீரணம் மற்றும் வயிற்றில் வாயுவினால் உண்டாகும் கோளாறுகளை விரைவில் நீக்கி ஜீரண சக்தியை மிகச் செய்கிறது.