Tamil Nadu Assembly live:சபாநாயகரின் கோட்சே, சாவர்க்கர் வாரிசு விமர்சனமே வெளியேற காரணம்: ஆளுநர் ரவி

Updated: Monday, February 12, 2024, 14:10 [IST]

Subscribe to Oneindia Tamil

சென்னை: தமிழ்நாடு சட்டசபை பட்ஜெட் கூட்டத் தொடரில் தமிழ்நாடு ஆளுநர் ஆர்.என்.ரவி தமது உரையை முழுமையாக வாசிக்காமல் 2 நிமிடங்களிலேயே வாசித்துவிட்டு புறக்கணிப்பு செய்தார். மேலும் தேசிய கீதம் இசைக்கும் முன்னரே சட்டசபையில் இருந்து வெளிநடப்பு செய்தார் ஆளுநர் ரவி. சட்டசபையில் முதலில் தேசிய கீதம் இசைக்க வேண்டும் என்ற ஆளுநர் கருத்து சபை குறிப்பில் இடம் பெறாது எனவும் சட்டசபை சபாநாயகர் அப்பாவு அதிரடியாக அறிவித்தார்.

தமிழ்நாடு சட்டசபை நிகழ்வுகளின் லைவ் அப்டேட்டுகள்:

Tamil Nadu Assembly live: Tamil Nadu Governor RN Ravis speech today

Feb 12, 2024, 2:01 pm IST

ஆளுநர் உரைக்கு முன் தேசிய கீதம் இசைக்க கோரினேன்.ஆளுநர் உரையில் உண்மைக்கு மாறான தகவல்கள் இருந்தன; சபாநாயகர் சில விமர்சனங்களை முன்வைத்தால் சபையில் இருந்து வெளியேறினேன் - ஆளுநர் ரவி

Feb 12, 2024, 1:59 pm IST

சட்டசபையில் இருந்து வெளியேறியது குறித்து ஆளுநர் ரவி விளக்கம்

Feb 12, 2024, 1:25 pm IST

தேசிய கீதத்தை ஒருமுறை பாடினால் தேச பக்தி இல்லையா? 2 முறை பாடினால் தேச பக்தி அதிகமா? இப்படி ஆளுநர் சித்தரிக்க நினைப்பது சிறுபிள்ளைத்தனமானது- விசிக எம்.எல்.ஏ. சிந்தனைச் செல்வன்

Feb 12, 2024, 1:24 pm IST

கொத்தடிமைகளாக செயல்படும் எடப்பாடி பழனிசாமி உள்ளிட்டோர் ஆளுநரை விமர்சிக்கமாட்டார்கள்- அமைச்சர் ரகுபதி

Feb 12, 2024, 1:23 pm IST

மக்களின் உணர்வுகளை புறக்கணித்துவிட்டார் ஆளுநர் ஆர்.என்.ரவி- சிபிஐ மாநில செயலாளர் முத்தரசன்

Feb 12, 2024, 1:23 pm IST

வெற்றிகரமாக 2-வது முறையாக தமிழ்நாடு சட்டசபையில் இருந்து வெளியேறியுள்ளார் ஆளுநர் ஆர்.என்.ரவி- ஜவாஹிருல்லா

Feb 12, 2024, 1:19 pm IST

ஆளுநர் ஆர்.என்.ரவி நடவடிக்கைக்கு மதிமுக பொதுச்செயலாளர் வைகோ எம்பி கடும் கண்டனம்

Feb 12, 2024, 1:18 pm IST

தமிழக அரசு - ஆளுனர் மோதல் தொடரக்கூடாது: தமிழ்நாட்டின் வளர்ச்சிக்கு தடை ஏற்படுத்தக் கூடாது- அன்புமணி ராமதாஸ்

தமிழக அரசு - ஆளுனர் மோதல் தொடரக்கூடாது:
தமிழ்நாட்டின் வளர்ச்சிக்கு தடை ஏற்படுத்தக் கூடாது!

தமிழ்நாடு சட்டப்பேரவைக் கூட்டத்தொடரை தொடங்கி வைப்பதற்காக வந்த தமிழக ஆளுனர் ஆர்.என்.இரவி, அவருக்காக தயாரிக்கப்பட்ட உரையை படிக்க மறுத்திருக்கிறார். ஆளுனர் உரைக்கு முன்பாக தேசிய கீதம்…
— Dr ANBUMANI RAMADOSS (@draramadoss) February 12, 2024

Feb 12, 2024, 1:13 pm IST

8 கோடி தமிழ்நாட்டு மக்களின் ஏகோபித்த பிரதிநிதியாக திகழும் நம் சட்டப்பேரவையால் நம் திராவிட மாடல் அரசு தயாரித்த ஆளுநர் உரை ஒரு மனதாக ஏற்கப்பட்டது. வாழ்க தமிழ்நாடு!- அமைச்சர் உதயநிதி ஸ்டாலின்

இந்திய ஒன்றியத்துக்கே வழிகாட்டுகிற வகையில், பல வரலாற்றுச் சிறப்புமிக்க சட்டங்களையும் - திட்டங்களையும் தந்த நம் பெருமைமிகு தமிழ்நாடு சட்டபேரவையின், இந்தாண்டுக்கான முதல் கூட்டத்தொடர் ஆளுநர் உரையுடன் இன்று தொடங்கியது. இக்கூட்டத்தில் மாண்புமிகு முதலமைச்சர் அவர்கள் - சக அமைச்சர்… pic.twitter.com/w7ljhsYodu
— Udhay (@Udhaystalin) February 12, 2024

Feb 12, 2024, 12:24 pm IST

மொழிக்காக தீக்குளித்த தமிழர்கள் வரலாறு ஆளுநர் ரவிக்கு தெரியாது- ஆளுநர் போக்கை காட்டமாக விமர்சிக்க வேண்டிய கட்டாயம் ஏற்பட்டுள்ளது- ஆர்.எஸ்.பாரதி, திமுக

Feb 12, 2024, 12:18 pm IST

தமிழ்நாடு அரசின் உரையை வாசிக்க ஆளுர் ரவி மறுத்து சொன்ன காரணங்கள்: தேசிய கீதத்தை சபை நிகழ்வின் தொடக்கத்திலும், இறுதியிலும் பாட வேண்டும் என கோரிக்கை வைத்திருந்தேன். அரசின் உரையை வாசித்தால், அரசியலமைப்பு சட்டத்தில் குழப்பம் ஏற்படும் என்பதால் வாசிக்கவில்லை. உரையில் உண்மைக்கு புறம்பான தகவல்கள் இருந்ததால், முழுமையாக வாசிக்க விரும்பவில்லை. வாழ்க பாரதம், வாழ்க தமிழ்நாடு, ஜெய்ஹிந்த்!

Feb 12, 2024, 12:11 pm IST

தமிழ்நாடு சட்டசபையில் இருந்து ஆளுநர் ஆர்.என்.ரவி வெளிநடப்பு செய்த வீடியோ பதிவு

#WATCH | Tamil Nadu Governor RN Ravi, who refused to read the address given by the government to him at the Legislative Assembly, leaves from the Assembly https://t.co/9IvBmDvMp6 pic.twitter.com/gYv8RjNmq7
— ANI (@ANI) February 12, 2024

Feb 12, 2024, 12:07 pm IST

ஒன்றிய அரசு தொடர்ந்து தமிழ் நாட்டிற்கு செய்து வரும் துரோகத்தை மக்கள் அறியும் நிலை ஏற்பட்டு விடும் என்பதால் சட்டமன்றத்தில் கவர்னர் உரையை படிக்காமல் தவிர்த்தார் கவர்னர்- அமைச்சர் மனோ தங்கராஜ்

ஒன்றிய அரசு தொடர்ந்து தமிழ் நாட்டிற்கு செய்து வரும் துரோகத்தை மக்கள் அறியும் நிலை ஏற்பட்டு விடும் என்பதால் சட்டமன்றத்தில் கவர்னர் உரையை படிக்காமல் தவிர்த்தார் கவர்னர். ஜனநாயக மரபுகளையும், சட்டமன்ற நடைமுறையையும் மீறி தமிழ்நாட்டின் நலனுக்கு எதிரான தனது நிலைபாட்டை மீண்டும் உறுதி…
— Mano Thangaraj (@Manothangaraj) February 12, 2024

Feb 12, 2024, 12:06 pm IST

மீண்டும் மீண்டும் - தேசிய கீதத்தை அவமானப்படுத்தும் தமிழக அரசை வன்மையாக கண்டிக்கிறேன்..- மத்திய இணை அமைச்சர் எல்.முருகன்

மீண்டும் மீண்டும் - தேசிய கீதத்தை அவமானப்படுத்தும் தமிழக அரசை வன்மையாக கண்டிக்கிறேன்..!

தமிழ்நாடு சட்டபேரவையில், இந்த ஆண்டுக்கான முதல் நாள் மாண்புமிகு ஆளுநர் உரையுடன் தொடங்கும் போது, ஆளுநர் அவர்கள் தேசிய கீதத்துடன் தொடங்க வேண்டும் என்று சொல்லியுள்ளார், அதை கூட செய்யமுடியாது என்ற…
— Dr.L.Murugan (@Murugan_MoS) February 12, 2024

Feb 12, 2024, 12:04 pm IST

ஜனநாயகத்துக்கு எதிராக ஆளுநர் ரவி செயல்படுகிறார்- காங்கிரஸ் கட்சி வன்மையாக கண்டிக்கிறது- காங். செல்வப் பெருந்தகை

Feb 12, 2024, 11:54 am IST

ஆளுநர் செயல் இந்திய ஜனநாயகத்தை கொச்சைப்படுத்துகிறது; ஆளுநர் ரவி சட்டசபையில் 2 நிமிடம் இருந்திருக்கலாம். ஆளுநரின் நடவடிக்கையால் வட இந்தியாவில் இந்தியா கூட்டணி வலுவடையும்- அரசின் சாதனைகளை வாசிக்க மனமில்லை- அமைச்சர் ரகுபதி

Feb 12, 2024, 11:44 am IST

பல மாநிலங்களில் ஆளுநரை சட்டசபைக்கே அழைப்பதும் இல்லை- உண்மைக்கு புறம்பான எந்த கருத்தும் ஆளுநர் உரையில் இல்லை- தமிழ்த் தாய் வாழ்த்துடன் சபையை தொடங்குவதுதான் மரபு- சபாநாயகர் அப்பாவு

Feb 12, 2024, 11:41 am IST

ஆளுநரை வரவேற்கும் போது தேசிய கீதம் இசைக்கப்பட்டது- சபாநாயகர் அப்பாவு

Feb 12, 2024, 11:39 am IST

சபாநாயகர் அப்பாவு வாசித்த ஆளுநர் உரை முக்கிய அம்சங்கள்: பணவீக்கத்தை கட்டுப்படுத்துவதில் தமிழ்நாடு திறம்பட செயல்படுகிறது நமது மாநிலம் பல பேரழிவுகளை சந்தித்த போதிலும், பொருளாதார வளர்ச்சி மற்றும் சமூக முன்னேற்றம் ஆகிய இரண்டிலும் குறிப்பிடத்தக்க சாதனையை அடைந்துள்ளது தமிழ்நாட்டுக்கு வெள்ள நிவாரண நிதியை ஒன்றிய அரசு தராதது வருத்தம் அளிக்கிறது நிதி நெருக்கடிக்கு இடையே சென்னை மெட்ரோ ரயில் 2ம் கட்ட திட்ட பணிகளுக்கு தனது பங்களிப்பை வழங்குவதாக உறுதியளித்த மத்திய அரசு தனது வாக்குறுதியை நிறைவேற்றவில்லை சிறுபான்மையினர், இலங்கை தமிழர்களுக்கு அச்சுறுத்தலாக உள்ள குடியுரிமை திருத்த சட்டத்தை ஒருபோதும் அனுமதிக்கமாட்டோம். ஜாதிவாரி கணக்கெடுப்பை நடத்த பிரதமர் மோடியிடம் முதலமைச்சர் மு.க.ஸ்டாலின் வலியுறுத்தியுள்ளார். முதலமைச்சரின் கோரிக்கையை ஏற்று ஜாதிவாரி கணக்கெடுப்பை மத்திய அரசு நடத்தும் என நம்புகிறோம். சிறுபான்மையினர், இலங்கை தமிழர்களுக்கு அச்சுறுத்தலாக உள்ள சிஏஏ சட்டத்தை ஒருபோதும் அனுமதிக்கமாட்டோம் உலக முதலீட்டாளர்கள் மாநாட்டின்போது 14.54 லட்சம் பேருக்கு நேரடி வேலைவாய்ப்புகளை உருவாக்கும் வகையில் ₹6.64 லட்சம் கோடி முதலீடுகள் செய்தவதற்கு நிறுவங்களுடன் 631 புரிந்துணர்வு ஒப்பந்தங்கள் மேற்கொள்ளப்பட்டுள்ளது புதுமைப்பெண் திட்டத்தின் மூலம் அரசு பள்ளிகளில் பயின்று கல்லூரிகளில் சேரும் மாணவிகளின் எண்ணிக்கை 34% அதிகரித்துள்ளது கட்டணமில்லா பேருந்து திட்டத்தின் விளைவாகக் பேருந்துகளில் பெண்கள் பயணிப்பது 40% இருந்து 65% ஆக உயர்ந்து பெண்கள் எளிதாக பயனம் செய்யவும் முன்னேறவும் வழி பிறந்துள்ளது

Feb 12, 2024, 11:35 am IST

ஆளுநர் ரவி சட்டசபைக்கு வந்து உரையை படித்தது இதுவே கடைசியாக இருக்கும் - ஈ.வி.கே.எஸ்.இளங்கோவன், காங்கிரஸ்

Feb 12, 2024, 11:35 am IST

ஆளுநரை அன்போடு கேட்டுக்கொள்கிறேன். இவ்வளவு பெரிய வெள்ளம், புயல் ஏற்பட்டிருக்கிறது ஒரு பைசா கூட தரவில்லை, பல லட்சம் கோடி ரூபாய் PM CARE FUND-ல் உள்ளது. இந்திய மக்களால் கணக்கிடப்படாத, கணக்கு கேட்க முடியாத பணத்தில் இருந்தாவது ரூ50,000 கோடி ரூபாயை ஆளுநர் வாங்கி தந்தால் நன்றாக இருக்கும். சாவர்க்கர் வழியில் வந்தவர்களுக்கும், கோட்சே வழியில் வந்தவர்களுக்கும் சற்றும் குறைந்தவர்கள் அல்ல நாங்கள்- சபாநாயகர் அப்பாவு

Feb 12, 2024, 11:33 am IST

தமிழ்நாடு ஆளுநர் உரை மீது பிப்ரவரி 14,15-ல் சட்டசபையில் நடைபெறும்- அலுவல் ஆய்வு குழு

Feb 12, 2024, 11:33 am IST

தமிழ்நாடு சட்டசபை கூட்டத் தொடர் பிப்.22 வரை நடைபெறும்: அலுவல் ஆய்வுக் குழு கூட்டத்தில் முடிவு

Feb 12, 2024, 11:31 am IST

அழைத்த விருந்தினர் ஆளுநர் ரவியை தொடர்ந்து தமிழ்நாடு அரசு அவமானப்படுத்திவிட்டது- பாஜக பொன்.ராதாகிருஷ்ணன்

Feb 12, 2024, 11:26 am IST

சபாநாயகர் அரசியலுக்கு அப்பாற்பட்டு செயல்பட வேண்டும்- எடப்பாடி பழனிசாமி

Feb 12, 2024, 11:24 am IST

சபாநாயகர் அப்பாவு இனியாவது மரபை கடைபிடிப்பார்- எடப்பாடி பழனிசாமி

Feb 12, 2024, 11:23 am IST

ஆளுநர் புறக்கணிப்பு, வெளிநடப்பு குறித்து கருத்து தெரிவிக்க எடப்பாடி பழனிசாமி மறுப்பு

Feb 12, 2024, 11:22 am IST

ஆளுநர் உரை உப்பு சப்பில்லாதது; புதிய திட்டங்கள் இல்லை- எடப்பாடி பழனிசாமி

Feb 12, 2024, 11:12 am IST

கோட்சே, சாவர்க்கர் பற்றி சபாநாயகர் அப்பாவு மரபை மீறி பேசியதால்தான் ஆளுநர் ரவி வெளிநடப்பு செய்தார்- நயினார் நாகேந்திரன், பாஜக

Feb 12, 2024, 11:09 am IST

சபாநாயகர் விமர்சிக்காமல் இருந்தால் ஆளுநர் வெளிநடப்பு செய்திருக்கமாட்டார்- நயினார் நாகேந்திரன்

9:01 AM, 12 Feb

தமிழ்நாடு சட்டசபை கூட்டத்தொடர் ஆளுநர் உரையுடன் சற்று நேரத்தில் தொடங்குகிறது

சட்டசபை நிகழ்வில் பங்கேற்க ஆளுநர் ஆர்.என்.ரவியை சந்தித்து சபாநாயகர் அப்பாவு முறைப்படி அழைப்பு

ஆளுநரின் உரையில் முக்கிய அறிவிப்புகள் இருக்க வாய்ப்பு உள்ளதாக தகவல் வெளியாகியுள்ளது

மகளிர் உரிமைத் தொகை உள்ளிட்ட தமிழக அரசின் சாதனைத் திட்டங்கள் ஆளுநர் உரையில் இடம் பெறும்

9:37 AM, 12 Feb

சட்டசபையில் ஆளுநர் ஆர்.என்.ரவி தமிழ்நாடு அரசு தயாரித்த உரையை அப்படியே வாசிப்பாரா? தவிர்ப்பாரா? என்பது எதிர்பார்ப்பு

9:47 AM, 12 Feb

ஆளுநர் ரவிக்கு எதிர்ப்பு தெரிவிக்கும் வகையில் விசிக எம்.எல்.ஏ. பாலாஜி சட்டசபைக்கு கறுப்பு உடையுடன் வருகை தந்தார். சனாதன ஆதரவு பேச்சு உள்ளிட்ட சர்ச்சைகளில் ஆளுநர் ரவி சிக்கியதால் அவருக்கு விசிக எதிர்ப்பு தெரிவிக்கிறது.

9:48 AM, 12 Feb

சட்டசபை கூட்டத் தொடரில் பங்கேற்க தமிழ்நாடு சட்டசபை எதிர்க்கட்சித் தலைவரும் அதிமுக பொதுச்செயலாளருமான எடப்பாடி பழனிசாமி வருகை தந்தார்.

9:51 AM, 12 Feb

சட்டசபை கூட்டத் தொடரில் பங்கேற்க தமிழ்நாடு முதல்வர் மு.க.ஸ்டாலின் வருகை தந்தார். முதல்வர் மு.க.ஸ்டாலினுக்கு அணிவகுப்பு மரியாதை அளிக்கப்பட்டது

9:58 AM, 12 Feb

தமிழ்நாடு சட்டசபையில் உரையாற்ற ஆளுநர் ஆர்.என்.ரவி வருகை தந்தார்

9:59 AM, 12 Feb

ஆளுநர் ஆர்.என்.ரவிக்கு எதிர்ப்பு தெரிவிக்கும் வகையில் காங்கிரஸ் எம்.எல்.ஏக்கள் கறுப்பு பேட்ஜ் அணிந்து சட்டசபைக்கு வருகை தந்தனர்

10:00 AM, 12 Feb

தமிழ்நாடு சட்டசபை பட்ஜெட் கூட்டத் தொடர் தொடங்கியது

10:09 AM, 12 Feb

தமிழ்நாடு சட்டசபையில் ஆளுநர் தமது உரையை முழுமையாக படிக்காமல் புறக்கணித்தார். ஆளுநர் சட்டசபையில் 2 நிமிடங்கள் மட்டுமே தமது உரையை வாசித்தார். முன்னதாக தேசிய கீதத்தை முதலில் இசைக்க வேண்டும் என்றார் ஆளுநர் ரவி

10:10 AM, 12 Feb

கேரளா ஆளுநர் ஆரிப் முகமது கான் பாணியில் தமிழ்நாடு ஆளுநர் ஆர்.என்.ரவி சட்டசபையில் ஆளுநர் உரையை முழுமையாக படிக்காமல் புறக்கணிப்பு செய்தார்

10:11 AM, 12 Feb

தமிழ்நாடு ஆளுநர் உரையை சபாநாயகர் அப்பாவு முழுமையாக வாசித்து வருகிறார்

10:15 AM, 12 Feb

தமிழ்நாடு குறிப்பிடத்தக்க பொருளாதார வளர்ச்சியை அடைந்துள்ளது- சபாநாயகர் வாசித்த ஆளுநர் உரை

10:16 AM, 12 Feb

சபாநாயகர் அப்பாவு ஆளுநர் உரையை முழுமையாக வாசிக்க ஆளுநர் ஆர்.என்.ரவி சட்டசபையில் தொடர்ந்தும் அமர்ந்துள்ளார்.

10:17 AM, 12 Feb

தமிழ்நாடு அரசின் உரையை ஆளுநர் முழுமையாக படிக்காமல் 2 நிமிடங்கள் பேசிவிட்டு புறக்கணித்திருப்பது முதல் முறையாகும்

10:17 AM, 12 Feb

தமிழ்நாடு அரசின் சாதனைகளை பட்டியலிட்டு, முதல்வர் மு.க.ஸ்டாலின் செயல்பாடுகளுக்கு பாராட்டு தெரிவித்தும் ஆளுநர் உரையை வாசித்து வருகிறார் சபாநாயகர் அப்பாவு

10:19 AM, 12 Feb

தேசிய கீதத்தை தொடக்கத்தில் இசைக்கவில்லை என்பதுதான் ஆளுநர் ஆர்.என்.ரவி தமது உரையை புறக்கணிப்பதாக தெரிவித்ததற்கு காரணம்

10:19 AM, 12 Feb

தமிழ்நாடு அரசு தயாரித்த உரையில் பல அம்சங்கள் ஏற்க கூடியது இல்லை என்பதால் முழுமையாக வாசிக்கவில்லை என ஆளுநர் ரவி தெரிவித்தார்

10:20 AM, 12 Feb

தமிழ்நாட்டுக்கான நிதி ஒதுக்காமல் மத்திய அரசு புறக்கணிப்பு- ஆளுநர் உரை

10:22 AM, 12 Feb

தமிழ்நாட்டுக்கான வெள்ள நிவாரண நிதியை மத்திய அரசு தரவில்லை என ஆளுநர் உரையில் குற்றச்சாட்டு

10:24 AM, 12 Feb

பணவீக்கத்தை கட்டுப்படுத்துவதில் தமிழ்நாடு அரசு சிறப்பாக செயல்படுகிறது- சபாநாயகர் அப்பாவு வாசித்த ஆளுநர் உரை

10:26 AM, 12 Feb

தமிழ்நாட்டில் சர்வதேச விளையாட்டுப் போட்டிகள் நடத்தப்பட்டு சாதனை நிகழ்த்தப்பட்டுள்ளதாக சபாநாயகர் அப்பாவு வாசித்த ஆளுநர் உரையில் தெரிவிக்கப்பட்டுள்ளது

10:27 AM, 12 Feb

தந்தை பெரியார் குறித்தும் தமிழ்நாடு ஆளுநர் உரையில் இடம் பெற்றுள்ளது/ கடந்த ஆண்டு தந்தை பெரியார் பெயரை ஆளுநர் தமது உரையில் உச்சரிக்க மறுத்தார். இந்த ஆண்டு ஆளுநர் உரையை முழுமையாக வாசிக்காமல் புறக்கணிப்பு செய்தார்

10:29 AM, 12 Feb

ஒரு டிரில்லியன் டாலர் பொருளாதார வளர்ச்சி இலக்கை நோக்கி தமிழ்நாடு அரசு செயல்பட்டு வருகிறது- சபாநாயகர் அப்பாவு வாசித்த ஆளுநர் உரை

10:31 AM, 12 Feb

ஜாதிவாரி கணக்கெடுப்பு நடத்தப்பபட வேண்டும்- சபாநாயகர் வாசித்த ஆளுநர் உரை

10:31 AM, 12 Feb

மத்திய அரசின் குடியுரிமை திருத்த சட்டம் சிஏஏவை ஒருபோதும் தமிழ்நாட்டில் அமல்படுத்த மாட்டோம்: சட்டசபையில் சபாநாயகர் வாசித்த ஆளுநர் உரையில் திட்டவட்டம்

10:33 AM, 12 Feb

ஆளுநர் உரையை முழுமையாக வாசிக்காமல் அமர்ந்திருக்க எதிர்ப்பு தெரிவித்து சட்டசபையில் எம்.எல்.ஏக்கள் முழக்கம்

10:34 AM, 12 Feb

ஆதி திராவிடர் பழங்குடியினர் மேம்பாட்டு சட்டம் நடப்பு கூட்டத் தொடரில் கொண்டு வரப்படும்- சபாநாயகர் அப்பாவு வாசித்த ஆளுநர் உரை

10:35 AM, 12 Feb

சிறுபான்மையினர், ஈழத் தமிழருக்கு தமிழ்நாடு அரசு உறுதுணையாக இருக்கும்- சபாநாயகர் வாசித்த ஆளுநர் உரை

10:35 AM, 12 Feb

வேற்றுமையில் ஒற்றுமை கொள்கைக்கு அச்சுறுத்தல் ஏற்பட்டுள்ளது- சபாநாயகர் அப்பாவு வாசித்த ஆளுநர் உரை

10:39 AM, 12 Feb

மேகதாது அணையை கர்நாடகா கட்டுவதை தடுக்க முயற்சிகள் எடுப்போம்- சபாநாயகர் வாசித்த ஆளுநர் உரை

Tamil Nadu Assembly live:சபாநாயகரின் கோட்சே, சாவர்க்கர் வாரிசு விமர்சனமே வெளியேற காரணம்: ஆளுநர் ரவி

rn ravi தங்கம் தென்னரசு

rn ravi தங்கம் தென்னரசு

Latest Updates