பழனியில் 1000 ஆண்டு கெடாத இந்த 1 பொருளை வாங்கி வந்தால் தான் உங்கள் கடன் தீரும்.. பஞ்சாமிர்த சீக்ரெட்

Updated: Saturday, April 11, 2026, 16:53 [IST]

Subscribe to Oneindia Tamil

சென்னை: பழனி மலை என்றாலே நம் நினைவுக்கு வருவது தண்டாயுதபாணி சுவாமியும், அங்கு வழங்கப்படும் சுவைமிக்க பஞ்சாமிர்தமும் தான்.. உலகிலேயே ஒரு குறிப்பிட்ட உணவுப் பொருளுக்கு புவிசார் குறியீடு வழங்கப்பட்டது என்றால், அது பழனி பஞ்சாமிர்தத்திற்கு தான்.

என்றுமே கெட்டுப்போகாத பழனி பஞ்சாமிர்தம் வெறும் 5 பொருட்களை மட்டும் உள்ளடக்கியது கிடையாது.. இதில் மலை வாழைப்பழம், நாட்டுச் சர்க்கரை, தேன், நெய், ஏலக்காய் ஆகியவற்றுடன் சுவைக்காகக் கற்கண்டும், பேரீச்சம்பழமும் சேர்க்கப்படுகின்றன.

இதில் கவனிக்க வேண்டிய விஷயம் என்னவென்றால், நீர் ஒரு சொட்டு கூட சேர்க்கப்படுவதில்லை.. இதுவே இது கெட்டுப் போகாமல் இருப்பதற்கான முதல் காரணம்.. இதில் சேர்க்கப்படும் வாழைப்பழம் கூட 'விருப்பாட்சி' என்ற ஒரு குறிப்பிட்ட வகை மலை வாழைப்பழம் தான்.. இது குறைந்த நீர்ச்சத்தும் அதிக இனிப்பும் கொண்டது..

1000 ஆண்டு கெடாத பழனி பஞ்சாமிர்தம்

அடுத்த சீக்ரெட், இது யாருக்காகப் படைக்கப்படுகிறது என்பதிலும் இருக்கிறது.. பழனி மலையில் உள்ள மூலவர் சிலை 'நவபாஷாணம்' என்ற ஒன்பது வகையான அபூர்வ பொருட்களைச் சேர்த்து போகர் சித்தரால் உருவாக்கப்பட்டது.. நவபாஷாணம் என்பது சித்த மருத்துவத்தின் உச்சகட்ட கண்டுபிடிப்பு.. இந்த நவபாஷாண சிலையில் பட்டு வெளிவரும் ஒவ்வொரு துளிப் பொருளும் ஒரு மகா மருந்தாக மாறுகிறது..

முக்கியமான விஷயம் என்னவென்றால், பஞ்சாமிர்தத்தில் சேர்க்கப்படும் அந்த 'ரகசியப் பொருள்' நிலக்கரி போன்ற ஒரு கரியாகும்.. பழைய காலத்தில் அபிஷேகம் செய்யும் போது, நவபாஷாண சிலையின் தேய்மானத்தை ஈடுகட்டவும், அதன் மருத்துவ குணத்தை அதிகரிக்கவும் ஒரு குறிப்பிட்ட மூலிகைக் கரியைப் பயன்படுத்தியதாக சொல்லப்படுகிறது.

அதுமட்டுமின்றி, இதில் சேர்க்கப்படும் 'நாட்டுச் சர்க்கரை' மற்றும் 'தேன்' இயற்கையான பாதுகாப்புப் பொருட்களாகச் (Natural Preservatives) செயல்படுகின்றன.. இவை பாக்டீரியாக்கள் வளருவதை முற்றிலும் தடுக்கின்றன..

கடன் தீர்க்கும் அதிசயம்

பொதுவாக பழனிக்கு செல்பவர்கள் முருகனைத் தரிசித்துவிட்டு பிரசாதமாக பஞ்சாமிர்தத்தை வாங்கி வருவார்கள்.. ஆனால், அந்த பஞ்சாமிர்தம் வெறும் சுவைக்கான உணவு மட்டுமல்ல, அது உங்கள் வீட்டில் இருக்கும் தீராத பணக்கஷ்டத்தைத் தீர்க்கும் ஒரு மகா மருந்து என்பது பலருக்கும் தெரிவதில்லை..

சித்தர்கள் அருளிய அந்த ரகசியத்தின்படி, நவபாஷாண சிலையின் அபிஷேக தீர்த்தம் கலந்த இந்த பஞ்சாமிர்தத்தை உங்கள் வீட்டின் பூஜை அறையில் வைத்து, ஒரு குறிப்பிட்ட முறையில் வழிபட்டால் மட்டுமே உங்கள் கடன் சுமைகள் குறையத் தொடங்கும்.. வெறும் பிரசாதமாக நினைத்துச் சாப்பிட்டுவிட்டால் மட்டும் போதாது, செல்வத்தை ஈர்க்கும் அந்த ஒரு பொருளை பஞ்சாமிர்தத்துடன் சேர்த்து எப்படிப் பயன்படுத்த வேண்டும் என்பதைத் தெரிந்துகொள்வது அவசியம்.

குபேர திசையில் வடக்கு நோக்கி..

வீட்டிற்கு வந்ததும் இதை உங்கள் வீட்டு பூஜை அறையில் குபேர திசையான வடக்கு நோக்கி வைத்து வழிபட வேண்டும்.. இப்படிச் செய்வதன் மூலம் உங்கள் வீட்டில் தங்கியிருக்கும் எதிர்மறை ஆற்றல்கள் நீங்கி, மகாலட்சுமி கடாட்சம் பெருகத் தொடங்கும்"

தீராத கடன் சுமைகள் மற்றும் பணத் தடைகள் நீங்க வேண்டும் என்றால், இந்தப் பஞ்சாமிர்தத்துடன் ஒரு சிறிய துண்டு 'பச்சை கற்பூரத்தை' ஒரு காகிதத்தில் மடித்து அதன் அருகிலேயே வையுங்கள்.. செவ்வாய்க்கிழமை அல்லது வெள்ளிக்கிழமைகளில் 'ஓம் சரவணபவ' என்று 108 முறை மனதார வேண்டிக்கொண்டு, இந்தப் பிரசாதத்தை குடும்பத்தில் உள்ள அனைவரும் உட்கொள்ள வேண்டும்.

நவபாஷாணத்தின் அபூர்வ சக்தியும் பச்சை கற்பூரத்தின் பண ஈர்ப்புத் தன்மையும் இணையும்போது, உங்கள் வீட்டில் பண வரவுக்கான புதிய வழிகள் பிறக்கும் என்பது ஆன்மீக நம்பிக்கை..

போகர் சித்தர் சிலை

போகர் சித்தர் இந்த சிலையை வடிவமைத்த போது, மக்களின் தீராத நோய்களைத் தீர்க்கும் ஒரு மருந்தாகவே இதைப் பார்த்தார்.. அதனால்தான், மற்ற கோயில்களில் பால் அல்லது பன்னீர் அபிஷேகம் முக்கியத்துவம் பெறுவது போல, பழனியில் பஞ்சாமிர்த அபிஷேகம் முதன்மையாக இருக்கிறது.. அந்த நவபாஷாண சிலையின் மீது பட்டு வழிந்தோடும் பஞ்சாமிர்தம், ஒரு அபூர்வ ரசாயன மாற்றத்தைப் பெறுகிறது.. இது தீராத வயிற்று நோய்களையும், ரத்த ஓட்டப் பிரச்சினைகளையும் சரிசெய்யும் வல்லமை கொண்டது எனச் சித்த மருத்துவத்தில் நம்பப்படுகிறது..

அறிவியல் ரீதியாகப் பார்த்தால், இதில் உள்ள சர்க்கரைச் சத்து பாக்டீரியாக்களின் வளர்ச்சியைத் தடுக்கிறது.. ஆனால் ஆன்மீக ரீதியாகப் பார்த்தால், இது போகர் சித்தர் நமக்காக விட்டுச் சென்ற ஒரு பொக்கிஷம்.. அதனால்தான் 1000 ஆண்டுகள் கடந்தாலும் பழனி பஞ்சாமிர்தம் இன்றும் உலகின் மிகச்சிறந்த அதிசய உணவாகப் பார்க்கப்படுகிறது..