ஏசி பயன்படுத்துறீங்களா? இன்னும் சில நாளில் மின் கட்டணத்தில் ஷாக்கிங் மாற்றம்! ஏப்ரல் 1 புது விதி

சென்னை: தமிழகத்தில் கோடை வெயில் இப்போதே சுளீரெனத் தொடங்கிவிட்ட நிலையில், வீடுகளில் ஏசி (AC) மற்றும் ஏர் கூலர்களின் பயன்பாடு அதிகரிக்கத் தொடங்கியுள்ளது.. இந்தச் சூழலில், வரும் ஏப்ரல் 1-ம் தேதி முதல் மின்சாரக் கட்டண கணக்கீட்டில் சில புதிய நடைமுறைகளைக் கொண்டு வர மின்சார வாரியம் திட்டமிட்டுள்ளதாகத் தகவல்கள் வெளியாகியுள்ளன.. இதை பற்றி இங்கே சுருக்கமாக பார்ப்போம்.

மின் கட்டணம் புதிய நடைமுறை என்பது நடுத்தர வர்க்கத்தினர் மற்றும் அதிக மின்சாரம் பயன்படுத்துவோருக்கு ஒரு மிகப்பெரிய 'ஷாக்' செய்தியாக அமையப்போகிறது.. கோடை காலத்தில் மின் தேவையைச் சமாளிக்க அரசு எடுக்கும் இந்த அதிரடி நடவடிக்கைகள், உங்கள் மாதாந்திர பட்ஜெட்டைப் புரட்டிப் போட வாய்ப்புள்ளது..

முக்கியமாக, கோடை காலத்திற்கான பீக் ஹவர் மின் பயன்பாட்டுக் கட்டணங்கள் குறித்து மின்சார வாரியம் தீவிரமாகப் பரிசீலித்து வருகிறது.. அதாவது, மக்கள் அதிக அளவில் ஏசி பயன்படுத்தும் மதியம் மற்றும் இரவு நேரங்களில் மின்சாரப் பயன்பாட்டிற்குத் தனியாகக் கூடுதல் கட்டணம் வசூலிக்கும் முறை சில மாவட்டங்களில் சோதனை முறையில் அமல்படுத்தப்படலாம்.

இதுவரை சீரான கட்டணம் செலுத்தி வந்தவர்களுக்கு, இந்த புதிய கணக்கீடு முறை கரண்ட் பில்லை இருமடங்காக உயர்த்தக்கூடும்.. எனவே, பகல் நேரங்களில் தேவையற்ற மின் சாதனங்களை அணைத்து வைப்பது உங்கள் பணத்தைச் சேமிக்க உதவும்..

அதேபோல், வீடுகளில் உள்ள மின் மீட்டர்களை ஸ்மார்ட் மீட்டர்களாக மாற்றும் பணி ஏப்ரல் மாதம் முதல் வேகமெடுக்க உள்ளது.. இதன் மூலம் மின் ஊழியர்கள் நேரில் வந்து கணக்கெடுக்க வேண்டிய அவசியம் இருக்காது.. உங்கள் மின் பயன்பாடு உடனுக்குடன் ஆன்லைன் மூலம் கண்காணிக்கப்படும் என்பதால், மின்கசிவு அல்லது கூடுதல் பயன்பாடு இருந்தால் உங்கள் செல்போனுக்கே எச்சரிக்கை மெசேஜ் வரும்..

ஆனால், இந்த புதிய மீட்டர்களை பொருத்துவதற்கான ஒரு சிறு கட்டணத்தை வாடிக்கையாளர்களிடமிருந்தே வசூலிக்கவும் ஆலோசனைகள் நடந்து வருகின்றன.. இது குறித்த அதிகாரப்பூர்வ அறிவிப்பு விரைவில் வெளியாகலாம் என எதிர்பார்க்கப்படுகிறது..

அதுமட்டுமல்ல, 100 யூனிட் இலவச மின்சாரம் பெறுபவர்கள் தங்கள் ஆதார் நம்பர், மின் இணைப்புடன் சரியாக இணைத்துள்ளார்களா என்பதை மார்ச் 31-க்குள் உறுதி செய்ய வேண்டும்.

ஒருவேளை ஆதார் இணைப்பு விடுபட்டிருந்தால், ஏப்ரல் மாதம் முதல் உங்களுக்கு வழங்கப்பட்டு வரும் மானியம் ரத்து செய்யப்பட வாய்ப்புள்ளது.. கோடை வெயிலிலிருந்து தப்பிக்க ஏசி பயன்படுத்துவது அவசியம்தான் என்றாலும், மின்சார வாரியத்தின் இந்த புதிய விதிமுறைகளை அறிந்து செயல்படுவது புத்திசாலித்தனம்.. 24 டிகிரி செல்சியஸில் ஏசியை இயக்குவது மற்றும் மின் சாதனங்களை முறையாகப் பராமரிப்பது உங்கள் மின் கட்டணத்தைக் குறைக்க உதவும்..

மின்சார வாரியத்தின் இந்த அதிரடி மாற்றங்கள், மின் திருட்டைத் தடுக்கவும் தடையற்ற மின் விநியோகத்தை உறுதி செய்யவும் எடுக்கப்படும் நடவடிக்கைகளாகவே பார்க்கப்படுகின்றன.

இருந்தாலும், சாமானிய மக்கள் மீது கூடுதல் சுமை விழாமல் இருக்க அரசு சில சலுகைகளையும் அறிவிக்க வாய்ப்புள்ளது.. ஏப்ரல் 1-ம் தேதி முதல் உங்கள் மின் கட்டணம் எவ்வளவு வரும் என்பதை இப்போதே ஒரு தோராயமான கணக்கீடு செய்து கொள்வது நல்லது.. இந்தத் தகவலை மின்சாரப் பயன்பாடு அதிகம் உள்ள உங்கள் நண்பர்களுக்கும் உடனே பகிருங்கள், அவர்கள் விழிப்புணர்வுடன் இருக்க இது உதவியாக இருக்கும்..!!

English summary

தமிழகத்தில் ஏப்ரல் 1 முதல் மின் கட்டண கணக்கீட்டில் புதிய நடைமுறைகளை தமிழ்நாடு மின்சார வாரியம் கொண்டு வருகின்றது. இதன்படி ஸ்மார்ட் மீட்டர்கள் பொருத்துதல் மற்றும் கோடைக்கால கூடுதல் மின் பயன்பாட்டிற்கு ஏற்ப கட்டணம் வசூலித்தல் போன்ற மாற்றங்கள் இருக்கும் என எதிர்பார்க்கப்படுகிறது. 100 யூனிட் இலவச மின்சாரத்தைப் பெற மார்ச் 31-க்குள் ஆதார் எண்ணை மின் இணைப்புடன் இணைப்பது மிகவும் அவசியமாகும்.