கம்பீர தோற்றம், குழந்தை சிரிப்புடன் செல்பியில் விஜயகாந்த் மாஸ்.. தெறிக்கும் பிறந்தநாள் கொண்டாட்டம்

Updated: Wednesday, August 26, 2020, 2:20 [IST]

Subscribe to Oneindia Tamil

சென்னை: தேமுதிக பொதுச் செயலாளர் விஜயகாந்தின் 69-ஆவது பிறந்தநாளையொட்டி இன்று தனது குடும்பத்தினருடன் செல்பி எடுத்து அவர் பிறந்தநாளை கொண்டாடியுள்ளார். மனைவி, இரு மகன்களுடன் சிங்கம் போல் அதே குழந்தை சிரிப்பில் போஸ் கொடுத்துள்ளார்.

சிகிச்சை

அண்மைகாலமாக அவரது உடல்நிலை அவருக்கு ஒத்துழைக்காததால் அவரால் பொது நிகழ்ச்சிகளில் அதிகமாக கலந்து கொள்ள முடியவில்லை. இந்த நிலையில் அவருடைய உடல்நிலை நாளுக்கு நாள் தேறி வருவதாக அவருக்கு சிகிச்சை அளித்த மருத்துவர் ஒருவர் கடந்த சில நாட்களுக்கு முன்னர் பேட்டி அளித்தார்.

பிரச்சினை

மேலும் விஜயகாந்தின் குரலில் இருக்கும் பிரச்சினையும் சரி செய்யப்பட்டு வருவதாகவும் விரைவில் அவர் சிங்கம் போல் கர்ஜிப்பார் என்றும் அந்த மருத்துவர் தெரிவித்திருந்தார். இதனால் தொண்டர்களும் ரசிகர்களும் உற்சாகமடைந்தனர். இந்த நிலையில் ஜெயலலிதா, கருணாநிதி இல்லாமல் வரும் 2021 ஆம் ஆண்டு தமிழகத்தில் சட்டப்பேரவை தேர்தல் நடைபெறுகிறது.

அதிமுக, திமுக

விஜயகாந்த் பூரண நலம் பெற்று வருவது அதிமுக, திமுக உள்ளிட்ட கட்சிகளுக்கு மாற்றாக தேமுதிகவை உயர்த்தும் என தொண்டர்கள் நம்புகிறார்கள். இந்த நிலையில் இன்று விஜயகாந்த் தனது பிறந்தநாளையொட்டி அவரது மனைவி பிரேமலதா மற்றும் இரு மகன்களுடன் செல்பி எடுத்து கொண்டாடியுள்ளார்.

புத்துணர்ச்சி

இந்த புகைப்படத்தில் விஜயகாந்த் மிகவும் புத்துணர்ச்சியுடன், கம்பீரமாக காட்சியளிக்கிறார். ஆனால் அதே குழந்தை சிரிப்புடன்!.. அவருக்கு முதல்வர் எடப்பாடி பழனிச்சாமி உள்ளிட்டோர் பிறந்தநாள் வாழ்த்துகளை தெரிவித்துள்ளார்கள். அவர்களுக்கு விஜயகாந்தும் நன்றி தெரிவித்துள்ளார்.