கலங்கிப்போன சுந்தர் பிச்சை.. ரத்தன் டாடாவின் மரண செய்தியை கேட்டதும்.. துடித்து போயிட்டாரே!

Updated: Thursday, October 10, 2024, 7:30 [IST]

Subscribe to Oneindia Tamil

சென்னை: டாடா நிறுவனத்தின் முன்னாள் தலைவர் ரத்தன் டாடாவின் மரணத்திற்கு கூகுள் சிஇஓ சுந்தர் பிச்சை இரங்கல் தெரிவித்துள்ளார்.

மிகுந்த கலக்கத்தோடு சுந்தர் பிச்சை வெளியிட்டுள்ள இரங்கலில், கூகுளில் ரத்தன் டாடாவுடனான எனது கடைசிச் சந்திப்பில், வேமோவின் முன்னேற்றம் குறித்துப் பேசினோம், அவருடைய தொலைநோக்கு பார்வை அவரின் பேச்சை என்னை கேட்கத் தூண்டியது. அவர் ஒரு அசாதாரண வணிகம் கொள்கை கொண்டவர். தீவிர தொண்டு கொள்கை கொண்டவர். சிறப்பான குணத்தை, கொள்கையை அவர் விட்டுச் செல்கிறார்.

இந்தியாவில் நவீன வணிகத் தலைமையை வழிநடத்துவதற்கும் மேம்படுத்துவதற்கும் கருவியாக இருந்தார். இந்தியாவை மேம்படுத்துவதில் மிகுந்த அக்கறை கொண்டிருந்தார். அவரது அன்புக்குரியவர்களுக்கு ஆழ்ந்த இரங்கல்கள்.. ஸ்ரீ ரத்தன் டாடா ஜி மறைவிற்கு இரங்கல்கள் என்று கூகுள் சிஇஓ சுந்தர் பிச்சை தெரிவித்துள்ளார்.

மரணம்: ரத்தன் நேவல் டாடா இந்தியாவின் டாப் தொழிலதிபர்களின் ஒருவர். டாடா சன்ஸ் நிறுவனத்தின் முன்னாள் தலைவர் ஆவார். அவர் 1990 முதல் 2012 வரை டாடா குழுமத்தின் தலைவராகவும், அக்டோபர் 2016 முதல் பிப்ரவரி 2017 வரை இடைக்காலத் தலைவராகவும் இருந்தார். அதன் அறக்கட்டளைகளுக்குத் தொடர்ந்து தலைமை தாங்கி வருகிறார். 2008 ஆம் ஆண்டில், 2000 ஆம் ஆண்டில் மூன்றாவது மிக உயர்ந்த குடிமகன் விருதான பத்ம பூஷன் பெற்ற பிறகு, இந்தியாவின் இரண்டாவது உயரிய குடிமகன் விருதான பத்ம விபூஷண் பெற்றார்.

டாடா குழுமத்தின் நிறுவனர் ஜாம்செட்ஜி டாடாவின் மகன் ரத்தன்ஜி டாடாவால் தத்தெடுக்கப்பட்ட நேவல் டாடாவின் மகன்தான் ரத்தன் நேவல் டாடா. கார்னெல் பல்கலைக்கழக கட்டிடக்கலை கல்லூரியில் கட்டிடக்கலையில் இளங்கலை பட்டம் பெற்றவர் டாடா. அவர் 1961 இல் டாடாவில் சேர்ந்தார், அங்கு அவர் டாடா ஸ்டீல் கடை தளத்தில் பணிபுரிந்தார். 1991 இல் டாடா சன்ஸ் ஓய்வு பெற்றவுடன் ஜே.ஆர்.டி. டாடாவின் தலைவராக அவர் பின்னர் பதவியேற்றார். அவரது பதவிக்காலத்தில் டாடா குழுமம் டெட்லி, ஜாகுவார் லேண்ட் ரோவர் மற்றும் கோரஸ் ஆகியவற்றை கையகப்படுத்தியது. டாடா தனது வருமானத்தில் சுமார் 60-65% தொண்டுக்கு நன்கொடையாக அளித்து, உலகின் மிகப்பெரிய தொண்டு புரிபவர்களின் ஒருவராக இருக்கிறார்.

மரணம்: இந்த நிலையில்தான் இந்தியாவின் டாப் தொழிலதிபர்களின் ஒருவரான ரத்தன் டாடா இன்று காலமானார். தீவிர சிகிச்சை பெறுவதற்காக மருத்துவமனையில் அனுமதிக்கப்பட்டு சிகிச்சை பெற்று வந்த டாடா மரணம் அடைந்ததாக அறிவிக்கப்பட்டு உள்ளது. அவரின் மரணத்தை டாடா குழுமம் மற்றும் மருத்துவமனை உறுதி செய்துள்ளது.

மருத்துவமனையில் அனுமதிக்கப்பட்டு சிகிச்சை பெற்று வந்த அவர் மரணம் அடைந்தார். சிகிச்சை பலனின்றி 9ம் தேதி இரவு 11.45க்கு அவர் மரணம் அடைந்ததாக கூறப்படுகிறது.

இரண்டு நாட்களுக்கு முன்புதான் அவர் தனது உடல்நிலை சரியாக இருப்பதாக கூறி இருந்தார். மருத்துவமனையில் அனுமதிக்கப்பட்டு இருந்த அவர், எனது உடல்நிலை குறித்து சமீபத்தில் பரவி வரும் வதந்திகளை நான் அறிவேன், மேலும் இந்த கூற்றுக்கள் ஆதாரமற்றவை என்பதை அனைவருக்கும் உறுதியளிக்க விரும்புகிறேன், என்று கூறிய நிலையில் அவர் மரணம் அடைந்தார்.