ஜெய்பீம் சூர்யாவுக்கு சந்தானம் அறிவுரை..! யாரையும் உயர்த்திக் காட்ட யாரையும் தாழ்த்திக் காட்டாதீங்க..!

Updated: Wednesday, November 17, 2021, 16:51 [IST]

Subscribe to Oneindia Tamil

சென்னை: சினிமாவில் எதனை வேண்டுமானாலும் உயர்த்திக் காட்டலாம்; அப்படி உயர்த்திக் காட்டுவதற்காக இன்னொன்றை தாழ்த்தி காட்டக் கூடாது என ஜெய்பீம் திரைப்படத்தை முன்வைத்து நடிகர் சூர்யாவுக்கு நகைச்சுவை நடிகர் சந்தானம் அறிவுரை வழங்கி உள்ளார்..

உயர்ந்ததுன்னு பேசுங்க சரி...

சபாபதி பட நிகழ்வில் சந்தானம் பேசியதாவது: ஜெய்பீம் படமாக இருந்தாலும் எந்த படமானாலும் நாம் சொல்றது இதுதான்..நாம ஒரு கருத்தை சொல்றோம். பேசறோம்னா நான் இந்துயிசத்தை பற்றி பேசற.. இந்துன்னு பேசறன்னா நான் சூப்பர்.. உயர்ந்ததுன்னு என்ன வேணும்னாலும் பேசலாம். அது பிரச்சனை கிடையாது.

தாழ்த்தி பேசுவது தேவை இல்லை

ஆனா கிறிஸ்டியன் தப்பு.. அவன் தாழ்த்தப்பட்டவன்னு பேசக் கூடாது. எது நம்ம கருத்தோ அதை தூக்கி பேசலாம். அடுத்தவங்க ஹர்ட் பண்ற மாதிரி அவங்களை அமுக்கி பேசக் கூடாது. அது தேவையில்லாத விஷயம்.

ஜெய்பீம் தப்புதான்

சினிமாங்கிறது 2 மணிநேரம் லைட் ஆப் பண்ணிட்டு எல்லாரும் எல்லா ஜாதிக்காரர்களும் மதத்துக்காரங்களும் பார்க்கிறது. அங்க இது தேவைப்படாத விஷயம். நீங்க இந்துமதத்தை தூக்கிகாட்டுங்க.. அல்லது எதை பிடிச்சிருக்கோ அதை தூக்கி காட்டுங்க. அது பிரச்சனை கிடையாது. ஆனா அடுத்தவனை தாழ்த்தி காட்டாதீங்க.. இந்து மதம் சூப்பர்னா அதை சொல்லுங்க.. அதுக்காக கிறிஸ்டியானிட்டியை தாழ்த்த கூடாது.. அதுதான் என் கருத்து. நாம எதனை வேணும்னாலும் தூக்கி பேசலாம்.. அது பிரச்சனையே இல்லை. இவ்வாறு சந்தானம் பேசினார்.

சந்தானத்துக்கு எதிர்ப்பு

சந்தானத்தின் இந்த பேச்சு கடுமையான விவாதப் பொருளாகி இருக்கிறது. தாம் நடித்த படங்களில் உருவங்களை வைத்து மிக இழிவாக கேலி செய்து பேசியவர் சந்தானம்; மாற்று திறனாளிகளைக் கூட சைடு ஸ்டாண்டு என கிண்டலடித்தவர் சந்தானம். சினிமாவில் மற்றவர்களைத் தாழ்த்திக் காட்டக் கூடாது என நடிகர் சந்தானம் அட்வைஸ் செய்வதை அவர் முதலில் கடைபிடிக்க வேண்டும் என்று நெட்டிசன்கள் வறுத்தெடுத்து வருகின்றனர்.