இலங்கையை மிரட்டும் டெல்டா...இந்தியாவை விட 3 மடங்கு வீரியம்-ஒருநாள் கொரோனா மரணங்கள் 100ஐ தாண்டியது!

கொழும்பு: இந்தியாவில் பெரும் பாதிப்பை ஏற்படுத்திய டெல்டா வகை கொரோனா வைரஸ் இலங்கையில் 3 மடங்கு வீரியத்துடன் பரவி உள்ளது. இலங்கையில் ஒருநாள் கொரோனா உயிரிழப்புகள் எண்ணிக்கை 100ஐ தாண்டியதாக உள்ளது.

உலக நாடுகளில் டெல்டா வகை வைரஸ் இந்தியாவில்தான் கடுமையான பாதிப்புகளை ஏற்படுத்தியது. தற்போது உலகின் பல நாடுகளையும் இந்த வைரஸ் பல மடங்கு வீரியத்துடன் தாக்கி வருகிறது.

அமெரிக்காவில் ஒருநாள் கொரோனா பாதிப்பு எண்ணிக்கை 1 லட்சத்தை தாண்டியதாக உள்ளது. அமெரிக்காவில் ஒருநாள் கொரோனா மரணங்கள் எண்ணிக்கை 657 ஆகவும் உள்ளது.

மிகச் சிறிய குட்டி தீவு நாடான இலங்கையிலும் மிக வீரியமாக தாக்கி வருகிறது டெல்டா வகை வைரஸ். இது இந்தியாவைவிட 3 மடங்கு வீரியம் கொண்டதாக இருப்பதாக அதிர்ச்சி அடைய வைத்துள்ளது. அத்துடன் ஒருநாள் கொரோனா பாதிப்பு 2 ஆயிரத்தை தாண்டியதாகவும் ஒருநாள் கொரோனா மரணங்கள் எண்ணிக்கை 100 ஐ தாண்டியதாகவும் இருப்பதால் இலங்கையில் பதற்றம் ஏற்பட்டுள்ளது.

இலங்கையின் கொரோனா மரணங்கள் நேற்று 118 ஆக இருந்தது. உலக நாடுகளில் கொரோனா மரணங்கள் பட்டியலில் இலங்கை 18வது இடத்தில் இருக்கிறது. இலங்கையில் கொரோனா தடுப்பூசி போட்டவர்களும் கூட வீரியமான இந்த டெல்டா வைரஸில் இருந்து தப்பமுடியவில்லை என்கின்றன செய்திகள். இலங்கையில் தொடர்ந்து கொரோனா மரணங்கள் 100க்கும் அதிகமாக இருப்பதால் பொதுமக்களிடம் பெரும் அச்சமும் நிலவுகிறது.

English summary

Srilanka has Reported a Single day Coronavirus deaths rise to 118.