வண்டிய நிறுத்துங்க.. உற்றுப் பார்த்த அன்புமணி! ‘அவர்’ படம்! ஆச்சரியத்தில் மூழ்கிய சேத்தியாதோப்பு!

Updated: Saturday, June 18, 2022, 16:29 [IST]

Subscribe to Oneindia Tamil

கடலூர் : பாமக தலைவர் அன்புமணி ராமதாஸ், பாமக தொண்டர் ஒருவரின் இல்ல நிகழ்ச்சிக்கு திடீரென வருகை தந்து அனைவரையும் வியப்பில் ஆழ்த்தியது பாமகவினரால் பரபரப்பாக பேசப்பட்டு வருகிறது.

பாமக தலைவராக பொறுப்பேற்ற மருத்துவர் அன்புமணி முதல்முறையாக கடலூர், மயிலாடுதுறை, அரியலூர் ஆகிய மாவட்டங்களுக்கு பல்வேறு நிகழ்ச்சிகளில் கலந்து கொள்ள நேற்று சுற்றுப்பயணம் மேற்கொண்டார்.

காலையில் சிதம்பரத்தில் நடைபெற்ற திருமணத்தில் கலந்து கொண்டவர், பின்னர் மயிலாடுதுறை மாவட்டம் கொள்ளிடம் ஆற்றில் தடுப்பணை கட்ட வேண்டிய இடத்தினை பார்வையிட்டார்.

நிர்வாகி இல்ல நிகழ்ச்சி

சிதம்பரத்தில் இருந்து அரியலூர் மாவட்டம் காடுவெட்டியை நோக்கி புறப்பட்டார். அப்போது செல்லும் வழியில் சேத்தியாதோப்பு அருகே தீப்பாய்ந்த நாச்சியார் கோயில் எதிர்புறம் உள்ள மண்டபத்தில் மஞ்சள் நீராட்டு விழா ஒன்று நடைபெற்றது.

பாமக பேனர்

அங்கு பெரிய அளவில் கட்சி பேனர் இருந்ததை பார்த்ததும் வண்டியை நிறுத்தினர். மற்றொரு வாகனத்திலிருந்த பாமக பிரமுகர் மழவராயநல்லூர் வரதராஜன் ஓடிவந்து, 'அண்ணா நம்ம கட்சிக்காரங்க வீட்டு விழா தான்' என்று சொல்ல, உடனடியாக ஒரு வாழ்த்து சொல்லிட்டு வருவோம் என்றார்.

அன்புமணி ராமதாஸ்

இதனையடுத்து அன்புமணி ராமதாஸ் தனது வாகனத்தை மண்டபத்தை நோக்கி திருப்ப சொன்னதும், அங்கிருந்த அனைவரும் இன்ப அதிர்ச்சியில் மகிழ்ச்சியில் செய்வதறியாமல் திகைத்து நின்றனர். விறுவிறுவென்று வேகமாக விழா மேடைக்கு சென்றவர், விழா நாயகியை வாழ்த்தி ஆசிர்வதித்து, குடும்பத்தினருடன் புகைப்படத்தினை எடுத்த பிறகு அன்புமணி விடைபெற்று சென்றார்.

இன்ப அதிர்ச்சி

'எதிர்பாராத நேரத்தில் திடீரென வந்த அன்புமணி ராமதாஸை பார்த்ததும், இன்ப வெள்ளத்தில் மூழ்கித் திளைத்தனர். அங்கு கூடியிருந்த உறவினர்கள் அனைவரும், 'ஆஹா பாருயா திடீர் யோகத்தை, அழைக்காமலே தலைவர் திடீரென வந்துட்டார்' என நெகிழ்ச்சியாக பேசிக் கொண்டனர்.