‛‛வானிலை மையம் மீது சந்தேகம்’’.. டெல்லியில் புது ரெக்கார்ட் படைத்த வெயிலால் மத்திய அமைச்சர் உத்தரவு

டெல்லி: டெல்லியில் வரலாறு காணாத வகையில் இன்று முதல் முதலாக 52.9 டிகிரி செல்சியஸ் வெப்பநிலை பதிவானதாக வானிலை மையம் தெரிவித்தது. ஆனால் டெல்லியில் 52.9 டிகிரி செல்சியஸ் வெப்பநிலைக்கு வாய்ப்பில்லை. டேட்டாவை சரிபார்க்க வேண்டும் என மத்திய அமைச்சர் கிரண் ரிஜூஜூ அதிரடியாக உத்தரவிட்டுள்ளார். இதனால் வானிலை மையம் தவறான தகவலை வெளியிட்டதாக என்ற சந்தேகம் எழுந்துள்ளது.

தலைநகர் டெல்லி உள்ளிட்ட வடமாநிலங்களில் கோடை வெயில் கடுமையாக உள்ளது. பல இடங்களில் வெப்பஅலை வீசி வருவதால் பொதுமக்கள் பெரிதும் பாதிக்கப்பட்டுள்ளனர். இந்நிலையில் தான் வரலாற்றிலேயே முதல் முறையாக டெல்லியில் இன்று அதிகபட்ச வெப்பநிலை என்பது பதிவாகி உள்ளது.

நேற்றைய தினம் வடமேற்கு டெல்லியில் அதிகபட்சமாக 49.9 டிகிரி செல்சியஸ் அளவுக்கு வெப்பநிலை பதிவானது. ஆனால் இன்றைய தினம் முதல் முறையாக இந்திய வரலாற்றில் டெல்லியில் 50 டிகிரி செல்சியஸ் வெப்பநிலையை விட அதிகமாக வெயில் பதிவாகி உள்ளது.

டெல்லியில் மாறிய வரலாறு.. தலைநகரில் கதறும் மக்கள்! முதல் முறையாக 52.9 டிகிரி செல்சியஸ் வெயில்! ஷாக்


அதன்படி இன்று டெல்லியின் புறநகர் பகுதியான முங்கேஷ்பூரில் மதியம் 2.30 மணியளவில் 52.3 டிகிரி செல்சியஸ் வெப்பநிலை பதிவாகி உள்ளதாக வானிலை ஆய்வு மையம் தெரிவித்ள்ளது. இது டெல்லி வரலாற்றில் ஒரு நாளில் பதிவான அதிகபட்ச வெப்பநிலையாக உள்ளது. கடும் வெப்பஅலையுடன் முங்கேஷ்பூர் பகுதியில் வெயில் அடித்ததால் பொதுமக்கள் பெரிதும் பாதிக்கப்பட்டனர்.

இந்நிலையில் தான் இதுவரை இல்லாத அளவுக்கு டெல்லியில் வெப்பநிலை உயர்ந்து இருப்பது பொதுமக்களை கடும் அதிர்ச்சிக்குள்ளாக்கி இருக்கிறது. ஜுன் 1 வரை வெப்பஅலை வீசும் என்பதால் இன்னும் 3 நாட்களை எப்படி சமாளிப்பது என மக்கள் புலம்ப தொடங்கி உள்ளனர். இதற்கிடையே தான் டெல்லியில் 52.9 டிகிரி செல்சியஸ் வெப்பநிலை பதிவாக வாய்ப்பில்லை. மூத்த வானிலை அதிகாரிகள் வெளியிட்ட விபரத்தை சரிபார்க்க வேண்டும் என்று மத்திய புவியியல் துறை அமைச்சர் கிரண் ரிஜூஜூ தெரிவித்துள்ளார்.

இதுபற்றி அவர் தனது எக்ஸ் பக்கத்தில், ‛‛டெல்லியின் வெப்பநிலை 52.9 டிகிரி செல்சியஸை தொட்டிருக்க வாய்ப்பில்லை. இதனால் வானிலை ஆய்வு மைய மூத்த அதிகாரிகள் டேட்டாவை சரிபார்க்க வேண்டும்’’ என கூறியுள்ளார்.

English summary

Union Minister Kiren Rijiju on Wednesday said that it was "very unlikely" that the temperature in Delhi reached 52.9 degrees Celsius, as reported by a weather station of the city earlier in the day. In a post on the microblogging site X, the Minister of Earth Sciences said that senior officials of the India Meteorological Department (IMD) were tasked to verify the data.