ஆட்டோமொபைல் துறையில் அமெரிக்காவுக்கு பேரிடி.. செக் வைத்த இந்தியா! கை கோர்க்கும் EU

டெல்லி: அமெரிக்காவின் வரி காரணமாக ஆட்டோ மொபைல் துறையும் கடுமையாக பாதிக்கப்பட்டிருக்கிறது. இந்நிலையில் இந்த பாதிப்பிலிருந்து இந்தியாவை மீட்க, மத்திய அரசு ஐரோப்பிய யூனியனுடன் ஒப்பந்தம் போட்டிருக்கிறது. இதன்படி, இனி ஐரோப்பிய யூனியனிலிருந்து இறக்குமதியாகும் கார்களுக்கு சிறப்பு சலுகை கொடுக்கப்பட்டிருக்கிறது. இது அமெரிக்காவின் நெருக்கடியை சமாளிக்க கைக்கொடுக்கும்.

அமெரிக்கா, தனது நாட்டுக்குள் வரும் வெளிநாட்டு கார்களுக்கு வரியை ஏற்றியிருக்கிறது. இப்படி இருக்கையில் இந்தியா, வரியை குறைத்திருப்பது, பாசிட்டிவான விஷயமாக பார்க்கப்படுகிறது.

இது குறித்து ராய்ட்டர்ஸ் செய்தி நிறுவனம் வெளியிட்டுள்ள தகவலின் படி, தற்போது ஐரோப்பியாவில் இருந்து இறக்குமதி செய்யப்படும் கார்களுக்கு.. இந்தியா 70% முதல் 110% வரை வரியை விதித்து வருகிறது. புதிய ஒப்பந்தத்தின் படி இந்த வரி விதிப்பு 40% ஆக குறைக்கப்படும். வருங்காலத்தில் இது 10% வரை குறைக்கப்படும்.

இப்படி வரி குறிப்பை செய்வதன் மூலம், ஆடம்பர கார் நிறுவனங்கள் மிகப்பெரிய பலனடையும். குறிப்பாக போக்ஸ்வேகன், மெர்சிடஸ் பென்ஸ், பிஎம்டபிள்யூ, ரெனால்ட் போன்ற நிறுவனங்கள் பயனடையும். குறைந்தது ரூ.14 லட்சம் மதிப்பு கொண்ட கார்களில் இருந்து இந்த வரிச்சலுகை தொடங்கும். ரூ.14 லட்சத்துக்கு அதிகமான விலை கொண்ட கார்களுக்கு மட்டுமே வரி சலுகை கொடுக்கப்படும். இப்படி ஆண்டுக்கு சுமார் 2 லட்சம் கார்களுக்கு இந்த சலுகை வழங்கப்படலாம்.

அதே நேரம், இந்தியாவில் மின்சார வாகனங்கள் உற்பத்தியில் டாடா மோட்டார்ஸ் மற்றும் மகேந்திரா ஆகிய நிறுவனங்கள் அதிக அளவில் முதலீடுகளை செய்திருக்கிறது. எனவே, இந்த முதலீடுகளை பாதுகாக்கும் விதமாக அடுத்த 5 ஆண்டுகளுக்கு மின்சார வாகனங்களுக்கு வரி குறைக்கப்படாது என்றும் மத்திய அரசு தெரிவித்திருக்கிறது. 5 ஆண்டுகளுக்கு பிறகு, மின்சார வாகனங்களுக்கு வரி குறைப்பு அமலுக்கு வரும்.

இதில் கவனிக்க வேண்டிய விஷயம் என்னவெனில், அமெரிக்கா இறக்குமதி வரியை அதிகரித்து வருகிறது. இந்த நேரத்தில் இந்தியா தனது நாட்டுக்குள் வரும் கார்களுக்கு வரியை குறைப்பதன் மூலம், ஐரோப்பிய ஒன்றியத்துடன் வரலாற்று சிறப்புமிக்க வர்த்தகத்தை மேற்கொள்ள முடியும். இந்த வரிக்குறிப்பு ஜனவரி 27 முதல் நம்மளுக்கு வருகிறது. அன்றைய தினம் இந்தியா-ஐரோப்பிய ஒன்றியத்தின் மாநாடு நடைபெறுகிறது. அதில் வரி குறைப்பு தொடர்பான அறிவிப்பு அதிகாரப்பூர்வமாக வெளியாகும்.

English summary

India-EU FTA Car: Due to American tariffs, the automobile sector has also been severely affected. In this situation, to help India recover from this impact, the central government has entered into an agreement with the European Union. Accordingly, special concessions have been granted to cars imported from the European Union. This will help in overcoming the pressure from the United States.