மாமரத்தில் கட்டுக்கட்டாக காய்த்த பணம்.. அதுவும் ஒரு கோடியாம்! ஸ்டன் ஆன அதிகாரிகள்! கர்நாடகாவில் ஷாக்
டெல்லி: கர்நாடக மாநிலத்தில் தேர்தலுக்கு இன்னும் சில நாட்களே இருக்கும் நிலையில், அங்கே மாமரத்தில் கோடிக் கணக்கில் பணம் கண்டறியப்பட்ட சம்பவம் பெரும் பரபரப்பைக் கிளப்பியுள்ளது.
நமது அண்டை மாநிலமான கர்நாடகாவில் தேர்தல் களம் சூடுபிடித்துள்ளது. தென் இந்தியாவில் பாஜக ஆட்சியில் இருக்கும் ஒரே மாநிலம் என்பதால் அங்கே ஆட்சியைக் கைப்பற்றவே பாஜக விரும்புகிறது.
அதேநேரம் இப்போது வரை வந்த பல சர்வேக்கள் காங்கிரஸ் கட்சிக்குச் சாதகமாக உள்ளதால் அவர்களும் மகிழ்ச்சியாக உள்ளனர். தேர்தலுக்கு சில நாட்கள் மட்டுமே இருக்கும் நிலையில், தேர்தல் பணிகள் அங்கே தீவிரமாக நடந்து வருகிறது.
பழமைய மைசூர்: கர்நாடகாவில் வாக்குப்பதிவுக்கு சில நாட்களே இருக்கும் நிலையில், இரு இரு கட்சிகளும் தீவிர பிரசாரத்தில் இறங்கியுள்ளன. அங்கே ஜேடிஎஸ் கட்சியும் போட்டியில் இருக்கிறது என்றாலும் கூட அவர்கள் பழமையை மைசூர் பகுதியைத் தாண்டி பெரியளவில் எங்கும் வலுவாக இல்லை. இதனால், ஒட்டுமொத்தமாகப் பார்க்கும் போது காங்கிரஸ் மற்றும் பாஜக கட்சிகளுக்கு இடையே தான் கடும் போட்டி நிலவி வருகிறது.
தேர்தலுக்கு சில நாட்களே இருக்கும் நிலையில், அங்கே பல அதிரடி திருப்பங்களும் நடந்தே வருகிறது. இதனிடையே கர்நாடகாவில் மரங்களிலும் ஆட்டோரிக்ஷாவில் பயணம் கூட கோடிக் கணக்கில் பணம் கண்டறியப்பட்டுள்ளது. கர்நாடக மாநிலம் மைசூரில் உள்ள சுப்ரமணிய ராய் வீட்டில் வருமான வரித்துறையினர் ஒரு கோடி ரூபாய் பறிமுதல் செய்துள்ளனர். ராய் புத்தூர் காங்கிரஸ் வேட்பாளர் அசோக்குமார் ராயின் சகோதரர் ஆவார்.
மாம்பழ மரத்தில் வைக்கப்பட்டிருந்த பெட்டியில் மறைத்து வைக்கப்பட்டிருந்த பெருந்தொகையை அதிகாரிகள் புதன்கிழமை கைப்பற்றினர். இதுபோல கர்நாடகாவில் பல இடங்களில் வருமான வரித்துறையினர் சோதனை நடத்தி வருவது குறிப்பிடத்தக்கது.
ஒரு கோடி ரூபாய்: அதேபோல மற்றொரு சம்பவத்தில் வராத 1 கோடி பணத்துடன் 2 பேரைப் பெங்களூரு போலீசார் கைது செய்தனர். ஏப்ரல் 13 ஆம் தேதி சிட்டி மார்க்கெட் பகுதிக்கு அருகில் ஒரு ஆட்டோவில் இருந்து அவர்கள் பணத்தை மீட்டனர். கர்நாடகாவில் மாதிரி நடத்தை விதிகள் அமலில் உள்ளதால், உரிய ஆவணங்கள் இல்லாமல் பெரிய தொகையைக் கொண்டு செல்ல அனுமதி இல்லை என்பது குறிப்பிடத்தக்கது.
கடந்த மாதம், தனியார் ரியல் எஸ்டேட் டெவலப்பர் அங்கிதா பில்டர்ஸ் அலுவலகம் மற்றும் ஹுப்பள்ளியில் உள்ள அதன் உரிமையாளர் நாராயண் ஆச்சார்யாவின் வீடுகளில் வருமான வரித்துறையினர் சோதனை நடத்தினர்.
முன்னாள் காங்கிரஸ் தலைவர் கங்காதர் கவுடாவின் இரண்டு குடியிருப்பு வளாகங்களிலும், தட்சிண கன்னடாவின் பெல்தங்கடியில் உள்ள ஒரு கல்வி நிறுவனத்திலும் வருமான வரித்துறையினர் சோதனை நடத்திய நிலையில் மறுநாளே ஹூப்பள்ளியிலும் சோதனை நடத்தினர், இப்படி அடுத்தடுத்து அங்கே நடைபெறும் சம்பவங்கள் அதிர்ச்சியைக் கிளப்புவதாகவே உள்ளது.
இந்த கங்காதர் கவுடா சமீபத்தில் தான் பாஜகவில் இருந்து விலகி காங்கிரஸில் இணைந்திருந்தார். அதன் பிறகு அவரை குறிவைத்து ரெய்டுகள் நடந்தது குறிப்பிடத்தக்கது. கர்நாடகா மாநிலத்தில் இதுவரை பறிமுதல்கள் தொடர்பாக 2,346 எஃப்ஐஆர்கள் பதிவு செய்யப்பட்டுள்ளன. கர்நாடக மாநிலத்தில் வரும் மே 10ஆம் தேதி தேர்தல் நடக்கும் நிலையில், மே 13ஆம் தேதி தேர்தல் முடிவுகள் வெளியாக உள்ளன.
Click it and Unblock the Notifications
Sign in with Google