Delhi Exit Poll: டெல்லியில் ஆம் ஆத்மி அலை.. அடித்து சொல்லும் எக்ஸிட் போல் முடிவுகள்

டெல்லி: டெல்லி சட்டசபைத் தேர்தலில் அபார வெற்றி பெற்று ஆம் ஆத்மி கட்சி மீண்டும் ஆட்சியமைக்கும் என்று பல்வேறு எக்ஸிட் போல் முடிவுகள் தெரிவிக்கின்றன.

தலைநகர் யாருக்கு? இதுதான் அனைவர் மனதிலும் உள்ள கேள்வி! டெல்லியில் உள்ள 70 சட்டசபை தொகுதிகளுக்கும் தேர்தல் இன்று ஒரே கட்டமாக நடந்து முடிந்தாச்சு. இப்போ ஆட்சியை பிடிப்பது யார் என்பதுதான், அடுத்த கேள்வி.

டெல்லியில் 5 வருடங்களாக ஆட்சியில் உள்ள ஆம் ஆத்மி மீண்டும் ஆட்சிக்கு வரும் வாய்ப்பு அதிகம் என தேர்தலுக்கு முந்தைய கணிப்புகள் பலவும் கூறின. ஆனால் எப்போதுமே, தேர்தலுக்கு பிந்தைய கருத்துக் கணிப்புகள்தான், ரிசல்ட்டுக்கு ரொம்பவே நெருக்கமாக இருக்கும். எனவே எக்சிட் போல் முடிவு எப்படி இருக்கும் என்ற எதிர்பார்ப்பு எல்லா தரப்புக்கும் இருக்கிறது.

அந்த வகையில் தற்போது வெளியாகியுள்ள அனைத்து எக்ஸிட் போல் முடிவுகளிலும் ஆம் ஆத்மி கட்சியே மீண்டும் ஆட்சியை தக்க வைக்கும் என்று தெரிவிக்கப்பட்டுள்ளதால் அக்கட்சியினர் உற்சாகமடைந்துள்ளனர். அதேசமயம், இந்த தேர்தலில் காங்கிரஸ் படு தோல்வியைச் சந்திக்கும் என்றும் எக்ஸிட் போல் முடிவுகள் சுட்டிக் காட்டுகின்றன.

English summary

Polling for Delhi assembly elections 2020 begins at 7 AM, you can join here for live updates.