அம்பானி, அதானி, எப்ஸ்டீன் பைல்ஸ் பற்றி பேசக்கூடாது.. ராகுல் காந்திக்கு மக்களவை சபாநாயகர் கறார்
டெல்லி: மக்களவையில் எப்ஸ்டீன் பைல்ஸ் குறித்து பேச ராகுல் காந்திக்கு சபாநாயகர் அனுமதி மறுத்திருக்கிறார். அம்பானி, அதானி குறித்தும் ராகுல் காந்தி பேச முயன்ற நிலையில், இருவர் குறித்தும் பேசக்கூடாது என சபாநாயகர் கூறியிருக்கிறார். மீறி பேசினால் அது எதுவும் அவை குறிப்பில் இடம் பெறாது என்றும் கூறியிருக்கிறார்.
இருப்பினும் தொடர்ந்து பேசிய ராகுல் காந்தி, வெறும் 3 சதவீதமாக இருந்த இந்தியாவிற்கான வரியை தற்பொழுது அமெரிக்கா 18 சதவீதமாக உயர்த்தி உள்ளது. இதனால் பல 100 பில்லியன் அமெரிக்க டாலர் அளவுக்கு இந்தியாவிற்கு இழப்பு ஏற்படுகிறது. இது வெட்கக்கேடானது என மக்களவையில் ராகுல் காந்தி ஆவேசமாக பேசியுள்ளார்.
மேலும் அவர் பேசியதாவது, "நீங்கள் இந்தியாவை விற்று விட்டீர்கள். எங்களது பாரத மாதாவை அமெரிக்காவுக்கு விற்று விட்டீர்கள். உங்களுக்கு வெட்கமாக இல்லையா? இந்தியா யாரிடமிருந்து எண்ணெய் வாங்க வேண்டும் என்பதை அமெரிக்காதான் முடிவு செய்கிறது. இது எவ்வளவு வெட்கக்கேடான செயல். இந்தியர்களுடைய அத்தனை தரவுகளையும் ஒட்டுமொத்தமாக அமெரிக்காவுக்கு மத்திய பாஜக அரசு விற்றுவிட்டது.
AI தொழில்நுட்பத்தின் பெட்ரோல் நம்முடைய டேட்டா தான். உலகத்திலேயே அதிக டேட்டாக்களை வழங்கும் நாடுகள் இந்தியாவும் சீனாவும்தான். ஏனென்றால் நமது மக்கள் தொகை எண்ணிக்கை அப்படி. ஆனால், இந்த டேட்டாக்கள் எனப்படும் தரவுகள் பாதுகாப்பானதாக இருக்கிறதா என்பதுதான் மிக முக்கியமான கேள்வி.
வெறும் 3 சதவீதமாக இருந்த இந்தியாவிற்கான வரியை தற்பொழுது அமெரிக்கா 18 சதவீதமாக உயர்த்தி உள்ளது. இதனால் பல நூறு பில்லியன் அமெரிக்க டாலர் அளவுக்கு இந்தியாவிற்கு இழப்பு ஏற்படுகிறது. இது வெட்கக்கேடானது.
எங்களை உங்களது வேலைக்காரர்கள் என்ற மனநிலையில் இருந்து, எங்களிடம் பேச வராதீர்கள் என்று நானாக இருந்தால் அமெரிக்க அதிபர் ட்ரம்பின் முகத்தின் முன்பாக கூறியிருப்பேன்.
காங்கிரஸ் பார்த்து பார்த்து உருவாக்கிய இந்தியாவின் ஐடி துறை தற்போது ஆபத்தில் இருக்கிறது. லட்சக்கணக்கான ஐடி ஊழியர்களின் வேலைகள் செயற்கை நுண்ணறிவு தொழில்நுட்பத்தால் பெரும் ஆபத்தில் இருக்கிறது" என பேசியிருக்கிறார்.
Click it and Unblock the Notifications
Sign in with Google