3 அமைச்சர்கள் நின்றதால் வந்த பதற்றம்! உனக்கெல்லாம் யாருய்யா டிரெய்னிங் கொடுத்தது? எ.வ.வேலு சிடுசிடு

Updated: Tuesday, July 4, 2023, 20:18 [IST]

Subscribe to Oneindia Tamil

திண்டுக்கல்: திண்டுக்கல் மாவட்டம் தோமையார்புரத்தில் நெடுஞ்சாலைத்துறை சார்பில் நடைபெற்ற மரம் நடும் விழாவில், சாலை பணியாளரை பார்த்து உனக்கெல்லாம் யாருய்யா டிரெய்னிங் கொடுத்தது? என அமைச்சர் எ.வ.வேலு கோபத்தை கொட்டித் தீர்த்தார்.

பொதுவிடங்களில் நாவடக்கத்துடன் பேசுமாறும், கவனத்துடன் கண்ணியமாக நடந்துகொள்ளுமாறும் அமைச்சர்களுக்கு முதலமைச்சர் ஸ்டாலின் எத்தனையோ முறை அறிவுரை வழங்கிவிட்டார். இருப்பினும் ஒரு சில அமைச்சர்கள் தொடர்ந்து சர்ச்சைகளில் சிக்கித் தான் வருகின்றனர்.

At the tree planting ceremony held by the Highways Department in Thomaiyarpuram, Dindigul district,

கருணாநிதி நூற்றாண்டு விழாவினை முன்னிட்டு தமிழ்நாட்டில் உள்ள மாநில நெடுஞ்சாலைகளில் 5 லட்சம் மரக்கன்றுகள் நடப்படும் என்றும், இதனால் மாநில நெடுஞ்சாலைகளில் இடைவெளி இல்லாமல் மரங்கள் வளர்க்கப்படும் என்ற இலக்கு எட்டப்படும் என்றும் 2023-2024ஆம் ஆண்டு நெடுஞ்சாலைகள் மற்றும் சிறு துறைமுகங்கள் துறை மானியக் கோரிக்கையில் அறிவிக்கப்பட்டது.

அந்த அறிவிப்பிற்கிணங்க, கருணாநிதி நூற்றாண்டு விழா தொடக்க நாளான கடந்த ஜூன் 7ஆம் தேதி அன்று முதலமைச்சர் ஸ்டாலின், சென்னை கிண்டியில் உள்ள நெடுஞ்சாலை ஆராய்ச்சி நிலைய வளாகத்தில், 5 லட்சம் மரக்கன்றுகள் நடும் திட்டத்தினை மரக்கன்று நட்டு வைத்து தொடங்கி வைத்தார்.

24 மாத காலம் வளர்ச்சிக் கொண்ட மகிழம், வேம்பு, புளியன், புங்கன், நாவல், சரக்கொன்றை வகையைச் சார்ந்த சுமார் 46,410 மரக்கன்றுகளை பருவமழைக்கு முன்பாகவே நடுவதற்கு திட்டமிட்டுள்ளார் அமைச்சர் எ.வ.வேலு. அந்த வகையில் திண்டுக்கல் மாவட்டத்தில் நெடுஞ்சாலைத் துறை சார்பில் தோமையார்புரத்தில் மரக்கன்று நடும் நிகழ்ச்சி நடைபெற்றது.

அதில் அமைச்சர்கள் எ.வ.வேலு, சக்கரபாணி, ஐ.பெரியசாமி, என மூன்று அமைச்சர்கள் மற்றும் சட்டமன்ற உறுப்பினர் ஐ.பி. செந்தில்குமார், உட்பட பல முக்கியப் பிரமுகர்கள் கலந்துகொண்டனர். மரக்கன்று நட்டபிறகு மண் சட்டியை அமைச்சர் கையில் எடுத்துக் கொடுப்பதற்கு பதில் அங்கிருந்த சாலைப் பணியாளர் பதற்றத்தில் உரச்சட்டியை அமைச்சர் கையில் எடுத்துக் கொடுத்தார்.

இதனால் டென்ஷன் ஆன அமைச்சர் எ.வ.வேலு, உனக்கெல்லாம் யாருய்யா டிரெய்னிங் கொடுத்தது என அந்தப் பணியாளரிடம் கடுகடுப்பு காட்டினார். ஆனால் அமைச்சர் ஐ.பெரியசாமியோ எப்போதும் போல் கூலாக நின்று அமைச்சர் வேலுவையும் கூலாக்கினார்.