பாக்கெட் பால் எல்லாம் பால் அல்ல.. பசும்பாலில் உள்ளது தங்கம்... மே.வங்க பாஜக தலைவரின் சர்ச்சை பேச்சு

சர்ச்சை கருத்தை பாஜக தலைவர் மீண்டும் தெரிவித்துள்ளார்

Updated: Saturday, August 28, 2021, 18:46 [IST]

Subscribe to Oneindia Tamil

கொல்கத்தா: "பசுவின் பாலில் தங்கம் உள்ளது.. பசுவின் முக்கியத்துவம் யாருக்கும் தெரியவதில்லை.. பாக்கெட் பால் என்பது உண்மையான பால் கிடையாது" என்று பாஜக தலைவர் மீண்டும் சர்ச்சை கருத்தை தெரிவித்துள்ளார்.

மேற்குவங்கத்தில் மாநில பாஜக தலைவர் திலீப் கோஷ் கடந்த 2019-ல் இப்படித்தான் இதே கருத்தை சொல்லி இருந்தார்..

அப்போது, "இந்திய பசுக்களின் பால் லேசான மஞ்சள் கலரில் இருப்பதற்கு காரணம், அதில் தங்கம் கலந்திருப்பதால்தான்.. பசுக்களின் ரத்த நாளமானது சூரிய ஒளியின் உதவியோடு தங்கத்தை உற்பத்தி செய்கின்றன" என்று கூறியிருந்தார்.

திலீப் கோஷ்

திலிப் கோஷின் இந்தப் பேச்சு பெரும் சர்ச்சையை அப்போது ஏற்படுத்தியிருந்தது.. இவர் பேச்சை உண்மை என்று நம்பி, தன்குனி பகுதியை சேர்ந்த ஒருவர், தன்னுடைய 2 பசுக்களையும் தனியார் நிதி நிறுவனத்திற்கு அழைத்து வந்து, இந்த 2 மாட்டுக்கும் எவ்வளவு தங்க கடன் கொடுப்பீர்கள், என் தொழிலை விருத்தி செய்ய, அந்த பணம் உதவியாக இருக்கும்? என்று கேட்ட ஆச்சரிய சம்பவமும் நடந்தது.

மேற்கு வங்கம்

இப்போதும் அதுபோலவே பேசி ஒரு பரபரப்பை கிளப்பி உள்ளார் கோஷ்... நிகழ்ச்சி ஒன்றில் பேசிய அவர், "மேற்கு வங்கத்தில் மாடுகளை வீடுகளில் சரியாக வைத்து வளர்க்கப்படுவதில்லை.. காரணம், மாடுகளை வீட்டில் வைத்திருப்பதன் முக்கியத்துவம் மக்களுக்கு புரியவில்லை... இன்னைக்கு எல்லோரும் பாக்கெட் பால் வாங்க ஆரம்பித்துவிட்டார்கள். அது உண்மையான பால் கிடையாது..

பசும்பால்

பசுவின் பாலில் தங்கம் இருக்குன்னு அன்னைக்கு நான் சொன்னபோது, அனைவருமே என்னை விமர்சித்தனர்... கேலி செய்தனர்.. உண்மையான பாலை, சாப்பிடாதவர்களால், பசும்பாலில் தங்கத்தின் உண்மையான மதிப்பை மட்டும் எப்படி புரிந்துகொள்வார்கள்?' என்று பேசியுள்ளார் திலீப் கோஷ்.

சர்ச்சை

கோஷின் இந்த கருத்துக்கு பதிலளித்த மாநில அமைச்சரும், மூத்த தலைவருமான ஃபிர்ஹாத் ஹக்கீம், "அவரும் என்னெனன்வோ விஷயங்களை சொல்கிறார்.. இருந்தாலும் யாரும் அவர் பேச்சை பெரிதாக எடுத்து கொள்ள தேவையில்லை.. தங்கத்துடன் பால் உற்பத்தி செய்யும் பசுமாட்டை தந்தால், அதை ஆராய்ச்சிக்கு வேண்டுமானால் அனுப்புவோம்.. ஆனால், அப்படி ஒரு பசுவை அவரால் கண்டுபிடிக்க முடியவில்லை என்றால், இப்படியெல்லாம் பேசி கொண்டிருப்பதை முதலில் நிறுத்தி கொள்ள வேண்டும்" என்றார்.