பாஜகவில் ஐக்கியமான ரவுடி கல்வெட்டு ரவி ஆந்திராவில் சுற்றி வளைத்து அதிரடி கைது

அமராவதி: பாரதிய ஜனதா கட்சியில் அண்மையில் இணைந்த ரவுடி கல்வெட்டு ரவி ஆந்திராவில் போலீசார் சுற்றி வளைத்து அதிரடியாக கைது செய்யப்பட்டுள்ளார்.

தமிழகம், புதுச்சேரியில் பல்வேறு குற்றவழக்குகளில் தொடர்புடைய தேடப்படும் நபர்கள் பாஜகவில் இணைவது அதிகரித்தது. வடசென்னை ரவுடி கல்வெட்டு ரவி, கஞ்சா அஞ்சலை, புதுச்சேரி எழிலரசி என இந்த பட்டியல் நீண்டதாக இருந்து வருகிறது.

இது பெரும் சர்ச்சையாகவும் வெடித்தது. ஆனால் தங்களது கட்சியில் குற்றப் பின்னணி உள்ளவர்கள் சேர்க்கப்படவே இல்லை என பாஜக தலைவர்கள் விளக்கம் அளித்து வந்தனர்.

இந்த நிலையில் 30க்கும் மேற்பட்ட கொலை, கொள்ளை வழக்குகளில் தேடப்படும் குற்றவாளியான கல்வெட்டு ரவி ஆந்திராவில் போலீசாரால் சுற்றி வளைத்து அதிரடியாக கைது செய்யப்பட்டுள்ளார்.

English summary

North Chennai Gangster Kalvettu Ravi was arrested by Andhra Police today.