தெலுங்கானாவுக்கு எதிர்ப்பு- மமதாவுடன் ஜெகன் மோகன் சந்திப்பு
Subscribe to Oneindia Tamil
கொல்கத்தா: தெலுங்கானாவுக்கு எதிராக நாடு தழுவிய அளவில் கருத்து உருவாக்கும் முயற்சியின் ஒருபகுதியாக மேற்கு வங்க முதல்வர் மமதா பானர்ஜியை ஒய்.எஸ்.ஆர். காங்கிரஸ் தலைவர் ஜெகன் மோகன் ரெட்டி இன்று சந்தித்துப் பேசினார்.
ஐக்கிய ஆந்திராவை வலியுறுத்தி அனைத்து மாநில அரசியல் தலைவர்களையும் சந்தித்து ஆதரவு கோருவேன் என்று ஜெகன் மோகன் ரெட்டி அறிவித்திருந்தார். இதைத் தொடர்ந்து கொல்கத்தா சென்ற அவர், திரிணாமுல் காங்கிரஸ் தலைவரும் மேற்கு வங்க முதல்வருமான மமதா பானர்ஜியை சந்தித்துப் பேசினார்.
ஏற்கெனவே பாஜக தலைவர் ராஜ்நாத்சிங் மற்றும் இடதுசாரி தலைவர்களையும் ஜெகன் மோகன் ரெட்டி சந்தித்திருக்கிறார். இருப்பினும் மமதாவுடனான சந்திப்பு லோக்சபா தேர்தல் அணி தொடர்பாகவும் நடைபெற்றிருக்கலாம் என்றும் கூறப்படுகிறது.
Click it and Unblock the Notifications
Sign in with Google