ஜே.என்.யூ விவகாரத்தில் டோணி விளாசிய ஹெலிகாப்டர் ஷாட்

By Veera Kumar

Updated: Monday, February 22, 2016, 16:09 [IST]

Subscribe to Oneindia Tamil

டெல்லி: ஜவகர்லால் நேரு பல்கலைக்கழகத்தில், இந்தியாவுக்கு எதிரான கோஷங்கள் முழங்கப்பட்டதற்கு, கிரிக்கெட் வீரர்கள் ஷிகர் தவான், கவுதம் கம்பீர், குத்துச்சண்டை வீரர் யோகேஷ்வர் தத் போன்றோர் கண்டனம் தெரிவித்த நிலையில், இந்திய கிரிக்கெட் அணி கேப்டன் டோணியும், தனது ஆதரவு கரத்தை ராணுவத்தினருக்கு நீட்டியுள்ளார்.

ஜவகர்லால் நேரு பல்கலைக்கழகத்தில் அப்சல் குருவிற்கு ஆதரவாக கூட்டம் நடைபெற்றது சரிதான் என்று இடதுசாரி சிந்தனை கொண்டவர்கள் கருத்து கூறி வருகிறார்கள். இவ்வாறான கூட்டங்கள்தான் கருத்து சுதந்திரத்தை வளர்க்கும் என்பது அவர்கள் கருத்தாக உள்ளது.

ஆனால், டோணி இதற்கு நேர் எதிர்மாறான கருத்தை கொண்டுள்ளார். தனது டிவிட்டுகளில் மன ஓட்டத்தை வெளிப்படுத்தியுள்ளார் டோணி. இருப்பினும், ஜவகர்லால் நேரு பல்கலைக்கழகம் என்ற பெயரை அவர் குறிப்பிடவில்லை.

As v have this debate on freedom of speech our forces r making sure v stay in position to keep debating.
— Mahendra Singh Dhoni (@msdhoni) February 21, 2016

டோணி டிவிட்

டோணி நேற்று வெளியிட்ட தனது டிவிட் ஒன்றில் கூறுகையில், "நாம் கருத்து சுதந்திரம் பற்றி பேசிக்கொண்டுள்ளோம். ஆனால், நாம் இவ்வாறு (பாதுகாப்பாக) பேசிக்கொண்டிருக்கும் நிலையில் வைத்திருப்பது நமது பாதுகாப்பு படையினர்தான்" என்று தெரிவித்துள்ளார்.

Spl forces and commando unit's r normal ppl like u and me who r highly motivated and trained to put the interest of the nation before self
— Mahendra Singh Dhoni (@msdhoni) February 21, 2016

தேச நலன்

இதையடுத்து வெளியிட்ட மற்றொரு டிவிட்டில் "சிறப்பு படையினரும், கமாண்டோ வீரர்களும், உங்களையும், என்னையும் போன்ற சாதாரண மனிதர்கள்தான். ஆனால், சுய நலத்திற்கு முன்பாக தேசத்தின் நலனைத்தான் முக்கியம் என கருத அவர்களுக்கு பயிற்றுவிக்கப்பட்டுள்ளது" என்று தெரிவித்துள்ளார்.

பஞ்ச் விட்ட தத்

அப்சல் குரு, தியாகி என்றால், லேன்ஸ் நாயக் ஹனுமந்தப்பா (சியாச்சின் பனிச்சரிவில் வீர மரணமடைந்த ராணுவ வீரர்) யார் என்று கேள்வி எழுப்பியிருந்தார் குத்துச்சண்டை வீரர் யோகேஷ்வர் தத்.

தவான் ஆதரவு

கிரிக்கெட் வீரர் ஷிகர்தவான் "ஒருவர் வாழும் நாட்டை தவறாக பேசக்கூடாது. அனைத்து பல்கலைக்கழகங்களிலும், தேசிய கொடியை ஏற்ற வேண்டும்" என்று தனது கருத்தை நேரடியாகவே தெரிவித்திருந்தார்.

கம்பீர் கடுங்கோபம்

மற்றொரு கிரிக்கெட் வீரர் கவுதம்கம்பீரும், தேச நலனுக்கு முன்பாக, அரசியல் நலனை அரசியல்வாதிகள் பார்க்க கூடாது என்றும், அரசியல்வாதிகளே வளருங்கள் என்றும் கூறியிருந்தார். ஜே.என்.யூ வளாகத்தில் அப்சல் குரு ஆதரவு கோஷம் முழங்கப்பட்ட வீடியோவை பார்த்து அதிர்ச்சியடைந்ததாகவும் கம்பீர் தெரிவித்திருந்தார்.