போட்டியிட்ட 2 தொகுதிகளிலும் வெற்றி.. சொல்லி அடித்தார் மேகாலயா முதல்வர் முகுல் சங்மா!

மேகாலயா முதல்வர் முகுல் சங்மா போட்டியிட்ட இரண்டு தொகுதிகளிலும் வெற்றி பெற்றுள்ளார்.

Updated: Saturday, March 3, 2018, 17:51 [IST]

ஷில்லாங்: மேகாலயா முதல்வர் முகுல் சங்மா போட்டியிட்ட இரண்டு தொகுதிகளிலும் வெற்றி பெற்றுள்ளார்.

59 தொகுதிகளை கொண்ட மேகாலயா மாநில சட்டசபைக்கு கடந்த மாதம் தேர்தல் நடைபெற்றது. இதற்கான முடிவுகள் இன்று வெளியிடப்பட்டு வருகின்றன.

இந்த சட்டசபை தேர்தலில் காங்கிரஸ் 59 தொகுதிகளிலும் போட்டியிட்டது. இன்று முடிவுகள் அறிவிக்கப்பட்டு வரும் நிலையில் காங்கிரஸ் அதிக இடங்களில் வெற்றி பெற்று தொடர்ந்து முன்னிலை வகித்து வருகிறது.

சூறாவளி பிரச்சாரம்

மேகாலயாவில் காங்கிரஸ் கட்சி கடந்த 10 ஆண்டுகளாக ஆட்சி புரிந்து வருகிறது. இம்முறையும் ஆட்சியை தக்க வைக்க வேண்டும் காங்கிரஸ் தலைவர்கள் சூறாவளி பிரச்சாரம் செய்தனர்.

2 இடங்களை கைப்பற்றிய பாஜக

இதேபோல் இம்முறையாவது மேகாலயாவில் ஆட்சியை கைப்பற்ற வேண்டும் என பாஜகவும் தீயா வேலை செய்தது. ஆனால் பாஜக 2 இடங்களில் மட்டுமே வெற்றி பெற்றுள்ளது.

2 தொகுதிகளில் போட்டி

மேகாலயா முதல்வர் வேட்பாளராக முதல்வர் முகுல் சங்மாவே மீண்டும் களமிறக்கப்பட்டார். முகுல் சங்மா அம்பதி மற்றும் சோங்ஸக் ஆகிய 2 தொகுதிகளில் போட்டியிட்டார்.

2 தொகுதிகளிலும் வெற்றி

போட்டியிட்ட இரண்டு தொகுதிகளிலும் அவர் வெற்றிபெற்றுள்ளார். அம்பதி தொகுதியில் 6000 வாக்குகள் வித்தியாசத்தில் முகுல் சங்மா பாஜக வேட்பாளர் பகுல் ஹஜோங்கை வீழ்த்தியுள்ளார்.