ஸ்பைஸ்ஜெட் விமானத்தில் உள்ளூர் பயணங்களுக்கான கட்டணம் ரூ. 499 மட்டுமே.. வரிகள் தனி!

மும்பை: ஸ்பைஸ்ஜெட் விமானங்களில் உள்ளூர் பயணங்களுக்கான அடிப்படைக் கட்டணமாக ரூ. 499 சலுகை அறிவிப்பாக வெளியிடப்பட்டுள்ளது.

அடுத்தடுத்து பல்வேறு விமான நிறுவனங்கள் உள்ளூர் பயணத்திற்கான கட்டணங்களில் சலுகைகளை அறிவித்து வருகின்றன. இந்த வரிசையில் தற்போது ஸ்பைஸ்ஜெட்டும் இணைந்துள்ளது.

இந்த நிறுவனம் எர்லி பேர்ட் என்ற பெயரில் ஒரு சலுகைக் கட்டண அறிவிப்பை வெளியிட்டுள்ளது. அதன்படி உள்ளூர் பயணங்களுக்கான அடிப்படைக் கட்டணமாக ரூ. 499 அறிவிக்கப்பட்டுள்ளது.

ஜனவரி 16 முதல் 24 வரை

இந்த சலுகையை அடுத்த ஆண்டு ஜனவரி 16ம் தேதி முதல் 24ம் தேதி வரை பயன்படுத்திக் கொள்ள முடியும். இந்த சலுகைக்கான முன்பதிவு செப்டம்பர் 1ம் தேதி அதாவது இன்று தொடங்கியுள்ளது. 3 நாட்களுக்கு முன்பதிவு நடைபெறும்.

அடிப்படைக் கட்டணம் மட்டுமே

நாடு முழுவதும் பல்வேறு ஊர்களுக்குப் பயணம் செய்ய விரும்புவோர் இந்த சலுகையைப் பயன்படுத்திக் கொள்ளளாம். இந்த கட்டணமானது அடிப்படைக் கட்டணம் மட்டுமே. அதேசமயம், பிற வரிகள், கட்டணங்கள் இதில் அடங்காது.

நேரடி - இணைப்பு விமானங்களில்

ஸ்பைஸ்ஜெட்டின் நேரடி மற்றும் இணைப்பு விமானங்களில் இந்த சலுகையைப் பெறலாம்.

கடந்த வாரமும் ஒரு சலுகை

கடந்த வாரம் இதேபோல, ரூ. 1888க்கு ஒரு சலுகைக் கட்டணத்தை இந்த நிறுவனம் அறிவித்திருந்தது நினைவிருக்கலாம்.

கலாநிதி மாறன்

சன் டிவியின் கலாநிதி மாறன் நடத்தி வரும் ஸ்பைஸ்ஜெட் நிறுவனம், 49 நகரங்களுக்கு 340 விமான சேவைகளை வைத்துள்ளது என்பது குறிப்பிடத்தக்கது. இதில் 8 நகரங்கள், வெளிநாடுகளைச் சேர்ந்தவையாகும்.

English summary

SpiceJet on Monday offered customers ticket prices as low as Rs 499 on its domestic network in yet another limited period special fare scheme, 'Early Bird'. The bookings for this three-day offer commences from September 1 with a travel validity period between January 16 and October 24 next year, SpiceJet said in a release here.