சிறந்த காலநிலை நடவடிக்கைக்கான செயல்திறன்.. இந்தியாவிலேயே ஒடிசா முதலிடம்!

Updated: Thursday, June 3, 2021, 21:20 [IST]

Subscribe to Oneindia Tamil

புவனேஸ்வர்: சிறந்த காலநிலை சார்ந்த நடவடிக்கைகளில் இந்தியாவிலேயே ஒடிசா முதலிடம் பிடித்து சாதனை படைத்துள்ளது.

இந்தியாவில் சிறந்த காலநிலை நடவடிக்கைக்கான குறியீட்டு மதிப்பெண்ணில் ஒடிசா அனைத்து மாநிலத்தையும் முறியடித்து முதலிடத்தில் உள்ளது. ஒடிசா மாநிலம் 70 மதிப்பெண்களை பெற்றுள்ளது.

ஒடிசா முதலிடம்

இதனை தொடர்ந்து கேரளா (69 மதிப்பெண்கள் ), நாகாலாந்து (69), குஜராத் (67) , மிசோரம் (66), சிக்கிம் (65) ஆகிய மதிப்பெண்களை பெற்று அடுத்த இடத்தை பெறுகின்றன. நிலையான அபிவிருத்தி இலக்குகளின் இந்தியா(எஸ்டிஜி இந்தியா) மற்றும் டாஷ்போர்டு 2020-21 எடுத்த கணக்கீட்டின் படி ஒடிசா முதலிடம் பிடித்துள்ளது. இந்த குறியீட்டு மதிப்பெண்கள் மாநிலங்களுக்கு 16 முதல் 70 வரையிலும், யூனியன் பிரதேசங்களுக்கு 18 முதல் 77 வரையும் இருக்கும்.

யூனியன் பிரதேசத்தில் யார்?

மாநிலங்களை பொறுத்தவரை ஒடிசாவும், யூனியன் பிரதேசங்களை பொறுத்தவரை அந்தமான்& நிகோபார் தீவுகளும் சிறந்த செயல்முறைகளை கொண்டுள்ளன. இந்தியாவில் காலநிலை நடவடிக்கைக்கான செயல்திறனை அளவிட ஐந்து தேசிய அளவிலான கொள்கைகள், செயல்முறைகள் வகுக்கப்பட்டுள்ளன. இந்த 5 அம்சங்கள் பின்வருமாறு:-

5 செயல் முறைகள்

5 செயல் முறைகள்
1. தீவிரமான காலநிலை போன்ற நிகழ்வுகளால் 1 கோடி மக்கள் தொகையில் இழந்த உயிரிழப்பு எண்ணிக்கை.
2. பேரழிவு பின்னடைவு குறியீட்டின்படி பேரழிவை எதிர்கொள்ளும் தயாரிப்பு திறன் .
3. நிறுவப்பட்ட மொத்த உற்பத்தி திறனில் புதுப்பிக்கத்தக்க ஆற்றலின் சதவீதம்((ஒதுக்கப்பட்ட பங்குகள் உட்பட)
4. 1,000 எண்ணிக்கைக்கு ஏற்ப எல்.ஈ.டி பல்புகளிலிருந்து சேமிக்கப்பட்ட கார்பனீராக்சைடு(C02)
5. காற்று மாசுபாடு காரணமாக (1,00,000 மக்கள்தொகைக்கு) ஏற்பட்ட இயலாமை சரிசெய்யப்பட்ட ஆயுட்கால வீதம்.

22 மதிப்பெண்கள்

இதில் தீவிர காலநிலை நிகழ்வுகள் காரணமாக 1 கோடி மக்கள் தொகையில் இழந்த மனித உயிர்களின் எண்ணிக்கை 0 இலக்கை விட ஒடிசாவின் செயல்திறன் 22.78 ஆக உள்ளது. பேரழிவு பின்னடைவு குறியீட்டின் படி பேரழிவு தயாரிப்பு மதிப்பெண்ணில் ஒடிசா நிர்ணயிக்கப்பட்ட 50 இலக்குக்கு எதிராக 22 மதிப்பெண்கள் எடுத்துள்ளது.

புதுப்பிக்கத்தக்க ஆற்றல் எவ்வளவு சதவீதம்?

நிறுவப்பட்ட மொத்த உற்பத்தி திறனில் (ஒதுக்கப்பட்ட பங்குகள் உட்பட) புதுப்பிக்கத்தக்க ஆற்றலின் சதவீதத்தில் ஒடிசா நிர்ணயிக்கப்பட்ட 40 இலக்குக்கு எதிராக 31.40 மதிப்பெண் பெற்றுள்ளது. 1,000 எண்ணிக்கை கொண்ட எல்.ஈ.டி பல்புகளிலிருந்து சேமிக்கப்பட்ட கார்பனீராக்சைடடில் (C02) ஒடிசா 103.22 இலக்குக்கு எதிராக 120.07 மதிப்பெண் பெற்றுள்ளது.

ஒப்பீடு உறுதி செய்யவதன் அடிப்படையில்..

மேலும் காற்று மாசுபாடு காரணமாக (1,00,000 மக்கள்தொகைக்கு ஏற்ப ) ஏற்பட்ட இயலாமை சரிசெய்யப்பட்ட ஆயுட்கால விகிதத்தில் ஒடிசா 1442 இலக்கை விட 3201 மதிப்பெண்களைப் பெற்றுள்ளது. துணை தேசிய அளவில் தரவு கிடைப்பதன் அடிப்படையில், மாநிலங்கள் மற்றும் யூனியன் பிரதேசங்கள் முழுவதும் ஒப்பீட்டை உறுதி செய்வதன் அடிப்படையில் மேற்கணட குறிகாட்டிகள் தேர்ந்தெடுக்கப்பட்டுள்ளன.